Leið númer C1

Þokkalega þægileg leið, kannski tæplega WI 3. Stöllótt leið og nóg um hvíldir.

Í Landnámu (Sturlubók) er fjallað um Brynjudal í Hvalfirði. „Hvamm-Þórir nam land á milli Laxár og Fossár og bjó í Hvammi. Þórir deildi við Ref hinn gamla um kú þá, er Brynja hét; við hana er dalurinn kenndur. Hún gekk þar úti með fjóra tigu nauta, og voru öll frá henni komin. Þeir Refur og Þórir börðust hjá Þórishólum; þar féll Þórir og átta menn hans.“

FF: Óþekkt, WI 3, 30m

Stutt leið hægra megin í Svartaskúta (leið 3) upp af Hvítanesi (gömlu herstöðinni).

Þar sem krafsað hefur verið í hvert krapagilið og drulluspíruna  á suðvestur horninu, og svartiskúti er mjög svo í alfaraleið með þægilegri aðkomu, er hægt að leiða líkur að því að leiðirnar hér hafi verið farnar á steinöld. Því óskast frekari upplýsingar um nafn og FF.

Stutt fríhangandi kerti í miðjum Svartaskúta (leið 2) upp af Hvítanesi (gömlu herstöðinni).

Líklega er kertið minnst WI4+ þegar það vex niður, en töluvert erfiðara ef menn vilja gæla við það fríhangandi.

Þar sem krafsað hefur verið í hvert krapagilið og drulluspíruna  á suðvestur horninu, og svartiskúti er mjög svo í alfaraleið með þægilegri aðkomu, er hægt að leiða líkur að því að leiðirnar hér hafi verið farnar á steinöld. Því óskast frekari upplýsingar um nafn, gráðu og FF.

Stutt leið vinstra megin í Svartaskúta (leið 1) upp af Hvítanesi (gömlu herstöðinni).

Þar sem krafsað hefur verið í hvert krapagilið og drulluspíruna  á suðvestur horninu, og svartiskúti er mjög svo í alfaraleið með þægilegri aðkomu, er hægt að leiða líkur að því að leiðirnar hér hafi verið farnar á steinöld. Því óskast frekari upplýsingar um nafn og FF.

Leið C4 en ekki fullkomnlega staðsett.

Leiðin byrjar í 30m ísskel utan á klettum, með lélegum tryggingum, síðan tók við klifur með ísöxum upp mosavaxna kletta. Efiðleikarnir eru af gráðunni 3+.

FF: Björn Baldursson og Stefán S. Smárason, 27. janúar 1989

Antafjallstindur (1.440 m)

Leiðin liggur upp miðjan vegginn. Hefst leiðin á 3.- 4. gráðu ísfossi, liggur síðan upp greinilega snjórennu og áfram hana, framhjá ísfossi ofarlega í veggnum. Þaðan er farið til vinstri út á hrygg og eftir honum upp á topp. Leiðin er 400 m. og áætlaður klifurtími 3-6 klst, sem er ekki langur tími, miðað við að það tók þá 7 tíma að brjótast að fjallinu, í þungu færi og miklum snjó.

FF: Leifur Örn Svavarsson og Hjörleifur Finnsson, páskar 1989.

Leiðinni í Hvanngjá er lýst í ársriti Ísalp frá 1989 og er hún talin þar sem klassísk leið. Heyrst hefur af fleiri leiðum í Hvanngjá og að klifur hafi mikið verið stundað þar á tímabili. Frekari upplýsingar um það óskast.

Svæði: Þingvellir, Hvannagjá.
Leið: Af hillunni.
Aðkoma: Þegar komið er inn í Þjóðgarðinn, er beygt til vinstri og staðnæmst á fyrsta eða Öðru bílastæðinu. Þaðan er gengið eftir stígnum, upp í gjána, sjá kort.
Hæð leiðar: 8-9 m.
Klifurtími: 3-23min.
Gráða: 5.7
Utbúnaður: Þetta venjulega, og 2 hnetur; Rocks nr. 7 og 9. (Ef einhver á svoleiðis enn, BD gæti virkað líka)

FF: Björn Vilhjálmsson, haustið 1979

Einnig á Björn fyrsta sóló uppferð á leiðinni, það var 1985 af 2m snjóskafli.

