Svör sem þú hefur skrifað
-
Svör
-
I am 39 year old guy.( Very good looking (I imagine)). I have no experinece in snowboarding. But I’m the best telemarkfestival guy ever in Iceland. The only obsticle in the way is your friend. O.K. this is somekind of a joke. But if no one replies my Gsm. is 862-5559. Og koma strákar. Stelpuna vantar handleiðslu og félagsskap.
Kv. Árni alf.
Var nú búin að þakka ykkur fyrir frábæra helgi hér að neðan.
Vil bæta við:
Vantar myndir frá festivalinu. Ekki má eigna Útiveru mótið frekar en einhverjum öðrum. Óska eftir myndum af öllum „quality- stigum“ á veg isalp eða útiveru og síðast en ekki síst Telemarkklúbbsins (Valli eða Wally eins og bandaríkjamenn kalla Valla) er frumkvöðull þessa einstaklegu vel heppnuðu samkomu. Koma svo. Skellið myndum á netið. ((Óska ekki sérlega eftir myndum eftir kvöldmat)).
Kv. Árni Alf.
Óli Raggi, …..er til grúppa sem heitir 20 zentimeter eða ertu að vitna til 20 cm. af snjó sem gerði á Dalvík seinni partinn á laugardeginum?
Kv. Árni Alf.
Hlusta nú aðallega á „Lúdó og Stefán“ (sbr. „Fáðu þér nú sæti, tökum slag“ ÓlZen ÓLZEN , og ég gef fyrst o.s.fr) lagið sem kom DC hans Kjarra út að Þelamörk í fyrra.
Kv. Árni Alf.Takk innilega fyrir mig. Sjáumst að ári.
Hað er það eiginlega sem gerir svona skemmtilegan félagsskap svona enn skemmtilegri?
Kv, Árni Alf.
Ég hafði nú orð á því í fyrra að þeir sem eru svo fatlaðir að geta ekki telemarkað á leðurskóm og venjulegum gönguskíðum (en þurfa þess í stað einhverjar gervifætur þ.e.a.s. plastskó og skíði sem beygja sjálf) ættu að keppa í sér flokki. Þannig yrðu tveir flokkar; samhliða svig og samhliða svig með hjálpartækjum (stoðtækjum). Svo verður auðvitað að skipta keppninni alveg milli tveggja hópa þ.e.a.s. atvinnumanna (eins og mér) og hobbíista.
Eyfellskt Afl til sigurs.
Kv. Árni Alf.
Helga Björt talar um nefnir þrjá staði fyrir norðan „í bestum aðstæðum allra skíðasvæða landsins“. Verð að fá að leiðrétta þig Helga. Ég og Hlynur nokkur Skagfjörð erum búnir að vera utan sem innan brautar hér í Bláfjallinu í dag við grisjun á Bambusskóginum sem hér er farinn að dafna. Tókum niður rúmlega tvö þúsund plöntur en samt er nóg eftir. Hér er enginn sérstakur skortur á snjó hvorki niðri og enn síður uppi. Færi er fínt en flestar lyftur lokaðar v/þoku.
Kv. Árni Afl. (ekki Alf)
P.S. Verð fulltrúi Eyfellinga á festivalinu. Eyfellskt Afl til sigurs.
Er nú hálft í hvoru að vona að það verði lokað í Bláfjöllum um helgina svo maður eigi frekar heimangengt. Tek undir með Skúla að þelarar hafa ekki verið mjög sýnilegir í Bláfjöllum að undanförnu þrátt fyrir og þokkalegt veður og færi. Reyndar á ég erindi norður til að sækja Akureyrarbókina (sem Kalli Eiríks er búinn að eigna sér) sem ég fékk á festivalinu í fyrra fyrir ég veit ekki hvað.
Kv. Árni Alf.
Svona til að tala aðeins meira við sjálfan mig þá er sólbráð á harðfenninu. Allar bröttustu brekkurnar eru því í kjör aðstæðum. Frábært að telemarka stafalaus og horfa á þokuna yfir höfuðborginni. Já þetta er búið að vera draumi líkast.
