IceHot1
Route number 1 in the photo.
IceHot1 260m D+ AI4/M4
NV-veggur Kristínartinda var klifinn 31. mars 2016. Kristínartindar er vinsælt göngufjall fyrir ferðalanga í Skaftafelli en sem við best vitum þá er þetta í fyrsta sinn sem NV-veggurinn hefur verið klifraður. Nóg var af sögum um vegginn en lítið til af upplýsingum og besta myndin sem við höfðum af aðstæðum var tekin úr botni Mórsárdals fyrir um það bil mánuði.
Við gengum upp Skaftafellsheiði eftir stígum þjóðgarðsins og fylgdum þeim upp að Gemludal sem liggur undir vesturhrygg Kristínartinda í 700m hæð. Þar yfirgáfum við stiginn og traversuðum undir hlíðar vesturhryggsins. Traversan er varasöm á köflum í 40-50° snjó. Aðal veggurinn byrjar sjálfur í 900m hæð.
Útfrá myndum úr dalnum höfðum áætlað að klifra aðra línu en þegar komið er undir vegginn blasir við hlaðborð af stórkostlegum klifurleiðum og við urðum fljótt afvegaleiddir og völdum línu sem virtist liggja nærri því þráðbeint upp með stöðugum erfiðleikum. Neðst í klettabeltinu er gott stuðlaberg sem stappaði í okkur stálið þar sem ísinn var mjög þunnur í byrjun. Bjartur vildi ólmur fara upp beinasta afbrigðið af leiðinni en eftir að hafa skoðað ísinn nánar féllst hann á að fylgja mér upp hægra afbrigðið sem virtist nokkrum centimetrum þykkara. Heppilega batnaði ísinn þegar ofar dró, um leið og bergið versnaði.
- spönn 45m. AI4, vandasamt klifur á þunnum ís og mjög tortryggt fyrstu 15m
- spönn 50m. AI3 / M4, Mix kaflinn er hliðrun til vinstri í aðal rennuna og mjög tortryggð.
- spönn 40m. AI4
- spönn 60m. AI3
Að lokum er svo sirka 60m af snjó brölti upp á topp.
Mælt er að hafa með sér 1 hnetusett og eitthvað af stuttum skrúfum.
Þó að veggurinn sé ekki gífurlega hár þá er aðkoman löng eða um 18km og 1200m hækkun fram og til baka. Venjulegu gönguleiðinni er fylgt niður.
Fyrst farin: Bjartur Týr Ólafsson og Þorsteinn Cameron, 31.03.2016
| Crag | Öræfi, Vestur |
| Sector | Kristínartindar |
| Type | Alpine |
| Markings |
Video
(Icelandic)
Snilldarleið á flottum stað og þvílíkt gott nafn! Vel gert félagar.