Svör sem þú hefur skrifað
-
Svör
-
Var hann ekki bara heppinn? Lést við að gera það sem hann lifir fyrir og nógu tímanlega áður en hann varð of gamall fyrir þett. Þetta hafa pottþétt verið góð 52 ár hjá honum. Þó hafa síðustu mínúturnar eflaust verið soldið stremnar fyrir kallinn…
(Ég tala eins og ég sé einhver nagli… er það klárlega ekki en mig grunar að hann, eins og hvíti maðurinn Michael Jackson, hafi gert ráð fyrir að fara aðeins fyrr af þessari jörð en aðrir, og líklega sáttur við það)
Mig minnir líka að einhver sólóistinn hafi dáið í bílslysi, eftir að einhver bjáninn keyrði á hann. Man ekkert hver það var en spurning hvort það sé eitthvað til í því.
Snilld, ég bíð spenntur eftir topoi um leiðina. Annars var ég búinn að sjóða saman leiðarvísi fyrir hefðbundnu leiðina sem á einmitt að birtast í næsta ársrit. Ef þið hafið áhuga á að bæta ykkar við þá hafið þið samband.
Ágúst Kr.
Þessi myndasýning var snilld og miðað við feril kappans og áhugavert efni þá hefði átt að vera húsfyllir í sal FÍ, í stað sal Ísalp. Ég er ánægður að ég ákvað að kíkja við og fá fjallahvatningu beint í æð og fá að heyra lífsspeki hans um lífið og fjöllin. Þetta er maður sem ég mun fylgjast með.
BTW. bloggsíðan hans er mjög áhugaverð, mæli með henni.
Segðu meira frá Móskarðshnjúkum – eru aðstæður til að fara upp og niður á skíðunum, hvernig er snjórinn?
Og ef allt klikkar þá veit ég um mann sem getur reddar spliffi og gengju – sjálfur er ég með donk og þá er allt komið…
Blessaður Smári,
Ég mæli með tveimur öðlingum á Akureyri, þeir eru eflaust til í að fara með þér eitthvað, hafi þeir tíma til.
Kapparnir heita Maggi (691 1513) og Friðjón (847 6943) og ég held ég geti lofað þér góðum móttökum ef þú hefur samband við þá í síma.
Svo getið þið spjallað um sameiginlegt áhugamál um stofnun klifurfélaga þar sem þeir eru, eins og þú á Laugarvatni, að undirbúa eitt svoleiðis á Akureyri.
Sæll Þorgils,
Ég hef því miður engar græjur handa þér en þar sem það kveiknuðu nokkur viðvörunarljós þegar ég las erindið þá kemur hér pínu ábending.
Ef þú átt ekki gönguskó þá eru ágætis líkur á að þú sért ekki að stunda fjallamennsku eða fjallgöngur yfir höfuð. Þrátt fyrir það ert þú að stefna á 15-30 daga ferð sem er þónokkuð stökk fyrir hugsanlegan byrjanda. Bara það að vera í nýjum skóm í einni stuttri fjallgöngu getur gefið nægan fjölda sára og blaðra að það væri nauðsynlegt að taka góða pásu áður en haldið er í næsta ævintýri. Til viðbótar við þetta er alltaf álag á vöðva líkamans sem er oft erfitt fyrir byrjendur og nauðsynlegt að fá viðeigandi hvíld.
Þó að þetta sé ekki harðkjarna verður alltaf álag á líkaman og sérstaklega fyrir þá sem eru ekki vanir svona hreyfingu. Þannig að ef þú ert að fara í svona leiðangur þá legg ég til að þú undirbúir skrokkinn fyrir ævintýrið svo að þú getir notið þess sem best. Annars getur þetta orðið kvöl og pína og lítil ánægja.
Kannski var algjör óþarfi að benda á þetta þar sem græjurnar þínar brunnu óvart á áramótabrennunni en það sakaði vonandi ekki að minnast á þetta.
kv. Ágúst Kr.
Magnaðar fréttir, strákarnir eru hrikalega öflugir.
Annað þessu tengt sem enginn klifrari ætti að missa af. Á fimmtudaginn verður sýnd klifurmyndin The Sharp End sem hefur farið sigurför um heiminn. Um er að ræða allra bestu klifurmynd sem hefur verið gerð, meira um það hjá Klifurhúsinu: http://www.klifurhusid.is
Ég veit ósköp lítið um Telemarkmótið og kem því með aulalega spurningu og kem með eina vangaveltu:
– Þeir sem taka þátt, eru þeir á alls konar skíðum, þ.e. telemark, fjallaskíðum, etc. eða bara telemark?