PS Hverning er það annasrs Norðanmenn? ER nokkuð búið að taka niður lyfturnar í Hlíðarfjalli?
Sammála Róberti. Maður skynjar vel hæðina í þessum myndum. Snilldarmynd þarna af Rúnari orðnum eitthvað pirrðuðum. Ein spurning. Ef fossinn óklifni væri klifinn er þá leiðin búin?
Einn lofthræddur.
Stebbi minn, þér er alveg óhætt að koma í Fjöllin þó ég sé hérna á svæðinu. Þú talaðir um það fyrra að skíðastíll minn væri hættulegur öðrum því ég líktist nauti með hættuleg hornin (þ.e. skíðastafina) út í loftið. Nú er hins vegar búið að taka skíðastafina af mér en í staðinn kominn borvél og bambusstangir. Kannski nautið sé orðið enn hættulegra en áður. Eins gott að Stebbi verði með hjálminn.
Kv. Árni Alf.
Það er a.m.k. mikill ís hér á vegum og túnum. Reyndar gerði 8 stiga hita og slagveður hér í 12 tíma í gær. Í dag hefur verið talsverð snjókoma og -1 til 1. Kom hér austur í fyrrkvöld en sökum anna í steypu- og skítmokstri auk veðurofsa hef ég lítið séð til fjalla og kletta. Geri nú ráð fyrir að ís sé almennt með mesta móti en eftir rigninguna í gær mætti þetta jafna sig í tvo þrjá daga. Varstu að spá í eitthvað sérstakt svæði Ívar? Ekki sama hvort er „norðan eða sunnan undir Fjöllum“.
Kv. Árni Alf.
Bendi Steppo góðfúslega á að kletturinn nefnist Einbúi en ekki Tindur.
Á laugardeginum var hörku telemark færi í undirhlíðum Dagmálafjalls enda mikið nýsnævi. Farið var á dráttarvél upp Hamragarðaheiðina með skíðin í skóflunni. Þarna undir Fjöllunum er talsvert langt síðan komið var ágætis skíðafæri til fjalla og mörg ferðin hefur verið farin með skíðin í skóflunni. Einnig hafa menn getað gengið á skíðum í niðurgröfnum Þórsmerkurveginum enda safnast alltaf snjór í hann. Þess á milli eru sundæfingar undir Seljalandsfossi og í Markarfljótinu enda maður kominn með þennan fína blautbúning.Kveðja, Árni Alf.
Svona til að fullkomna skjaldarmerkið þá vatnar jeppa á 44″ dekkjum, rútu, jarðýtu og brúarsmiði og íslending með dollaramerki í augunum að rukka liðið sem stígur út úr rútunni og jeppanum. Ef einhverjir tröllríða landinu fyrir utan Landsvirkjun þá er það ferðaþjónustan með Vegagerðina í broddi fylkingar. Vegagerðin sér um veglagninar svo hægt sé að moka sem flestum tvífætlingum á sem skemmstum tíma milli staða. Ferðaþjónustan sér hins vegar um sjoppu-, hótel- og húsbyggingar á öræfunum ásamt því auðvitað að rukka fyrir.
Halldór er velkominn í sveitina.
Kveðja, Árni Alf.
Hvítárvatn er langt utan minnar lögsögu, hef aldrei komið þangað og er ekkert sérstaklega á leiðinni þangað. Fyrir utan það þá er munur á svæðum þar sem menn hafa beitt í óhófi eða hófi. Eða girt og borið á innan girðingar en ekki utan og taka svo mynd af hinum skelfilegu nagdýrum sauðkindinni. Væri allt skógi vaxið í Lakagígum ef sauðfé hefði verið og yrði bannað innan hins nýja þjóðgarðs? Common.
