Leið númer 2a.

WI 2/3 10-15m Þræðið bröttustu kaflana í tveim stuttum höftum til að finna lífsmark.

FF: Örn Árnason og Björn Gabríel Björnsson, 22. nóv 2020

Blá lína á mynd

Hnjúkaþeyr var frumfarin 13. október 2020. Hugmyndin var að fara upp vesturvegginn eftir eins beinni línu (direct) og mögulegt er.

Aðkoman var farin eftir Hnappavallaleið á skíðum og tók um fimm klukkustundir. Líkt og þegar Italian Job var klifruð hliðruðu klifrararnir inn á vegginn til að halda hæð og spara tíma. Ef aðkoman er tekin frá Svínafellsjökli er vel hægt að fylgja sömu leið og Beina Brautin inn á vegginn.

Í frumferðinni sam-klifruðu strákarnir allan fyrr helming fjallsins og yfir þriðju gráðu íshaft og upp að „gatnamótum“ leiðanna Beina Brautin og Vinamissis. Þar hafði myndast fallegur ísfoss, um 100 metra langur, sem lá beinustu leið upp á topp.

Á Íslandi er orðið hnjúkaþeyr upprunnið úr Skaftafellsýslum þar sem hnjúkaþeyr var skilgreindur á þennan hátt: „Nær vindur er á útnorðan um vetur og stendur af Öræfajökli þeyjar snjór á Hnappavöllum, þó alls staðar sé frost annars staðar, og kallast það hnúkaþeyr“ (Sæmundur Hólm). ;Frá Vísindarvefnum

Lesa meira →

AD+, AI3, 60-75°, 160m

Leiðin liggur upp neðsta hluta vestur veggs Rótarfjallshnjúks, við hliðina á suðurhryggnum.

Aðkoma: Hnappaleið liggur beint við. Hægt er að keyra upp í 8-900m hæð upp jeppaslóða sem byrjar rétt austan við Foss Hótel Hnappavelli. Þaðan er gengið upp vestan við Stigárjökul upp í um 1200m hæð þar sem komið er á jökul. Jökullinn er heldur sprunginn og geta erfiðleikar í aðkomu farið eftir árstíma og snjóalögum. Sandfellsleið væri einnig möguleiki, efri hluti Kotárjökuls er þó mjög sprunginn svo líklega þyrfti að fikra sig austur eftir öskjubrúninni niður með Rótarfjallshnjúk austan megin.

Leiðin byrjar rétt innan við syðsta horn Rótarfellshnjúks og var klifin í þremur spönnum. Fyrsta spönn er um 75m af 60° snjóbrekkum sem þræða milli kletta í ís. Önnur spönn var 55m. Heldur brattari snjór og upp stutta rennu snís rennu milli kletta, endar á stuttri hliðrun til vinstri. Þriðja spönn byrjar á þriðju gráðu snís klifri í um 20m en léttist seinustu 10m upp á brún.

Það var ekki mikill tryggjanlegur ís, en við notuðum ísskrúfur, spectrur, fleyga og hnetur og snjóhæla. Lesa meira →

Leið númer 4

Leiðin klifrast upp augljósa Z eða eldingar sprungu hægra megin við Orginalinn (#3). Auðtryggjanleg.

Byrjar á vandasömu klifri upp vegginn að byrjuninni á sprungunni (Margar leiðir til að komast þangað). Góð hand-jömm (gulur #2 vinur) leiðir að stuttri grannri skásprungu. Hliðrar svo aðeins til vinstri yfir í breiða hnefa sprungu / offwidth (blár #3 vinur). Hér má nota góð hliðartök til hægri sem koma manni í hvíld ofan á stótu flögunni. Dragið djúpt andann og haldið áfram til vinstri eftir juggara raili, brute strength og hælkrókar sem enda á lítilli syllu fyrir ofan. Eining er hægt að fara beint upp offwidth sprungu ( 4b, grár #4 vinur eða DMM #5, óklifrað). Mögulegt er að tryggja frá þessari syllu eða klára upp sama enda og Orginallinn eða Munda.

Gráða: 5.10a (?)

FF: 5/Sept/2020, Robert Askew and Brook Woodman

Googooplex (WI4, AD+, 340m) var farin á ísklifurfestivali Ísalp sem haldið var í Ísafirði og nágrennni í febrúar 2020, rétt áður en Covid-19 faraldurinn skall á.

