Rolling stones WI 4+

Leiðir

Fyrsta leiðin í mögnuðum hömrum sem liggja milli Svínafellsjökuls og Svínafellsins. Hér er hægt að fara margar línur sem líta út fyrir að vera heimsklassalínur hvað varðar erfiðleika, útsýni og klifur.

Ef lónið við jökulinn er frosið, þá er best að leggja bílnum við bæinn Svínafell og elta stíg sem liggur í gegn um jökulgarðinn. Einhverstaðar er trébrú sem auðveldar aðgengið.
Ef lónið er ekki frosið, þá er líka hægt að fara frá „Batman“ bílastæðinu við jökultunguna og ganga yfir jökulinn til austurs. Athugið að sú leið er mjög sprungin og ekki er ráðlagt að fara þar yfir nema að hópurinn treysti sér í sprungubjörgun!

FF: Matteo Meucci and Hlynur Sigurjonsson 7/3/2016, 110m

Klifursvæði Öræfi, Vestur
Svæði Secret lagoon
Tegund Ice Climbing

Break a window WI 4

Leiðir

Rauð lína á mynd

Approach about 45min. Gengið frá þjónustumiðstöðinni í Skaftafelli og upp á Skaftafellsjökul.
WI 4, 70m

Sögusagnir segja að þessi lína hafi verið farin áður, þangað til annað kemur í ljós verður þetta skráð svona.

FF: Hlynur Sigurjónsson, Kiddi Sigurjónsson, Matteo Meucci on the 5/03/2016

Klifursvæði Öræfi, Vestur
Svæði Skaftafellsjökull
Tegund Ice Climbing

(English) Pinnacle Club / BMC International Womens Climbing Meet

Fréttir

Þessi grein er ekki til á íslensku. For the sake of viewer convenience, the content is shown below in the alternative language. You may click the link to switch the active language.

Mynd frá BMC International Winter Meet 2016. Það var of hlýtt í fjöllunum fyrstu daganna svo leitað var til strandarinnar í dótaklifur.
Mynd frá BMC International Winter Meet 2016. Það var of hlýtt í fjöllunum fyrstu daganna svo leitað var til strandarinnar í dótaklifur.

Íslenska Alpaklúbbnum hefur boðist að senda tvo meðlimi á einstakan viðburð í Bretlandseyjum 12.-19. júní næstkomandi. Kvennaklifurfélag Bretlands The Pinnacle heldur í samstarfi við The British Mountaineering Council alþjóðlegt dótaklifur festival í Llanberis Pass, einum þekktasta klettaklifurvettvangi Bretlands. Þetta er kjörið tækifæri fyrir konur sem vilja læra meira í klettaklifri og sér í lagi dótaklifri þar sem bretar eru einna þekktastir fyrir dótaklifur.

Alþjóðleg klifurfestivöl eru líka einstök tækifæri til að kynnast klifrurum frá öðrum löndum en þar koma saman klifrarar frá öllum heimshornum, aldursflokkum og hæfileikastigum. Festivalið stendur yfir í 6 daga og verður gist í klifurskálanum Ynys Ettws Hut sem er í eigu The Pinnacle. Klifrað verður alla daga ef veður leyfir og að venju þá er erlendum klifrurum parað með breskum sem þekkja svæðið. Bresku klifrararnir eru þó ekki leiðsögumenn heldur klifurfélagar og eru ákvarðanir um klifurleiðir teknar í sameiningu sem og klifrið sjálft. Í lokin er svo haldið gott partí.

Mælt er með því að umsækjendur hafi reynslu af náttúrulegum bergtryggingum og að setja upp akkeri. Haldið verður kliník í því fyrsta morguninn á festivalinu en betra er að koma ekki alveg af fjöllum í þeim efnum.

Umsóknir skulu berast isalp@isalp.is fyrir 26. mars og endilega hafið samband ef óskað er eftir frekari upplýsingum.