Hvernig er annars með þá (ykkur) sem vilja endalaust dæla ferðamönnum til landsins og um allt land; sjá þeir aldrei þá eyðileggingu sem tvífætlingarnir valda með átroðslu í ýmsu formi, stíga- og mannvirkjagerð t.d. göngubrýr, bílabrýr, upphækkaðir heilsársvegir, sbr. Kjöl, Þórmörk, sjoppur og skálabyggingar um allt land o.s.fr. og o.s.fr. Þetta þykja mér miklu meiri landskemmdir en nokkur lamabspörð í lyngi.Margt ágætt sem þeir félagar Kalli og Halldór segja hér að ofan. Skil samt ekki þetta væl varðandi nokkrar rolluskjátur og smalamennskur í Lakagígum. Sauðfé í hófi gerir engan skaða a.m.k. miðað við átroðning ferðamanna. Svo eru smalamennskur einfaldlega hluti af gamalli hefð sem slæmt væri að glata niður. Sem betur fer eru menn farnir að snobba fyrir fjallferðum (leitum) og fleiri gömlum hefðum. Það veldur landinu varla skaða.
Einn á ullarbrók
Gaman að fylgjast með einvígi þeirra Skúla og GIMP hér að ofan. Til að þeir félagar hafi þetta nú „rétt“ þá nefnist syðri kletturinn á gígbrún Eyjafjallajökuls Guðnasteinn. Goðasteinn heitir sá er á NV brún gígsins. Þetta er rökstutt í nýlegu ársriti ÍSALP. Hámundur er nýnefni eftir þá Jón Eyþórs og Guðmund frá Miðdal. Bungan var ónefnd fram að því.
Ég er alls ekki sammála því að allir hólar og hver þúfa verði að heita eitthvað. Hitt skiptir mun meira máli að menn kunni að fara rétt með þau örnefni sem fyrir eru en ekki bæta við óþarfa nýnefnum. Þannig nota ég helst ekki örnefnið „Hámundur“ því að sumu leyti er það óþarft. Þetta er líka ákveðin leið til að lýsa skoðun minni á því hvernig margar nafngiftir á svæðinu urðu til og eldri og sannari örnefni féllu í gleymsku.Kv. Árni Alf.
Sammála því að gera verulegt skurk í viðhaldi á Tindfjallaskála. En væri ekki einnig við hæfi að gera verulegt skurk í því að grafa upp hugsanlegar eldri nafngiftir og hafa það er sannara reynist? Með þessu tvennu gerum við svæðinu hærra undir höfði og ásýnd klúbbsins út á við betri.
Myndin sýnir skála sem þarfnast viðhalds og í baksýn er horn eða gnípa sem nefnist Gígjarhorn (sbr. póst Skúla Magnússonar að neðan haft eftir Magnúsi Hallgríms.) en Hornklofi er þá óþarfa nýnefni.
Kannski fær Skúli trúnaðarsímatal (það verður þá tekið fram þrisvar að um trúnaðarsamtal sé að ræða).
Kv. Árni Alf.
Sá Einbúi sem merktur er inn á kortin (norður af Hitagilsbrún) og nefndur er í Árbókinni 1960 sá ég fyrst almennilega í Suðurjöklatúrnum um páskana. Hann er nauðalíkur þeim Einbúa sem blasir við frá Fljótsdal a.m.k.þegar horft er á hann úr norðri.
Þessi klettur sést aðeins frá mjög fáförnum slóðum. Það er því furðulegt að klettar og gnípur sem aðeins hafa sést í fjallferðum á haustin báru nöfn en ekki það sem blasti við úr byggð. Þetta stenst einfaldlega ekki.
Örnefni hafa víða lent á kolröngum stöðum í kortagerðinni hér í frumbernsku og hefur vitleysan haldið áfram á nýrri kortum. Nú hafa Landmælingar tekið sig á með því að senda heimamönnum kortin til yfirlestarar og hvað t.d. Eyjafjöllin varðar eru villurnar margar og miklar.Getur ekki einhver grafið upp í hvaða riti ÍSALP þessi grein um Einbúa nafngiftina er.
Það ætti í raun að vera metnaðarmál klúbbsins sem hefur (eða þykist hafa) eitthvað um þetta svæði að segja „að hafa það sem réttara (sannara: sbr. Ari Fróði) reynist“ hvað örnefni varðar. Þetta á að sjálfsögðu við landið allt. Slíkt væri klúbbnum til sóma.Kv. Árni Alf.
