Nú er Gufunesturninn dottinn í aðstæður og því tilvalið að stökkva á hann áður en að næsta lægð kemur.
Planið er að byrja klukkan 19:00 á föstudagskvöldið, teknir verða tímar á þeim sem vilja til klukkan 20:30. Um 21:00 verður útsláttarkeppni milli einstaklinganna með átta bestu tímana, þar til einn stendur eftir sem hraðaklifurmeistari Ísalp.
Til stendur að vera með grill í gangi, pulsur og meðlæti og einnig skemmuna við hliðina á og klósettaðstöðu.
Stjórn lofar partýmússík, flóðlýsingu og gógó-dönsurum.
Árið 2016 voru Albert Leichtfried og Benedikt Purner þriðja teymið til að fara leiðina og gáfu henni gráðuna WI 6+, til að staðfesta íslenska „sandbag-ið“ enn og aftur.
FF: Páll Sveinsson & Hallgrímur Magnússon, 25. feb 2000
Leiðin sem er lengst hægra megin í sectornum Glassúr, yfir sjónum
Til að klifra þessa leið þarf að gera annað hvort af tvennu, hlaupa milli alda eftir klettafjörunni, sem næst fjöru eða síga ofan frá (toppa úr annari leið). Í frumferðinni var það fyrrnefnda gert.
FF: Albert Leichtfried og Benedikt Purner, 15/02 ’16
FF. Jón Geirsson og Snæ- varr Guðmundsson, um hvítasunnu árið 1986.
Gráða: PD. Á myndinni sést sú leið sem oftast hefur verið farin upp suðvesturhrygginn á Vestara-Hrútsfjalli eins og hún liggur nokkurn veginn. Í fyrstu ferðinni fóru Jón og Snævarr aðeins ofar í ísfallið, upp snjóbrekkur og síðan inn á hrygginn.
Texti og mynd úr leiðarvísi úr Ársriti Ísalp 2011-2015. Björgvin Hilmarsson.
FF. Bjartur Týr Ólafsson og Matteo Meucci, 23. apríl 2015.
Gráða: TD+, AI5.
Farið upp frá Svínafellsjökli og upp undir suðurhrygginn í Vestara-Hrútsfjalli. Byrjað á 110 m háum ísfossi. Hann var farinn í þremur spönnum sem voru AI4 (30 m), AI5 (50 m) AI3 (15 m). Eftir það hefðbundin leið eftir hryggnum og upp á topp.
Texti og mynd úr leiðarvísi í grein Björgvins Hilmarssonar frá Ársriti Ísalp 2011-2015.
FF. Bjartur Týr Ólafsson og Matteo Meucci, 22. apríl 2015.
Gráða: TD, AI4.
Aðkoma eftir Svínafellsjökli. Gengið upp með ísfallinu og að um það bil 125 m háum ísfossi ofarlega og vestan í vestasta hryggnum í suðurhlíðinni. Fossinn var farinn í þremur spönnum sem voru AI4+ (55 m), AI4 (55 m) og AI3 (15 m).
Leið 3
Texti og mynd úr leiðarvísi í grein Björgvins Hilmarssonar frá Ársriti Ísalp 2011-2015.
FF. Freyr Ingi Björnsson og Styrmir Steingrímsson, 3. apríl 2012.
Gráða TD, WI4/5.
Leiðin hefst á ísfossi mitt á milli Scottsleiðar og Postulínsleiðarinnar, sameinast Postulínsleiðinni og svo síðar Scottsleið. Þeir fóru síðan upp lokahaftið í Scottsleið og enduðu uppi á Suðurtindi. Leiðin er merkt með grænni línu.
Texti og mynd úr leiðarvísi í grein Björgvins Hilmarssonar frá Ársriti Ísalp 2011-2015.
FF. Einar Rúnar Sigurðsson, Ívar F. Finnbogason og Örvar A. Þorgeirsson, 1. apríl 2000.
Gráða TD, WI5.
Eftir fyrstu snjóbrekkurnar er myndarlegur WI4 gráðu ísfoss, um 40 metra hár. Eftir það er farið um snjóbrekkur og styttir ísfoss að erfiðasta fossinum sem er um 50 m af gráðu WI5. Lokahaftið í suðurhlíðinni er ísfoss sem farinn var í þremur spönnum: WI4 20 m, WI5 30 m, WI2/3 30 m. Héldu þeir félagar áfram upp á Suðurtind.
Leið 7
Texti og mynd úr leiðarvísi í grein Björgvins Hilmarssonar frá Ársriti Ísalp 2011-2015.
FF. Arnór Guðbjartsson og Helgi Benediktsson um páska 1983
Gráða: PD. Þeirra leið lá síðan upp á Miðtind ofarlega í gilinu, rétt áður en línan tekur áberandi sveig til austurs, skildu þeir skíðin eftir. Á leiðinni niður var ætlunin að skíða niður en minna varð úr því en áætlað var.
Mynd 8
Texti og mynd úr leiðarvísi í grein Björgvins Hilmarssonar frá Ársriti Ísalp 2011-2015.