Til að komast að leiðinni er farið inn í Hnífsdal. Það liggur malarvegur vel inn dalinn og ef hann er fær þá styttir það aðkomuna töluvert. Ef hann er ófær er best að leggja við endann á Bakkavegi, þeirri götu sem teygir sig hvað lengst inn í dalinn. Leiðin er í fyrstu skálinni á vinstri hönd, Bakkahvilft. Það eru rétt rúmir 2km að byrjun leiðar frá Bakkaveginum og líklega um 450m hækkun.

Leiðin er í heildina um 340m og var tekin í fimm löngum spönnum. Þetta eru bland af misbröttum ís og sjóbrekkum.

1. 70m. Stutt íshaft, snjóbrekka, meginíshaft (póleraður brattur ís, sirka WI4), snjóbrekka og svo stutt íshaft í lokin.
2. 70m. Stutt íshaft, löng snjóbrekka og aftur stutt íshaft.
3. 60m. Snjóbrekka, stutt íshaft, snjóbrekka upp að mjög stuttu íshafti. Stans í ís sem fannst undir slatta af snjó.
4. 70m. Löng snjóbrekka.
5. 70m. Löng snjóbrekka upp á topp.

FF: Björgvin Hilmarsson og Bjartur Týr Ólafsson, 8. febrúar 2020.

Googooplex er nefnd eftir plötu með Purkki Pillnikk, því goðsagnakennda bandi. Í Bakkahvilft er önnur leið sem heitir Purrkur. Rétt við hliðina á Purrki liggur önnur lína samsíða og ætti sú að sjálfsögðu að fá nafnið Pillnikk þegar hún verður farin 🙂

Það væri gaman ef fólk myndi halda sig við Purrkur Pillnikk nafnaþemað þegar meira verður gert á svæðinu.

Rif upp norðaustur vegg Þverártindseggjar.

Sinful Pleasures
D+, WI 3-4, 400 m
FA: Eugene Glibin & Aliesya Bozhytska, 26.04.2020

Driving lies through Kálfafellsdalur valley which is a continuous river bed that requires passing across the numerous streams so off road truck is a must.

The approach to the wall is associated with a climb up +1000 m along the steep snow slopes and Skrekk glacier. Crossing the bergschrundt can be tricky. The couloir looker’s right next to the route is extremely rockfall dangerous. The most of the falling rocks are caught by the bergschrund.

R0 – R3 enjoyable climbing WI3-4 with adequate protection

R3 – R6 very thin ice covered with snow, avalanche hazard, long run-outs, still easy climbing WI3,R

R6 – R7 crossing over the SE ridge and climbing along it on steep snow ex.: 70º

R7 – R9 couloir on the SW slop ex.: 50º

R9 – R10 steep climb up to the summit ridge with poor protection M4,R

R10 – R11 summit ridge –  simul short rope traverse.

Descent via the North saddle by the classic alpine trekking route (F).

Summary: Super picturesque route with all types of alpine terrains. Though easy climb but numerous hazards have to be considered. Exposed parts R0-R6 and R9-R11  require adequate level of commitment. Long approach and descent have to be taken into account when planning this trip. The first ascent took almost 23 hours. The detailed report of that adventure can be found  here.

Innst inni í Seljalandsdal þeim er liggur inn af Álftafirði er ónefnt gil í stöllum þar sem gilið breikkar og myndar eins og skálar. Leiðin er í annarri skálinni af þremur.

Þarna er einstaklega formfagur berggangsveggur sem við klifruðum með og fyrri spönnin sem er um 50m, endar nánst á bakvið hann. Þar fyrir ofan er brattasta hafið, spönn sem er um 15m.

Fyrri spönninn er væntalega nokkuð mislöng eftir því hversu mikill snjór er í gilbotninum. Þó líklega alltaf hægt að ná niður í einu sigi á 70m línum.

FF: Björgvin Hilmarsson og Viðar Kristinsson, 28. janúar 2020.

Ísfirzku goðsagnirnar Búbbi og Rúnar Karls hafa farið leið í þessari skál og finnst þeim líklegast að hún hafi legið þar sem leið 2 er merkt inn á myndirnar. Núna 20 árum seinna var ákveðið að kalla hana Í blámanum. Við nánari skoðun á nýjum og gömlum myndum læðist að manni sá grunur að línan þeirra gæti hafa verið aðeins innar (lengra til hægri á myndunum). Það verður skoðað nánar og uppfært ef þarf.

Innst inni í Seljalandsdal þeim er liggur inn af Álftafirði er ónefnt gil í stöllum þar sem gilið breikkar og myndar eins og skálar. Leiðin er í annarri skálinni af þremur.

