Leið númer B5.

Austarlega í Kötlugróf liggur lítið þröngt gil með skemmtilegri ísleið. Leiðin er afar breytileg eftir því hve mikill ís er í henni og getur efri hluti hennar orðið mjög krefjandi. Í efri hluta hennar getur myndast myndarleg regnhlíf sem getur verið erfið viðureignar þar sem hún skoðarst af klettunum sem veita nær engar fótfestur. Það getur því þurft að hífa sig upp á öxunum einum á þessum kafla og þá hækkar gráða leiðarinnar.
Um miðbik leiðarinnar getur verið fínt að tryggja með einum vin í áberandi sprungu og einnig getur verið gott að hafa 1-2 stuttar skrúfur.
Heildarlengd leiðarinnar eru um 40m og ofan hennar er steinn sem má nýta sem tryggingu en þó er réttast að tryggja í sæti. Stóra gilið austan við Kötlugróf hentar vel til niðurgöngu .

F.F. Arnar Halldórsson og Magnús Blöndal, 30. janúar 2016.

Leið númer B1.

Austast í Kötlugróf liggur mjög fín ísleið með þægilegri aðkomu miðað við Múlafjall. Einfaldast er að stefna upp í stóra gilið sem skilur að Kötlugróf og Hlaðhamra (sjá mynd).

Leiðin er erfiðust fyrstu 20 metrana og þar eftir er nokkuð einfalt að skrölta upp á brún. Lítið er af tryggingum uppi á brún og því má búast við að tryggja þurfi í sæti. Heildarlengd leiðarinnar er um 45 m.

Stóra gilið austan við leiðina hentar vel til niðurgöngu.

F.F. Arnar Halldórsson og Magnús Blöndal, 30. janúar 2016.

Leið D á mynd

Sunnan við Birkitréð

FF: Páll Sveinsson, Guðmundur Helgi og Hallgrímur Magnússon, 16. október, 1993. Tvær spannir

Leið E á mynd

Syðsta leiðin (lengst til hægri við Birkitréð)

Ísleið c.a. 1/2 km hægra megin við Birkitréð, lengst til hægri af ísleiðunum þarna. Rúmlega tvær spannir. Fyrsta spönn er WI 3 brölt og síðan tekur við 4m lóðrétt íshaft og þar fyrir ofan eru stallar með lóðréttum íshöftum. Leiðin endar í smá þaki á brúninni

FF: Þorvaldur Þórsson og Tomas Gronvaldt 20. október. 1993, tvær spannir.

Lína númer 6. á mynd

Ísþil hægra megin við Paradísarheimtina, það næsta augljósa. Leiðin fer beint upp tvær spannir en hliðrar svo aðeins til hægri í síðustu spönn

FF: Páll Sveinsson, Guðmundur Helgi, 1993

Leið númer 4 á mynd

Lengst til hægri í breiða Paradísarheimtarþilinu. Fer til hægri og upp í augljósa skoru. Skoran nær að vera í skugga betur en aðrar leiðir undir Eyjafjöllum og er því yfirleitt fyrst í aðstæður

FF: Páll Sveinsson, Guðmundur Helgi Christensen og Hallgrímur Magnússon.

Leið númer 3 á mynd

Byrjar á sama stað og Skoran en hliðrar síðan upp til vinstri og inn í sjálfa Paradísarheimt í lokaspönninni.

Varist hrun og bleytu við klifur í Eyjafjöllunum, veggurinn snýr í suður og fær mikla sól.

FF: Páll Sveinsson og Guðmundur Helgi, 1993, 120m

Leið númer 2 á mynd

Með klassískari leiðum á Íslandi, þarf talsvert frost í talsverðan tíma til að komast í aðstæður.

Veggurinn snýr í suður og fær því mikið af sól, varist að það er yfirleitt mikil hætta á hruni og það er oftast mikil bleyta í leiðunum

WI 4 – 120m

Mynd óskast

Í Hörgárdal við mynni Þorvaldsdals myndast ísfoss í gili sem Syðri Tunguá rennur um. Hann er um 50 m á hæð og um 8 m á breidd og er hægt að velja um leiðir af þriðju til fjórðu gráðu.

FF: Akureyringarnir Óttar Kjartansson, Sigurður Sæmundsson og Ólafur Kjartansson, páskar ’94

Stakkur
Sunnan megin í Stakkholtsgjá er mjótt
ískerti. Þetta er eitt af þeim fáu sem nær
alveg niður af þeim óteljandi sem hanga
í klettaveggjum víða í gjánni. Leiðin er
50m og 4.-5. gr.

FF.: Dagur Halldórsson og Viðar Hauksson, 11. mars 1995.

Mynd óskast

Í einum af fjölmörgum gilskorningum
Eyjafjalla, vestan við Grýtutind, leynist
hár ísfoss. Hann er breiður neðst en
endar í bröttu kerti með hengju efst.
Leiðin er 80m, 4.-5. gráða.

FF.: Dagur Halldórsson, Viðar Hauksson og Leifur Örn Svavarsson, 11. febrúar 1995.

Leið númer 1

Klifrað var enn eitt afbrigðið af Paradísarheimt, nú lengst til vinstri. Leiðin er svipuð eðlis og hinar. Mikil bleyta var í byrjun annarrar spannar og enginn ís á síðustu 15m sem eru klifraðir í brattri grasbrekku. Leiðin
er 120m og 4. gráða. Það voru þeir Magnús Gunnarsson, Karl Ingólfsson og Páll Sveinsson sem fóru hana. Eyjafjöll, Norðurhliðar

Leið númer 5

Klifrað er eftir leið Páls Sveinssonar og Guðmundar Helga fyrstu tvær spannirnar en í þriðju spönn er klifrað beint upp í stað þess að hliðra til hægri. Leiðin er 120m og 5. gr.

FF: Dagur Halldórsson og Kjartan Þorbjörnsson, 29. janúar 1995.

Leið númer 29 á mynd

Snjór/ís
Gr.: 2 L.:50 m. T.: 1 klst.
Einföld snjórás. Efst er bratt íshaft sem hækkar
leiðina í 2. gráðu.

FF: Óþekkt

Leið númer 30 á mynd

Ís/snjór
Gráða: WI 4 Lengd: 70 m. T: 1-2 klst.
Þröng skora í neðri hluta sem víkkar ofar. Erfiðust fyrstu 30 metrana. Þessi leið hefur verið vinsæl síðustu ár og á heima á listum yfir klassískar leiðir.

Ekki má rugla þessari leið við Nálaraugað í Brynjudal eða Nálarauga í Grænafjallsgljúfri.

FF: Jón Geirsson, Snævarr Guðmundsson, 29. des. 1984

Leið númer 31 á mynd

Lítil skora um 10m frá Nálarauganu. Leiðin er ekki merkt inn á myndina, erum ekki alveg viss hvort þessir 10m eru til hægri eða vinstri við Nálaraugað

Leiðin er blönduð; byrjað er í klettum, ís er um miðbikið og endað er í klettum. En þetta er sjálfsagt misjafnt eftir árferði. Íshlutinn er WI 4, ekki er vitað hve erfiðir klettarnir eru

FF: Jón Haukur Steingrimsson og Þorbergur Högnason, 25. desember 1994, 70m