Svör sem þú hefur skrifað
-
Svör
-
Duglegir!
Það er viðbúið að Villingadalur verði í firnafínum aðstæðum um helgina, enda liggur hann hærra. Fari svo að frostið haldi ekki í Múlafjalli fram að helgi er Villingadalurinn líklega skársti kosturinn fyrir okkur borgarbúana.
Allez!
Skabbi
Hæ
Leitt að heyra að þau hafi þurft að snúa við. Ég er samt fullur aðdáunar á þeim öllum fyrir baráttuna undanfarna daga og skynsemina sem þau sína með því að snúa við þegar viðfangsefnið er orðið þeim ofviða.
Það hefði verið frábært að fá íslenska fánan á toppinn en mest er um vert að fá alla heila heim.
Kær kveðja til Indlandsfaranna, við erum stolt af ykkur!
Allez!
Skabbi
Hæ
Mitt blóðborna markaðsvit segir mér að tímabært sé fyrir ársrit Ísalp að hefja útrás! E-r verður að fylla þetta tómarúm…
Skabbi
Hæ
Ég þakka aftur ýtarleg svör, reyndar um alltannað en ég spurði.
Sem ferðamáti til og frá klifurleiðum í miklum snjó held ég að skíðin séu frekar málið. Hvað rennsli varðar hef ég síður en svo gefið lateral lífstílinn upp á bátinn.
Himmi, hefur þú prófað að kljúfa bretti og skella Voile kittinu á það?
Allez!
Skabbi
Takk fyrir þetta strákar!
Nú verður maður bara að vona að rússagullið pressi gengið e-ð niður svo að hægt verði að kaupa drasl í útlöndum aftur.
Ef e-r á svona dót inni í geymslu hjá sér má gjarnan senda mér línu, skabbi(hjá)gmail.com
Allez!
Skabbi
Hæ
Við í ritnefnd þökkum kærlega fyrir hólið. Það er talsverð vinna sem liggur á bak við ársritið þannig að það er alltaf gaman að sjá að það falli í kramið.
Eins og ég hef margoft sagt áður þá eruð það þið, félagar í klúbbnum sem gerið ritið skemmtilegt. Haldið áfram að senda okkur myndir og greinar, þannig verður ársritið ennþá betra að ári.
Takk
Allez!
Skabbi
Leitt er að heyra þegar einn af félögum okkar fellur frá á besta aldri.
Ég þekkti Salbjörgu ekki persónulega en við lestur gamalla ársrita fer ekki framhjá manni að þar var á ferð hörkudugleg stelpa sem vann mikið og óeigingjarnt starf í þágu klúbbsins um árabil.
Vinum og aðstandendum votta ég mína dýpstu samúð.
Skarphéðinn
Hæ
Vitleysingar eins og þú verða bara að bíða þangað til þeir fá ársritið, ásamt félagsskírteini, inn um lúguna, sem verður vonandi fljótlega eftir helgi.
Allez!
Skabbi
Kallanginn!
Ég segi eins og hinir, mikið er ég feginn að ekki fór verr.
Mig minnir að þessi flaga hafi verið til umræðu áður. Voru menn ekki frekar á því að reyna að líma flöguna fasta, frekar en að ryðja henni niður með tilheyrandi brambolti?
Láttu þér batna félagi, þú verður með kommbakk á ísfestivalinu.
Allez!
Skabbi
Hæ
Ég get ekki annað en hrósað þér fyrir framtakssemina Ágúst. Þetta er verulega stílherint og flott plagg. Ég myndi samt vara menn við því að leggja allt sitt traust á „in situ“ fleyga í Hraundranganum. Grjót í Dranganum gengur mikið til í frosti og þýðu þannig að fleygar sem voru geirnegldir í fyrra geta verið hringlandi lausir að ári.
Fóruði með Ísalp fleyginn upp?
Allez!
Skabbi
Hæ
Já, ég hef tvisvar lagað skiltið síðan það kom upp. Hvernig getur maður komið í veg fyrir að hestarnir fari í skiltið? Lengja stöngina um 5 metra? Jarðsprengjubelti umhverfis það?
Allez!
Skabbi
Gidday mayt!
Klifurmaraþonið tókst frábærlega í alla staði, held ég að ég megi fullyrða. Rjómablíða á Hnappavöllum alla helgina, kannski helst til heitt í sólinni í gærmorgun en menn létu sér það þó vel líka.
Menn klifurðu hver um annan þveran bæði laugardag og sunnudag. Flestir voru að keyra sig virkilega út við að klára leiðir og ef ég tala fyrir sjálfan mig þá var þetta frábært spark í rassinn. Ég klifraði allavega leiðir sem mér hefði aldrei dottið í hug að skoða fyrir viku síðan.
Kristín Marta og „Mömmurnar“ grilluðu læri og meðlæti ofaní mannskapinn á laugardagskvöldið, alveg hreint frábært. Þær eiga allar mínar þakkir skyldar fyrir það aftur. Takk fyrir mig!
Þegar ég kvaddi vellina í gær voru langflestar leiðirnar klifraðar. Ópus og „Ceus er ekki til“ stóður reyndar enn út af borðinu og kannski ekki líklegt að þær næðu að klárast. Bernd var að bisa við „Litlu lúmsku leiðina“ og einhverjir voru vestur í Skjóli að reyna við leiðirnar þar. Annars var þetta bara að verða búið.
