allir á Hnúkinn!

[0311783479]

Halló,

Sjálfur var Hardcore (a.k.a. Ívar) í björgunarsveit(um) á sínum yngri árum og nam þar fræðin og beitti all oft á æfingum og leitum. Þannig að hann hefur líklega verið að skírskota til þess hversu almenn eðlis kennsla í fjallamennsku sé í björgunarsveitum, sem er vel enda er ekki nema lítill partur af björgunarsveitamönnum sem nokkru sinni ætla í brattgenga fjallamennskuiðkun. Að sama skapi er skyndihjálpar kennslan ekki ætluð til að mennta bráðatækna. En nóg af slíku.

Öllum verður okkur á í messunni og þá er frábært að eiga hauka í ýmsum hornum þegar kemur að öflugum björgunasveitum, mörg okkar höfum bakgrunn í þeim þar með talinn ég.

Áhugaverðir punktar hafa komið fram í þessum þræði:
1) mikilvægi þess að vita hvenær við ofurefli er að etja
2) Vera staðkunnugur og rétt útbúinn
3) Allir sem ferðast í sama hópnum séu upplýstir um ákvarðanatöku og séu meðvitaðir um hvað sé í gangi
4) Það er eitt að leiða hóp vina og kunningja upp um fjöll og firnindi af einskærri ánægju, allt annað er að þiggja greiðslu fyrir viðvikið. Að selja sig út sem fjallaleiðsögumann krefst talsvert meira en að kunna handtök til fjalla.
5) Smiður er ekki smiður nema að sveinsbréf hangi upp á vegg.

Ferðaþjónustan er líklega eini alvöru vaxtarbroddurinn í íslenska efnahagskerfinu, þannig að það er gefið að það verði aukin samkeppni í fjallaleiðsögn og því er þeim sem nú eru komnir til starfa annt um orðspor sitt og vilja vernda það. Það er líklega hvatinn á bak við upphaflega póst Hardcores. Mér þætti persónulega leiðinlegt ef upp kæmi sú krafa að gera fjallaleiðsögn að „lögvernduðu“ starfsheiti því ég held að við þurfum ekki á slíkum afskiptum af framtakssömum aðilum með góðar hugmyndir.

Rétt að þakka Alta formanni fyrir að benda á mikilvægi þess að vera málefnalegur og að hafa skal gát í nærveru sálar.

Jæja nóg af röfli frá mér…

kveðja
Halli

[Karl]

Ég tek undir allt sem Halli skrifar.

Ég tel að farsælast sé að þeir sem starfa við leiðsögn til fjalla komi sér saman um samtök á á borð við þau sem ég nefndi hér að ofan og komi umræðunni og faginu uppúr hjólförum einstakra fyrirtækja.

[Björgvin Hilmarsson]

Ég er nú ekki að koma auga á neitt óvenjulega mikið meiri hroka hjá Ívari núna en við eigum að venjast og gerir Hardcore að því sem hann er.

Aron greinilega eitthvað sár kallinn og fellur í þá grifju að færa allverulega í stílinn. Það er reyndar gaman líka en á ekki alltaf við. Það er góð regla að tala með munninum en ekki öðrum götum sem eru klárlega ætluð í eitthvað allt annað.

[2806763069]

Allir rólegir og allt í góðu. Þeir sem eru alltaf með derring verða að geta takið því að einhverjir gjaldi í sömu mynt.

Og reyndar hefur Aron fullkomlega rétt fyrir sér, ég á bara ekkert með að vera að flækja björgunarsveitunum inn í þetta. Þeir sem ég og aðrir besservisserar kjósa að pirra sig á hafa sjaldnast eitt né neitt með björgunarsveitir að gera. Ég bið því allt það góða fólk sem þar starfar innilegrar afsökunar á að hafa verið að blanda þeim inn í þessa umræðu.

Góðar stundir,
Softarinn.

[aronreyn]

Það er gott að Ívar sér kaldhæðnishúmorinn í þessum skrifum mínum.

Ykkur sem bölsóttist hvað mest yfir þessum „freelanserum“ þá get ég sagt ykkur þær gleðifréttir að ferðamálastofa er með í smíðum reglur sem gera kröfur um menntun til handa þeim sem taka að sér leiðsögn á jöklum.

Þar segir:“ Starfsmaður sem leiðsegir í gönguferðum á snæviþöktum jöklum skal hafa góða reynslu og þekkingu af ferðalögum á slíkum jöklum bæði að sumar og vetrarlagi. Hann skal hafa lokið að minnsta kosti eftirfarandi námskeiðum sem sambærileg eru þeim sem kennd eru í leiðsöguskólum, sem viðurkenndir eru af menntamálaráðuneytinu, björgunarskóla landsbjargar eða viðurkennda alþjóðlega menntun á þessu sviði „.

Ferðamennska
Rötun
Wilderness first
Fjallamennska 1 og 2
Ferðast á jöklum
Snjóflóð 1

Þessar tillögur eru af hinu góða og ég fagna þeim. Ég geri ráð fyrir að þær taki gildi fyrr en seinna. Þær eru í umsagnarferli núna.

En ekki tala illa um björgunarsveitir. Þær eiga það ekki skilið…

[3110755439]

Aron: Smá forvitni með þessa vinnu, tekur þetta ekki örugglega líka til þeirra sem eru að keyra ferðamenn á jöklum?

kv
Dóri

[aronreyn]

Nei því miður hefur ekki verið lagt upp með það. Í fyrstu umferð hefur eingöngu verið rætt um gönguleiðsögumenn. Tillögurnar eru þríþættar, þ.e. skriðjöklagöngur, jökulgöngur og hálendisgönguferðir. Sitt hvorar kröfurnar fyrir hvern flokk fyrir sig. Hagsmunaaðilar geta eflaust nálgast þetta hjá Ferðamálastofu. Þetta barst mér þaðan.

[Sissi]

Heyrst hefur að einhverjir hafi látið verkin tala í öryggismálum á Hnjúknum. Er þetta eitthvað sem menn vilja deila með bekknum?

[3110755439]

Ættum að sjá myndir seinnipartinn í dag…
Annars finnst mér að það ætti að setja blikk-ljósalínu líka

[Höfundur]

Svör