Purrkur WI 3+

Leiðir3. desember, 2019Jonni

Örin bendir á leiðina Purrkur í Bakkahvilft. Mynd: Björgvin Hilmarsson

Purrkur, WI3+/4, 50m

Leið í Bakkahvilft sem liggur út frá Hnífsdal

Það eru í raun tvær línur sem liggja þarna upp hlið við hlið og því liggur beinast við að kalla þá hægra megin Pillnikk.

Gangan þarna uppeftir er áhugaverð þegar það er enginn snjór, stórgrýtt mjög svo þetta tekur tíma.

FF: Björgvin Hilmarsson og Heiða Jónsdóttir, 29.11.19

Heiða og Björgvin að leggja í'ann. Mynd: Björgvin Hilmarsson

Leiðin Purrkur og Heiða sátt með daginn. Mynd: Björgvin Hilmarsson

Myndin hér að neðan sýnir leiðirnar í Bakkahvilft. Myndin er tekin þegar Googooplex var farin og sýnir því aðstæður eins og þær voru þá.

Klifursvæði	Ísafjarðardjúp
Svæði	Hnífsdalur
Tegund	Ice Climbing
Merkingar

2 related routes

Googooplex WI 4

Googooplex route and grading. Photo: Björgvin Hilmarsson

Googooplex (WI4, AD+, 340m) var farin á ísklifurfestivali Ísalp sem haldið var í Ísafirði og nágrennni í febrúar 2020, rétt áður en Covid-19 faraldurinn skall á.

Til að komast að leiðinni er farið inn í Hnífsdal. Það liggur malarvegur vel inn dalinn og ef hann er fær þá styttir það aðkomuna töluvert. Ef hann er ófær er best að leggja við endann á Bakkavegi, þeirri götu sem teygir sig hvað lengst inn í dalinn. Leiðin er í fyrstu skálinni á vinstri hönd, Bakkahvilft. Það eru rétt rúmir 2km að byrjun leiðar frá Bakkaveginum og líklega um 450m hækkun.

Leiðin er í heildina um 340m og var tekin í fimm löngum spönnum. Þetta eru bland af misbröttum ís og sjóbrekkum.

70m. Stutt íshaft, snjóbrekka, meginíshaft (póleraður brattur ís, sirka WI4), snjóbrekka og svo stutt íshaft í lokin.
70m. Stutt íshaft, löng snjóbrekka og aftur stutt íshaft.
60m. Snjóbrekka, stutt íshaft, snjóbrekka upp að mjög stuttu íshafti. Stans í ís sem fannst undir slatta af snjó.
70m. Löng snjóbrekka.
70m. Löng snjóbrekka upp á topp.

FF: Björgvin Hilmarsson og Bjartur Týr Ólafsson, 8. febrúar 2020.

Bjartur Týr að komast undir leiðina. Mynd: Björgvin Hilmarsson

Bjartur Týr í góðum gír í íshafti neðarlega í leiðinni. Mynd: Björgvin Hilmarsson

Fyrir neðan lengsta og brattasta íshaftið. Mynd Björgvin Hilmarsson

Ísinn flýgur og allt að gerast: Mynd: Björgvin Hilmarsson

Mikið í gangi. Mynd: Björgvin Hilmarsson

Einhves staðar í miðri leið. Mynd Björgvin Hilmarsson

Hressir kauðar í stansi. Mynd: Björgvin Hilmarsson

Björgvin á leið upp eitt af íshöftunum. Mynd: Bjartur Týr Ólafsson

Bjartur Týr fikrar sig upp umkringdur ís klettum og almennt fallegri náttúru. Mynd: Björgvin Hilmarsson

Bjartur Týr með allt á hreinu í einum stansinum. Mynd: Björgvin Hilmarsson

Björgvin þrammar upp langa snjóbrekku. Mynd Bjartur Týr Ólafsson

Félagarnir komnir upp á topp þar sem sólin beið. Mynd: Björgvin Hilmarsson

Áður en haldið var niður var nauðsynlegt að njóta útsýnisins. Hér sést Ísafjörður. Mynd: Björgvin Hilmarsson

Bjartur Týr að leggja af stað niður gilið sem leiðir mann aftur niður í botn Bakkahvilftar. Mynd: Björgvin Hilmarsson

Yfirlitsmynd af Bakkahvilft. Mynd Björgvin Hilmarsson

Googooplex er nefnd eftir plötu með Purkki Pillnikk, því goðsagnakennda bandi. Í Bakkahvilft er önnur leið sem heitir Purrkur. Rétt við hliðina á Purrki liggur önnur lína samsíða og ætti sú að sjálfsögðu að fá nafnið Pillnikk þegar hún verður farin 🙂

Það væri gaman ef fólk myndi halda sig við Purrkur Pillnikk nafnaþemað þegar meira verður gert á svæðinu.