- This topic is empty.
-
Posts
-
Koma svo!
Boltum Palla við Stardalinn.
Ég verð að viðurkenna að enn sem komið er hef ég ekki boltað eina einustu leið í Stardal og stefni ekki að því.Stardalur mekka klettaklifurs á Íslandi!!! Jeminn eini.
Jú það eru fínar leiðir þar og góðar, en mekka klifurs á Íslandi, um það má nú deila.
Hjalti Rafn.
jæja þykir mér menn vera farnir að brúka hin breiðu spjótin, en það er nú svossem eðlilegt þegar um mikil tilfinningamál er að ræða.
Rök hníga í báðar áttir, vissulega myndi traffíkin aukast og etv. magnaðar leiðir verða til sem annars enginn færi í ef menn færu að bolta þarna upp frá. Á hinn bóginn sýnir okkur reynslan t.a.m. úr Valshamri þar sem ágætis dótaleið (5.4) mjög fín sem byrjendaleið í dóti, þarna rétt sunnan við Eilífur er ekki hér, var boltuð fyrir 2-3 árum. En myndi það ekki alltaf verða trendið að klassískar dótaleiðir yrðu boltaðar ef menn færu að bolta þar yfir höfuð? Mætti ekki svo spyrja á móti, að sprungurnar eyðileggjast ekkert þótt það sé boltað utan á stuðulinn og menn get enn sem áður klifrað leiðirnar í dóti?
Er þetta ekki spurning um afturkræf/óafturkræf áhrif, þetta virðast vera voða trendý orð sbr. Kárahnjúka, Eyjabakka en hafa nokkuð til síns máls.
Þó ég fari ekki oft upp í dal (stefni á fara oftar í sumar en síðasta;o) þá fær maður einhver vegin svo miklu meira út úr hverri dótaleið sem maður klifrar heldur en boltaðri leið, reynsla sem nýtist manni svo í ísklifri og klassískri fjallamennsku. Ég held að ég myndi líklega halda áfram að klifra klassískar leiðir þarna í dóti þó svo að þær yrðu boltaðar.
Reyndar ef maður vitanaði í Stardals-tópóinn frá ’85 þar sem talað er um siðfræði klettaklifurs þá segir að “leið teljist ekki farinn nema að hún sé farin í jafngóðum stíl og sá sem frumfór hana”, spurning hvort menn næðu þá nokkuð að fara þessar leiðir,skv. þessari siðfræði, nema að þeir klifruðu hana í dóti. ;o)
En þetta er kannski allt önnur pæling…
-kv.
HalliHalló. Eruð þið ekki læsir? Ég var búinn að enda þessa umræðu með fullkomlega góðum rökum. Finnið ykkur eitthvað annað að gera en að velta ykkur upp úr þessu. Sprungur á ekki að bolta þó að það séu engir til sem þora að klifra þær. enn og aftur PUNKTUR!
Ég held bara að menn séu eitthvað að missa sig svona í ellinni!
p.s. Ef þið boltið í dalnum skal ég fara persónulega með Stebba og saga af boltunum hvort sem þeir eru í nýjum eða gömlum leiðum.
Ja svei, er að sjá þessa umræðu fyrst núna.
Sú hugmynd að bolta í Stardal fær einkunina 0.0 í mínum huga. Ef ekki er hægt að tryggja með dóti í klettunum í vestari hnjúknum mætti skoða að bolta þar. En það væri fáránlegt að bolta í klettunum sem nú þegar er klifrað í. Síðast þegar ég klifraði í Stardal þá var það bara helvíti fínt. Why fix it if it ain´t broken?Stardalurinn er eitt besta klifursvæði landsins. Stór hluti af ánægjunni sem fæst úr klifri þar er að leiðirnar eru tryggðar með dóti. Ég fer ekki í Stardalinn til að testa gripstyrkinn eftir vetur í Klifurhúsinu, ekki heldur til að keppast um að komast upp leiðir með sem hæsta gráðu. Ég fer í Stardalinn og nýt þess að fiska inn hnetu hér og setja inn vin þar og passa mig að detta ekki, klifra rólega og yfirvegað. Ég og flestir klifrarar sem ég þekki fara í Stardalinn vegna þess að klifrið er frábrugðið sportklifri.
Fjöldi þeirra sem mæta á Hnappavelli til að komast í gott sportklifur bendir ekki til að eftirspurn eftir góðu sportklifri sé orðin meiri en framboðið.
Palli talar um nýja tíma. Nýir tímar þýða ekki að grundvallarsiðferði í klifri eigi að breytast. Eigum við ekki líka að hætta að leiða í klifri, gamaldags hvort eð er?
Ívar og Stebbi, pant eitt pláss í bílnum fyrir mig og kúbeinið ef illa fer.
Kv, AB
- You must be logged in to reply to this topic.