Ég þakka bara fyrir mig og öllum sem lögðu leið sína á Hnappavelli um helgina.
Allez!
Skabbi
Hæ
Mér finnst það ekki hafa komið nógu vel fram í þessari umræðu að meginástæðan fyrir því að ný leið að Valshamri var valin er sú að veginum um sumarbústaðalandið er læst á kvöldin. Ófáir klifrarar hafa brennt sig á þessu undanfarin tvö sumur. Til stendur að læsa veginum allan sólarhringinn. Bæði landeigandi og formaður sumarbústaðaeiganda staðhæfa að vegurinn um sumarbústaðalandið sé einkavegur sem þeim sé frjálst að læsa að vild, enda sé það gert til að verja bústaðina frekari gripdeildum.
Vissulega var það til að ýta frekar við stjórninni að nýjir bústaðir voru byggðir á gamla stígnum sem tilheyra óbilgjörnum eiganda, en að okkar mati var óumflýjanlegt að finna nýja leið að klettinum sem klifrarar hefði óheftan aðgang að.
Auðvitað er mönnum frjáls að stinga sér inn á sumarbústaðasvæðið og þræða í kringum nýju bústaðina en þá þýðir heldur ekki að kvarta ef menn læsast inni og eru skammaðir af Skúla fúla.
Hopp Schweiz!
Skabbi
Hæ
9 manns mættu á fundinn, tillögur stjórnar voru voru einróma samþykktar án breytinga. Fundargerðin, ásamt nýjum lögum, er væntanleg á heimasíðuna.
Allez!
Skabbi
Hæ
Ekki hefur verið kosið í nefndir Ísalp undanfarin ár svo ég viti til. Skv. gömlu lögunum og þeim nýju skal stjórn skipa í nefndir eftir þörfum. Hafi menn áhuga á nefndarstörfum er eðlilegast að þeir tilkynni það til stjórnar.
Fundarstjóri sér um framkvæmd kjörs uppstillinganefndar, hér eftir sem hingað til.
Varðandi kosningu til stjórnar. Einfaldur meirihluti ræður kosningu, þannig að eitt atkvæði umfram þann næsta í framboði nægir til að tryggja kosningu. Ég geri ráð fyrir því að ef menn á annað borð bjóði sig fram til stjórnarsetu muni þeir gefa sjálfum sér sitt atkvæði í kjöri. Líkurnar á því að enginn í framboði fái eitt einasta atkvæði eru því litlar.
Ekki hefur þurft að grípa til kosninga ef framboð eru jafnmörg lausum sætum í stjórn. Lófatak hefur verið látið nægja. Nú veit ég ekki hvernig bregðast skal við því ef fundarmenn neita að klappa….
Allez!
Akmed
Hæ
Ívar, ákvæðið um að hægt væri að stinga upp á mönnum á aðalfundi var í reynd sérlega ólýðræðislegt og furðulegt í framkvæmd. Það sást best á síðasta aðalfundi þar sem stungið var upp á fjólda fólks í eina lausa stöðu í stjórn, jafnvel fólki sem var erlendis. Eftir að búið var að manna stjórnina á fundinum var þess jafnframt krafist að kosið yrði um að skylda menn í stjórn sem annaðhvort ekki vildu taka að sér stjórnarstörf eða voru ekki á fundinum. Nýju lögin koma í veg fyrir svoleiðis fíflalæti en kom á engan hátt í veg fyrir að fólk sé hvatt til framboðs á aðalfundi, vanti fólk í stöður. Hvernig hefðir þú tekið því að vera kosinn í stjórn Ísalp á síðasta aðalfundi?
Palli, framkvæmd utankjörfundaratkvæða var rædd í þaula innan stjórnar. Niðurstaðan var sú sem kynnt hefur verið.
Geti sami einstaklingur farið með óheft umboð margra annara félagsmanna á fundinum býður það upp á að fáir mæti á aðalfund með mörg atkvæði á bak við sig. Við teljum að það rýri mjög umræður á fundinum og bjóði upp á smölun atkvæða, frekar en fólks, á aðalfundinn.Við tökum engu að síður allar ábendingar varðandi nýju lögin til greina á meðan tími gefst til.
Allez!
Akbbi
Hæ
Ég verð að vera sammála Robba hvað þetta varðar, það hljómar hálfundarlega að kifra Lúsífer hálfa leið og hliðra svo út á fésið enda missir maður þá af löngum og frekar snúnum kafla í Gegnumbrotinu. En það má kannski teygja sig yfir í Lúsífer sprunguna og tryggja neðri hlutann þannig.
Ekki það að ég sé e-ð á þeim buxunum, top-rope er fullnægjandi fyrir mitt litla hjarta.
Allez!
Skabbi
Hæ
Múlafjall er hreinlega löðrandi í ís þessa dagana. Fórum fjórir í dag, sex leiðir, allar vinstra megin við niðurgöngu gilið. Eilífsdalurinn er líka smekkfullur af ís, þannig að það er engin ástæða til að ganga frá klifurdótinu í bráð.
Fréttum að Rísandi hefði kastað einum af sér í dag með nöturlegum afleiðingum. Ef e-r veit meira um málið væri fróðlegt að fá stutta skýrslu.
Allez!
Skabbi