Klifraðar hafa verið tvær leiðir í þessari skál. Í blámanum er merkt nr. 2 á myndunum sem hér fylgja. Línurnar sýna hvar Búbbi og Rúnar halda að leiðin hafi líklega verið en það er sem sagt ekki alveg á hreinu (gæti líka hafa verið aðeins meira til hægri). Líklega er leiðin svona um 45m með öllu. Hin leiðin, Múrverk WI4, er merkt sem nr.1

FF: Sigurður Jónsson (a.k.a. Búbbi) & Rúnar Karlsson, 30. nóvember 2000.

Ath: Myndirnar sem eru með rauðu línunum eru ekki teknar þegar leiðin var farin svo þær sýna ekki aðstæður eins og þær voru þá. En myndirnar af Rúnari og Búbba að klifra eru klárlega engar falsfréttir og teknar meðan á stuðinu þeirra stóð.

Leið D7

Leið upp hornið í leikfangalandi sem er á milli Frosta (D6) og Dvala (D8).

Gráða M(D) 7, 26m, 13 boltar. Uppi á brún er stakur bolti sem hægt er að nota til að færa sig nær brúninni og svo eru tveir boltar alveg við brúnina, annar þeirra er með hring.

Leiðin eltir sömu sprunguna frá byrjun og alveg upp á topp. Mikið af axarfestunum reiða sig á það að snúa blaðinu inni í sprungunni til að það haldist inni en af og til er hægt að krækja á djúpa kanta. Fótfesturnar eru á köflum fáar og tæpar fyrir brodda. Sennilega er þægilegra að klifra leiðina í venjulegum klettaklifurskóm þar sem að það er enginn ís og nánast engin bleyta í leiðinni. Leiðin gæti einnig verið klifruð sem sportklifurleið á sumrin.

FF: Matteo Meucci, 25. apríl 2020.

Leið 5 í Skálinni

Stutt og þægilegt haft hægra meginn við Pilar Pillar. Þaðan tekur við snjóbrekka upp að nokkrum léttum höftum til þess að toppa. Niðurgöngugil hægra meginn við leiðina þegar horft er á hana.

WI3, 160 m

FF. Bjartur Týr Ólafsson og Matteo Meucci, 16. apríl 2020

Leið 4 í Skálinni

Brattur pillar hægra meginn við Skálina í Eilífsdal. Aðalhaftið í kringum 30 metra. Þaðan tekur við snjóbrekka og síðan styttri íshöft upp á topp sem tekin voru á hlaupandi trygginum.

WI5, 160 m

FF. Matteo Meucci og Bjartur Týr Ólafsson, 16. apríl 2020

Leið númer 3 á mynd

WI 3 R

FF: Matteo Meucci og Marco Porta, apríl 2017.

Leið númer 2 á mynd.

WI 4/4+

FF: Matteo Meucci og Marco Porta, apríl 2017

Leið númer 1 á mynd. (leið númer 56. í Esjuleiðarvísi frá 1985)

Nyrst í skálinni er stuttur en tæknilega erfiður ísfoss. Auðvelt þar fyrir ofan.

Skálin – snjór/ís
Gráða.:3/4
Lengd.: 100 m.
Tími.: L 90 min – 2 klst.

FF: 20. jan. 1985, Jón Geirsson, Snævarr Guðmundsson.

Leið B10a

Hefst á bröttu hafti á þunnum ís. Lokahreyfingarnar í haftinu eru mjög snúnar þar sem klifrað er innan úr litlum helli undir regnhlíf á mjög þunnum ís.  Eftir það tekur við þægileg snjóbrekka með sem endar með stuttu íshafti.

WI4+/5-

FF. Matteo Meucci og Bjartur Týr Ólafsson, 25. mars 2020

Leið B10b

Í þröngri kverk hægra meginn við Gjörgæslu. Klifruð á þunnum ís neðst en lagaðist aðeins sem ofar dró. WI4

FF. Bjartur Týr Ólafsson og Matteo Meucci, 25. mars 2020

Leið B6a

Stök lína hægra meginn við Scottish Leader. Bráðskemmtileg leið sem hefst með bröttu hafti með nokkrum fíngerðum hreyfingum í gegnum regnhlífar í toppinn. Þaðan tekur við stutt snjóbrekka og síðan stutt íshaft í lokinn.

WI4/+

FF. Bjartur Týr Ólafsson og Matteo Meucci, 25. mars 2020.

Leið B9a

Vinstra meginn í sama þili og Járntjaldið. Brattast neðst en verður auðveldara eftir því sem ofar dregur. WI3+

FF. Matteo Meucci og Bjartur Týr Ólafsson, 25. mars 2020