Hér er blog um seinasta alþjóðlega kvennafestivalið árið 1984 og myndband frá seinasta alþjóðlega dótaklifurfestivali BMC árið 2013

Búlandstindur austurveggur WI 5

Leiðir

Austurveggurinn á Búlandstindi (1069m) við Berufjörð var klifraður 20. febrúar 2016.
Okkur vitanlega er þetta frumferðin upp vegginn en vitað er um eitt teymi sem fór ca. hálfa leið upp fyrir 6 árum en óvíst hvort aðrir hafi reynt fyrr eða síðar.

A-veggurinn rís nánast beint úr sæ og býður því upp á einn af hæstu (samfelldu) bröttu fjallaveggjum landsins.
Það eru þrjár megin-línur upp vegginn og fórum við miðjulínuna.
Á myndinni sést ca. hvernig við þræddum upp megin ísþilin og eltum svo ísbunka og klettarif milli snjóklifurkaflanna.

Leiðin byrjaði í hressandi WI5+ hafti, því skeggið náði ekki alveg niður en annars var erfiðleiki íshaftanna yfirleitt ekki meira en WI4-5.
Alpaklifurhöftin voru missnúin – flest frekar þægileg með plasteruðum ís utan á, en þau urðu tortryggðari eftir því sem ofar dró og í restina var þetta nánast ótryggjanlegt (og sketchy klifur í þokkabót).

Fórum fyrri partinn í hefðbundnu ísklifri („pitched“)  en færðum okkur svo yfir í simul-klifur með einstaka hafti „pitched“ þegar ofar dró.
1. spönn – 70m WI5+ byrjunarhaft og WI4/5 eftir það með snjóstalli á milli.
2. spönn – 70m WI3/4 tengispönn. Snjóstallur með stuttu en sketchy þunnu íshafti. Hliðrað um 30m til hægri inn að megin ísþilinu.
3. spönn – 60-70m WI4+ í þunnum ís í skemmtilegri rennu.
4. spönn – 60-70m WI4/5 í þykkari en brattari ís (tvö höft).
Hér skiptum við svo yfir í simul-klifur og tryggðum í bland í ís, snjó og grjót (skrúfur, snjóhælar, hnetur og fleygar).
Nóg af ísbunkum framan af nema þegar við áttum ca. 1/4 eftir, þá var orðið minna framboð og alvarleikinn orðinn þeim mun meiri…

Vinstri megin línan virðist vera af svipuðum kalíber og okkar lína en hægri línan er verulega mikið erfiðari, WI6 jafnvel…

Skrái leiðina sem WI5, því WI5+ dæmið var bara fyrstu 5m og í meiri ís væri fyrsta haftið eflaust bara WI4+ eða WI5.

Fyrst farin: 20. febrúar 2016, Sigurður Tómas Þórisson og Róbert Halldórsson

Myndræna ferðasögu má sjá hér.

Klifursvæði Berufjörður
Svæði Búlandstindur
Tegund Ice Climbing

Ísklifurpartý í Gufunesi á morgun, föstudag!

Fréttir

Nú er Gufunesturninn dottinn í aðstæður og því tilvalið að stökkva á hann áður en að næsta lægð kemur.

Planið er að byrja klukkan 19:00 á föstudagskvöldið, teknir verða tímar á þeim sem vilja til klukkan 20:30. Um 21:00 verður útsláttarkeppni milli einstaklinganna með átta bestu tímana, þar til einn stendur eftir sem hraðaklifurmeistari Ísalp.

Til stendur að vera með grill í gangi, pulsur og meðlæti og einnig skemmuna við hliðina á og klósettaðstöðu.

Stjórn lofar partýmússík, flóðlýsingu og gógó-dönsurum.

Ekki láta þig vanta á þennan magnaða viðburð!

Tröll Leikhús WI 7

Leiðir

Númer 5 á yfirlitsmynd.

Áberandi súla fyrir miðjan sector, gekk undir vinnuheitinu Kertasníkir

WI 7-, Þetta er fyrsta leiðin, vonandi af mörgum, til að fá hærri gráðu en WI 6+ og er því erfiðasta leiðin á Íslandi í dag.

FF: Albert Leichtfried og Benedikt Purner 23. feb 2016

Klifursvæði Brattabrekka
Svæði Austurárdalur
Tegund Ice Climbing