Svör sem þú hefur skrifað
-
Svör
-
Það var vissulega meiningin að menn væru duglegir að skrá aðstæður. Því miður hefur það hinsvegar ekki verið sem skildi og því hefur meðal annars undirritaður orðið ansi leiður á því að gefa bara en þiggja lítið.
Ég mun hinsvegar gera enn eina tilraun og svara honum Frey Inga og öðrum þeim er spyrja sig sömu spurningar.
Það er ís á öllum svæðum í nágrennig Reykjavíkur og líklega er hægt að klifra nánast hvað sem er. Flestar leiðirnar eru hinsvegar ís-minni en gengur og gerist.
Reyndar er ekki mikill ís í þeim hluta Brynjudals sem snýr í suður og fremsti hluti Glymsgils er frekar íslítill. Amk annar af fossunum upp á brún er í aðstæðum.
Í Búhömrum og Grafarfossi er ís og voru einhverjir sem klifruðu þar um daginn (en hafa ekki séð ástæðu til að miðla þeim upplýsingum sem þeir bjuggu yfir til annara fjallamanna á vefnum).
Að lokum er einnig nægjanlega mikill ís í NV-Vegg Skarðsheiðarinnar (Skessuhorns) til að eiga mjög góðan dag þar.
Einhver ís er einnig í Öræfasveitinni og einhverjir stefndu á að fara í Kinnina um helgina.
Ég ítreka það, og ekki í fyrsta skipti, að ég er viljugur að dreifa upplýsingum um aðstæður hér á netinu. En ég ætlast líka til að fá eitthvað í staðinn til að spara mér sjálfum leitarferðir.
Vonandi taka menn sig saman í andlitinu og safna nægum kjarki til að láta frá sér heyra hér á netinu um hvað þeir voru að gera og hvað þeir sáu, stórt sem smátt.
Það yrði líka kannski til að gera þennan umræðuvef örlítið skemmtilegri. Það hefur verið ansi fátt um fína drætti hér upp á síðkastið.Gaman að fá svona góðar viðtökur.
Ég er annars með fleiri hugmyndir sem mig langar að skella fram.
Í samhengi við næstu klifurkeppni væri hægt að keppa í dynóum (fyrir þá sem ekki vita eru það leiðr sem byggja upp á tveimur handfestum og einni til tveimur fótfestum. Kliftarinn notar svo fótfesturnar og fyrri handfestuna til að sveifla sér á yfir í loka festuna.
Það eru nokkrir prílarar í klifurhúsinu orðnir ansi klárir í þessu og mjög gaman að fylgjast með þeim. Þetta er því tilvalið til að gleðja augu áhorfenda.
Önnur hugmynd að vera með myndasýningu í gangi á meðan á keppninni stendur. Ef maður ímyndar sér að keppninn sé haldin hjá HSSR væri myndasýningin í gangi á veggnum á móti klifurveggnum. Þetta er auðvelt í framkvæmd sé notast við sýningavélar með hringbökkum. Fjöldi véla ræðst svo af fjölda mynda sem á að sýna. Myndasýningin miðaðist svo við að vera kynning á starfsemi ÍSALP.
Þriðja hugmyndin í bili er að rukka áhorfendur um lága fjárhæð fyrir inngang, eins og þegar er gert en láta þá á móti fá boðsmiða í klifurhúsið.
Að lokum er ég með aðra tillögu við nýliðahelgina sem er að mögulegt sé að fara einnig í styttri ferð í Valshamar að kvöldlagi.
Til að svara Sigurði þá vill ég minna hann á að árin eru farin að færast yfir, eins og hann hefur reyndar verið óþreytandi við að minna mig á. Það fylgir oft hækkandi aldri að menn róast.
Tek þetta aftur, var ekki búinn að sjá það sem stóð um mínar síður hjá Bassa.
Hinsvegar finnst mér þetta vera það flott að það eigi skilið eins og eina fréttatilkynningu í Mogganun, ef opnun nýrra vefa hjá félagasamtökum þykir enn féttnæm.
Verst með Hardcore og hans fúlu félaga sem fá víst ekki aðgang að þessari síðu.
Enn og aftur þessi síða er hrikalega flott og verður mjög gaman að sjá hvernig „mínar síður“ og „umræðurnar“ þróast í framtíðinni. Nú er það eina sem vantar smá frost og snjó.