Get tekið undir það hjá Hilmari að það skiptir auðvitað máli hversu gaman við höfum að þessu. En það sakar ekki að hafa líka gaman af því að fara sem réttast með. Verðum að hafa einhvern sjálfsmetnað og „standard“ hvað örnefni snertir því þannig berum við ósjálfrátt meiri virðingu fyrir viðfangsefninu og njótum þess enn frekar.
Kv. Árni Alf.
Lögðum þrír íann úr Tindfjallaskála skömmu fyrir hádegi á skírdag í súld og krapaleg. Stigum á skíðin við skálann. Efst á jöklinum birti til og í frábæru veðri var skíðað niður jökultunguna sem liggur niður að austan. Eftir að jökli sleppti tóku við grænar mosagrundir og skíðin því öxluð. Gengum allar Emstrurnar í myrkri og mikilli aurbleytu. Erfiðast að ekki var hægt að setjast niður eða leggja neitt frá sér. Komum í Botnaskálann farinn að ganga þrjú um nóttina.
Stebbi P. ákvað að verða þarna eftir en við Árni Sigurðs. lögðum í ann 9 um morguninn í algjörri heiðríkju og sumarhita. Á Entujökulinum var skíðað á ís upp í 900 m hæð. Á há-Mýrdalsjökli var vestan strekkingur, frostúði að blint. Skíðuðum vestur af Goðabungu í rökkri og engu skyggni. Á Fimmvörðuhálsi var þungt blautt nýsnævi. Komum í Útivistarskálann eitt um nóttina.
Lögðum af stað vestur yfir Eyjafjallajökul kl. eitt í pollagallanum í súld en stilltu. Eltum gönguskíðaslóð sem beygði til suðvestur þegar kom upp undir gíginn (hugsanlega niður að Seljavöllum). Fórum í blindbil yfir gíginn og rákumst á tvær sæmilega opnar sprungur þegar farið er upp úr gígnum vestanverðum. Telemarkað var niður frábærar skíðabrekkur þegar komið var niður af jökli norðaustan Dagmálafjalls og komum um 11 leytið niður að Stóru-Mörk eftir frábæran gönguskíðatúr.
P.S. Hittum aldrei vélknúið ökutæki í túrnum (jú 3 kyrrstæða jeppa í skálanum á Mosum).Kv. Árni Alf.
Þegar komið er spölkorn austur fyrir fjall þá hefur orðið Fjallamaður mjög ákv. merkingu. Það er Eyfellingur m.ö.o. maður undan Eyjafjöllum. Þessir menn þekktust og þekkjast í dag frá öðrum hestamönnum á því að þeir voru og eru alltaf með regngalla reyrðan á hnakkinn, enda rignir talsvert undir Fjöllunum.
Það sem kallað er að fara í „leitir“ í öðrum sveitum nefnist að „fara á fjall“ undir Eyjafjöllum. Hvort Fjallamenn eru meira við skál í slíkum ferðum en t.d. Skagfirðingar skal ósagt látið.Kv. Árni Alf. ættaður frá Stóru-Mörk undir V-Eyjafjöllum.
Laukrétt hjá Ívari og yrði gríðarskemmtilegt að sjá þessa umræðu á síðum Mogganns.
Fjallaskíði eru alpine touring skíði. Annað er bara mismunandi útfærsla á gönguskíðum. Þegar ég byrjaði í þessum bransa var ég á tré gönguskíðum án stálkanta. Ég rökræddi mikið við Helga Benediktsson um kosti gönguskíða og það löngu áður en ég uppgötvaði telemarkið. Helgi var hins vegar harður talsmaður fjallskíða og taldi menn ekki útkallshæfa nema á slíkum búnaði. (Ég fékk þó að fljóta með í útköll).
Ég skil ómögulega af hverju fjallaskíðin eru að mestu dottin út úr fjallamennskunni hér því þau hafa ákveðna kosti fram yfir gönguskíða- og telemarkbúnaðinn sérstaklega skórnir sem henta ágætlega til klifurs. Þó ég hafi barist hart fyrir bættri gönguskíðamenningu var aldrei ætlunin að útrýma fjallaskíðum.Kv. Árni Alf.