Leiðinni upp Þorfinn er lýst í ársriti Ísalp frá 1989 og er hún talin þar sem klassísk leið.

Svæði; Fjallið Þorfinnur við Önundarfjörð.
Leið: Gjáin. Leiðin endar í áberandi gjá vestarlega í brúninni.
Hæð leiðar: 250-350 m.
Aðkoma: Frá veginum i Valþjófsdal.
Gráða: 1-2.
Útbúnaður: Hjálmur og smáræði af kilfurbúnaði til andlegs stuðnings

FF: Árni Tryggvason og Björn Harðarson, 27. júní 1982

Leiðinni upp Örninn er lýst í ársriti Ísalp frá 1989 og er hún talin þar sem klassísk leið.

Svæði: Fjallaklasi sunnan Grundarfjarðar.
Leið: Suðvesturveggur Arnarins (Tröllkarlsins 778 m).
Hæð leiðar: 250 m (vetrarleið snjór/ís).
Aðkoma: Frá Lífsuhóli eða Efra-Bláfeldi til norðurs (3-4 klst).
Klifurtími: 2-3 klst.
Gráða: PD tvö afbrigði (II. – III. gráðu hreyfingar i aðalspönninni)..
Útbúnadur: Ísaxir, broddar, lína, snjóakkeri og 2-4 ísskrúfur

FF: Ari Trausti Guðmundsson, Finnbogi Rögnvaldsson, Hermann Valsson, Hreinn Magnússon og Höskuldur Gylfason, 22. febrúar 1986

Leiðinni upp Dyrfjöll er lýst í ársriti Ísalp frá 1989 og er hún talin þar sem klassísk leið.

Svæði: Dyrfjöll (N-Múl).
Leið: Vesturhlið yfir á suðurhlið nyrðra Dyrfjalls
Hræð leiðar: U.b.b. 200 m.
Aðkoma: Gengið undir nyðri hlíðum Geldingarfjalls.
Klifurtími: Ca.2-4 tímar alveg upp á tind.
Gráða: II-IV.
Utbúnaður: Lína og klettaklifurbúnaður

FF: Pétur Ásbjörnsson og Jóhannes Hermannsson

Leið C5 en ekki fullkomnlega staðsett

Ísfossinn, sem þeir nefndu Dolla Dropa, klifu þeir í tveimur samhliða línum, nýstárleg aðrferð það.

FF: Guðmundur Eyjólfsson, Haraldur Ólafsson, Þorsteinn Ívarsson, Stefán S. Smárason og Ingimundur Stefánsson, WI 3, 35m.

Leið C1

Guðmundur Helgi og Páll klifu ísfoss i Brekkufjalli í janúar. Hinn 50 m háa ísfoss, sem er í mjög áberandi gili norðan í fjallinu, klifu þeir í tveimur spönnum og er hann af 4. gráðu.

Menn hafa sammælst um að fossinn sé af fimmtu gráðu.

FF: Guðmundur Helgi og Páll Sveinsson, janúar 1988.

Ekki algjörlega vitað hvaða rif Michael klifraði en líklegt er að það hafi verið annað af þessum tveimur augljósu vinstra megin við leiðina Morgunfýla.

Í heimsókn sinni til Íslands í maí 1986 fór Michael Scott meðal annars á Botnssúlur. Þar einfór hann nýja leið í norðurhlíð Syðstusúlu (1095 m). Leiðin liggur upp eitt af rifunum í norðurhlíðum ofan Súlnadals og er af 3.-4. gráðu.

FF: Michael Scott, maí 1986.

Leið númer A4a.

Leiðin var farin sem hluti af CAI Pisa skiptiverkefninu, þegar að Ítalirnir komu til Íslands. Leiðin er nefnd eftir óskiljanlegum brandara Vitaliano, sem talar litla sem enga ensku og gæti eitthvað hafa skolast til í þýðingu.