– Miðað við lágmarksupplýsingar þá skilst mér að keppnin felist í því að skíða niður á við. Ef svo er þá spyr ég, ætti ekki að keppa í „uppskíðun“ þ.e. ganga/hlaupa upp á fjallaskíðum? T.d. upp stólalyftuna… eða eitthvað styttra.
Kv. Ágúst Kr.
Talandi um græjur… á einhver stífa skó fyrir fjallaskíðun, stærð 42-43? Skór sem myndu passa á Dinamir Freeride bindingar.
Ágúst Kr.
824-5846
agusts(hjá)internet.isTek undir þetta – frábært ársrit og verður greinilega betra og betra. Fyrstu þrjár greinarnar eru gargandi snilld, en ég hló upphátt þegar ég las af sólóklifri Karls I og a fetlalausa strútseggjaeista-ísklifrið hans Skabba.
Keep up the good work!
Kv. Ágúst Kr.
Já, varð smá slys en fór furðu vel miðað við fallið, en sá sem lenti í því er Smári Stefánsson – stjórnarmeðlimur Ísalp með meiru.
Ég mætti á svæðið rétt eftir að hann datt niður ca. 6-10 metra úr leið 11, Flögutex. Hann var að leiða hana í dótaklifri, búinn að skella í fjórum hnetum á leiðinni og meira að segja búinn að síga niður á einhverjum þeirra. Svo á fjórðu hnetu þurfti hann að setjast niður og hún gaf sig strax og allar hinar líka.
Þannig að Smári féll niður í nokkurn vegin frjálsu falli en af einhverri ótrúlegri lukku tognaði hann eingöngu á ökkla á öðrum fæti, og hugsanlega slitið liðband.
Lögga, sjúkraliðar og vaktlæknir mættu á staðinn og ég hjálpaði til við að koma honum upp úr gilinu, sem tók ágætis tíma.
Kaldhæðnin við þetta fall er reyndar það að Smári var með klifurnámskeið og var nýbúinn að segja „þetta er 100% öruggt, þið getið alveg treyst þessu“ (eða eitthvað í þá áttina).
En kallinn er það mikill nagli að hann var mættur niður í gilið aftur í morgun (daginn eftir) og hélt áfram námskeiðinu. En hann seig niður og júmmaði sig upp í lokin. Svo fékk hann mig til aðstoðar við hluti sem kröfðust tveggja heilla ökkla… þ.e klifur og sýnikennslu
Annars eru allar líkur á því að Smári hafi skellt hnetum í stóru flöguna sem er í raun laus, og er varað við í leiðarvísinum. En þar sem Smári hélt að hann væri í annarri leið, nr. 10 Horninu við hliðiðina, áttaði hann sig ekki á því.
Hér er því kjörið að vekja athygli á því hve varasöm þessi flaga er og það mætti alveg skoða þann möguleika að losa hana alfarið frá, en það er hugsanlega ekki svo mikið mál.
Annars vil ég bara hrósa Smára fyrir að láta þetta ekki stoppa sig og mæta aftur í dag og síga niður með meiru, enda eðlilegt að vera pínu smeikur eftir svona fall. Svo er hann eflaust fyrsti fatlaði maðurinn á hækjum í Munkaþverárgili.
Ég vona að ég hafi ekki eyðilagt sögustundina fyrir Smára en hann kemur eflaust með betri upplýsingar um atburðinn.
Ekki amalegt að fá jákvæð viðbrögð frá Mr. Glacier Rockman. Góðar ábendingar, enda ekki við öðru að búast af reynsluboltanum.
Takk fyrir þetta Jökull, þú mátt gera ráð fyrir símtali frá mér innan tíðar til að fá frekari upplýsingar. Er nefnilega að spá í að bæta við hinni leiðinni sem þú minnist á og hugsanlega bæta við umfjöllun um ísklifur þarna upp og veit að þú ert maðurinn með upplýsingarnar um það.
Takk fyrir svörin, var þó að vona að þau yrðu eitthvað fleiri. Ég mun bæta við viðvörunum um fleygana, góð ábending.
En hvað með sambærilega leiðarvísa um hina topp tíu tindana? Og hver er til í að taka þátt í svoleiðis vinnu? Ég er til í að aðstoða ef þörf er á, við textagerð og uppsetningu… Hef því miður litla reynslu af þeim tindum og get því ekki unnið þetta allt sjálfur.