Nú er helgin liðin og árlega ísklifurfestival ÍSALP afstaðið. Um það bil 37 klifrar mættu í Kaldakinn helgina 12. – 14. febrúar og nutu þar einstakrar gestrisni heimamanna við býlið Björg.
Spáin hans Hlöðvers um gott veður stóðst að venju og lék veðrið við okkur alla helgina. Hitastigið var oftast rétt um frostmark yfir daginn og stöku sinnum sást meira að segja til sólar. Meðan maður stóð við ströndina og sleikti sólina mátti maður spyrja sig hvort hér væri í raun um ísklifurfestival að ræða. Gildir klifrið ef maður drepst ekki úr naglakuli á leiðinni? Reynsla klifraranna náði yfir allan skalann, allt frá grænum byrjendum í vetrarklifur ofurhetjur og skemmtu sér allir konunglega enda um nóg að velja í Kaldakinn.
Klifrað var alla daga og í öllum sektorum svæðisins. Vinsælast var fjöruborðið við svæðið Glassúr þar sem nærri allar mögulegar leiðir og afbrigði voru farin um helgina. Helst má nefna þar frumferðir Albert Leichtfried og Benedikt Purner á ísfossunum sem liggja út í sjóinn. Þar tímasettu þeir sig vel og sprettu á milli alda til að ná upp í Sex on the Beach WI5+ og Shooters WI4+. Matteo Meucci og Halldór Fannar reyndu einnig við nokkrar frumferðir á svæðinu en að góðri íslenskri venju kom í ljós að þetta hafði allt verið farið fyrir langa löngu.
Af öðrum svæðum má helst nefna frumferðir Albert Leichtfried og Benedikt Purner á X-files WI6/M6 í Stekkjastaur sektor og frumferð Arnars Þór Emilssonar og Sveins Eydals á Stönthrút WI4 meðan Freyr Ingi Björnsson og Haukur Már Sveinsson frumfóru Salómon Svarti WI4/5. Stekkjastaur sjálfur var klifraður einu sinni yfir hátíðina af Albert og Benedikt enda í mjög þunnum aðstæðum. Gáfu þeir honum WI6/6+ í núverandi ástandi. Sektor Girnd fékk fáar en góðar heimsóknir og voru þar frumfarnar tvær nýjar leiðir. Matteo Meucci og Halldór Fannar fóru leið sem þræðir nýtt kerti hægra megin við Upprisu Svínanna og fékk leiðin gráðuna WI5+. Albert og Benedikt létu sig ekki vanta og fóru nýja leið á milli Kostulega Postula og E300 sem nefnist Have no fear, have a skyr M7. Einnig má nefna að farnar voru leiðirnar Drífa, Íssól, Hlæjandi Fýlar, Faðir og Sonur, Dramb, Heimasætan ofl. fengu allar heimsóknir.
Á kvöldin var boðið upp á ljúffengan mat að Björgum og á laugardagskvöldið var einnig boðið upp á harmónikku- og gítar undirspil. Eftir að kláruð voru 6 lambalæri og öllu skolað niður með Kalda í boði Kalda þá hélt Albert fyrir okkur myndasýningu úr seinustu ferð hans og Benedikts til Tíbet en myndirnar voru teknar af ljósmyndaranum Elias Holzknecht sem var einnig á svæðinu.
Kærar þakkir til Hlöðvers, Jónu og allra á Björgum sem og allra sem lögðu leið sína norður til að njóta helgarinnar með okkur.
Næst ysta mögulega línan í sectornum Glassúr, ekki almennilega formuð á myndinni
Til að klifra þessa leið þarf að gera annað hvort af tvennu, hlaupa milli alda eftir klettafjörunni, sem næst fjöru eða síga ofan frá (toppa úr annari leið). Í frumferðinni var það fyrrnefnda gert.
FF: Albert Leichtfried og Benedikt Purner, 14/02 ’16
M 6, aðallega 1-2 mixhreyfingar er svo er restin af spönninni WI 6
WI 6 upp á topp
Leiðin var frumfarin á ísklifurfestivali Ísalp 2016, nafnið er tilkomið út af hreyfingu til að hiðra út í seinustu spönnina, þar sem maður er krossfestur í stóru X-i
FF: Albert Leichtfried og Benedikt Purner, 13/02 ’16
Leiðin er næsta leið til hægri við Niflheima (A11). Hægra megin við Mávahlátur er svo áberandi rif (sést illa á mynd, mikið af snjó og hún er aðeins yfirlýst þarna), hinu megin við rifið er svo leiðin Aussie Pickings.
Leiðin byrjar á bröttu hafti, ca 10-12m. Eftir það er leiðin mjög slabbandi, auðveld og með kverk svo að frábært er að stíga. Þegar að leiðin var fyrst farin var ísinn mjög mjúkur og þægilegur svo að leiðin var þægileg WI 4, allar líkur eru á að aðstæður geti auðveldlega gert leiðina erfiðari.
Stór snjóhengja var fyrir ofan leiðina og leiðin slabbaði sífellt meira og meira yfir í snjóklifur, sigum því niður á síðasta áberandi ísbunkanum.
FF: Þorsteinn Cameron og Jónas G. Sigurðsson, 05. feb 2016, ca 30m
