Dýrafjörður

Klifursvæði27. apríl, 2018Jonni

Vestfjörðunum er skipt niður í: Barðaströnd, Arnarfjörður, Dýrafjörður, Ísafjarðardjúp og Hornstrandir

Mest hefur verið klifrað í Dýrafirði á Ísklifurfestivali Ísalp árið 2013. Þá var klifrað á tveimur stöðum, Eyrardal sunnan megin í firðinum og í Garðshvilft norðan megin í firðinum. Á festivalið mættu atvinnu ísklifrararnir Dawn Glanc og Tim Emmett. Með þeim í för var ljósmyndara teymi en þar á meðal var Keith Ladzinski sem er hvað þekktastur fyrir sportklifur myndbönd.

Eitthvað hefur skolast til í skráningunni síðan 2012 og 2013 og því eru einhver göt sem á eftir að fylla í

Dawn Glanc og Stanislav Vrba komu svo við í Dýrafirði árið 2014 og klifruðu fleiri leiðir.

Garðshvilft

Garðshviflt er staðsett norðan megin í Dýrafirði, eiginlega andspænis Eyrardalnum. Dawn Glanc er sennilega fyrst til að klifra í hvilftinni en hún frumfór eitthvað af línum þarna fyrir 2013 (sem við höfum ekki upplýsingar um). Því næst var klifrað þarna á ísklifurfestivali 2012 í slæmu veðri og 2013 í fínasta veðri.

Leiðir 4-9 gætu einhverjar ekki verið alveg rétt staðsettar sökum nokkuð óskýrra mynda og misræmis í heimildum.

1. Bleikt og blátt – WI 5
   1.5 Helskór Vésteins – WI 4+
2. Palli? – (P4?)
3. Vindlar faraós – WI 5
4. Comedy of errors – WI 4
5. Hamlet WI 5
6. Óþelló – WI 4
7. Ofviðrið – WI 3+
8. Gogglurnar – WI 3+
9. Rómeó og Júlía – WI 5

Eyrardalur

Stór falleg skál með klifri allan hringinn. Það tekur u.þ.b. hálftíma að ganga inn í miðja skálina og svo annan hálftíma upp að leiðunum.

1. Úlfur – WI 3
2. Garmur – WI 3+
3. Fenrir – WI 4
4. Freki – WI 4
5. Vargur – WI 4
6.  Óþekkt gömul
7. Blái lótusinn – WI 5-
8. Bleiki Pardusinn – WI 5
9. Locals only – WI 5+
10. Ego problem – WI 6
11. Seaweed – M 7 / WI 5+
12. Checking out seals – M 7 / WI 5+
13. Right out of the fjord – WI 5
14. Óklifin
15. Óklifin
16. Grasleysa – WI 3
17. Óklifin

Við Dýrafjarðargöng

Lagt er við nýju Dýrafjarðargöngin og gengið inn í næsta gil. Áin um gilið heitir Bæjará. Í gilinu eru tveir flottir ísfossar.

• Stútungur
• Bútungur

Leiðarlýsing

Á veturna eru Dynjandisheiði og Hrafnseyrarheiði yfirleitt ófærar. Því er eina leiðin í Dýrafjörð oftast frá Ísafirði, 40-60 mínútna akstur.

Kort

Myndbönd