Leiðin blasir nokkuð við í dalnum og því er afar líklegt að þessi lína hafi verið farin áður. Engar upplýsingar eru til um að þetta hafi verið klifrað áður…

FF: Anna Priedite, Francesco, Giovani, Mauro, Ottó ingi, Vitaliano, Franco, Þorsteinn og Matteo, febrúar 2017

Leið sem hefst við einbreiða brú á Hvammsveg rétt við bæinn Gljúfur, innan rauða hringsins. Lagt er austanmegin við brúnna og þar ætti að vera hægt að stíga beint út á frostna ánna. Ef að áin er ekki frosin er megnið af leiðinni sennilega ekki inni og betra að fara í annað verkefni.

Gengið er upp á ánni, hátt í tvo kílómetra. Á leiðinni eru allskonar höft, litlir fossar eða flúðir.

Skemmtilegt rölt/brölt og byrjendavænt ef að áin er vel frosin. Passið að fara hinsvegar virkilega varlega því að það er ekki að spyrja að leikslokum ef einhver fer undir vök með á undir ísnum, því skal aðeins leggja í þessa leið eftir langann frostakafla og heldur halda sig nær eða á bökkum en úti á miðju.

FF: Óþekkt

Lína númer 2, hægra megin við #44

Sama aðkoma og fyrir Avoiding a shower (#3). Leiðin þræðir til hliðana til að forðast brattari ís.

22m WI4

FF: Mike Reid og Ásgeir Már Arnarsson 17.12.17

Leið númer 3, hægra megin við #44

Aðkoman að þessum leiðum er inn í sama gil og Hrynjandi er í, gilið Grindagil. Í stað þess að fara innst inn í gilið er beygt til vinstri upp bratta brekku með smá ísþrepum. Mælt er með broddum og öxum í aðkomunni en brekkan er nokkuð brött, allt að 40°-50°. Það tekur um 30 min að komast að leiðunum úr  bíl. Það er hægt að leggja við veginn eða elta jeppaslóða niður að ánni. Það ætti ekki að vera mikið mál að krossa yfir ánna.

Leiðin byrjar upp bratt en nánast lóðrétt ísslabb sem leiðir inn í krúx hreyfingarnar, sem er að komast í gegnum einskonar stromp. Eftir strompinn er hvíld undir grýlukertum. Næsti partur er algjörlega lóðréttur þangað til brattinn minnkar þegar nær dregur toppnum

Nafnið er dregið af næstu leið til hægri, sem var mjög blaut en leit vel út úr fjarska. Við reyndum fyrst á hana en urðum gegnblautir eftir að setja inn tvær skrúfur.

22m WI4+

Lesa meira →

Leið númer B13.

„Þór er bakkelsi“ er ný mixleið á horninu vinstra megin við leiðina „Fimm í fötu M5+“.

Leiðin er 40m og það er hægt að klifra hana í einni spönn en mælt er gegn því sökum núnings sem myndast á stórri syllu fyrir miðri leið. Því hefur verið komið fyrir tveggja bolta milli stans á þeirri syllu. Annars eru 13 boltar í leiðinni. Til að minnka run outið er hæglega hægt að koma fyrir Camalot 1/2 efst í fyrstu spönninni og svo .75 á bröltinu upp að millistansinum. Einnig er hentugt að hafa .5 Camalot fyrir cruxið í efri spönninni.

Fyrsta spönnin er sirka M5 og fylgir augljósri sprungu upp á stallinn. Nóg er af góðum húkkum og spennutökum fyrir axir. Aðal fjörið leynist í efri spönninni þar sem hliðrað er út til vinstri og önnur sprunga leiðir upp í gegnum brattasta kafla klettsins. Aftur er nóg um góð spennutök í sprungunni en eitthvað minna fyrir fætur. Þegar lykilkaflinn hefur verið leystur er eftir skemmtilega krefjandi mantle á toppinn.

Gengið er beint upp að leiðinni frá bílastæðinu og fínt er að síga niður úr boltuðu akkeri á toppnum. Athugið að ef klifrað er á einni 60m línu þá þarf að síga niður í tveimur köflum. 70m lína og tvöfaldar línur ná auðveldlega niður.

Leiðin var fyrst farin af Matteo Meucci í Nóvember 2015.

Leið númer F1 á mynd

Stuttur foss sem að bunkast vel suma vetur. Frábær upphitun, mjög stutt frá bílnum og brýtur upp gönguna að klettabeltinu fyrir ofan

FF: Óþekkt