Forum Replies Created
-
Posts
-
Kórrétt – þetta er fáránlegt.
Við Kalli sátum fundi hjá Samút ((Samtök útivistarfélaga (Ísalp, Jörfí, FÍ, Útivist, 4×4, LÍV, Fjallahjól, Kajak, hestamenn, stangaveiði o.fl) sem fékk í hendurnar drögin að frumvarpinu og skilaði síðan inn athugasemdum við.
Það var eiginlega blásið á allar breytingatillögurnar og það virtist vera fyrir kurteisis sakir að senda þetta til Samút og væntanlega búið að ákveða að hlusta ekkert á breytingatillögurnar. Þetta er stórundarlegt því að Samút samtök fólksins sem fer í fjallgöngur og notar þjóðgarðinn á einn eða annan hátt en ekki pólitíkusar að næla sér í rós í hnappagatið.Eins fáránlegt og það er þá er sérstök grein í lögunum sem segir að sauðfjárbeit sé heimil í Lakagígum. Ótrúlegt á meðan að fólk í fjallgöngum á að halda sig á gönguslóðum fær rollan að salla í sig gróðrinum o.s.frv.
Langisjór er sérstaklega settur út fyrir kortið svo að Landsvirkjun geti nýtt sér hann.
Sumt er gott í þessu en annað er alillt.
Þá er það ákveðið: Það verður Hnúksmeistarakeppni vorið 2005. Menn og konur hafa tíma til vors að komast í keppnisform. Stjórnin sest yfir þetta á næsta fundi og reynir að splæsa saman tillögum að keppnisreglum.
Það er t.d. hægt að merkja/flagga leiðina þannig að þó að það sé þokuspá þá er samt hægt að keppa. Svo mætti setja mannskap við sprungur (ef einhverjar eru) og því minni hætta á ferðum.
Nánari fréttir/upplýsingar birtar eftir næsta stjórnarfund.
Minnum jafnframt á dagskrárliði og hvetjum menn til þátttöku. Ísinn er ekki langt undan og það fer hver að verða síðastur að koma sér í form.
Kveðja
Halldór formaðurTil hamingju Ívar – gott framtak og gott met.
Er ekki tilvalið að Ísalp standi fyrir hraðakeppni á toppinn næsta vor? Keppt í 2 flokkum: Skíði og fráir fætur.
Kveðja
Halldór formaðurÉg er búinn að leggja Norðurlandamótsmálið fram á 2 stöðum (Laugardalshöll og Egilshöll). Það þarf að finna á þetta sponsor og þá er þetta on. Hugmyndir voru líka uppi um að halda Iceland Open.
Nánari fréttir á næstu dögum…Kveðja
HalldórÉg þekki aðeins til hjá Sindra Stál og skal tékka á því hvað þeir geta gert fyrir samfélagið.
Humar: Þessar brjóstamiklu……..? Kölluðu þær þig “Lobster” þegar þær sáu hnúðinn á sundbuxunum?
Kveðja
Halldór formaðurÞið hefðuð átt að sjá sumar myndirnar sem voru í boði. Ég man sérstaklega eftir einni mynd sem var um einhverja gúbba og trampólínið þeirra. Þetta voru einhverjir lurkar sem bjuggu í einhverjum bæ á einhverri sléttu í Améríkú og það var allt svo slétt og flatt þarna að það var ekkert hægt að gera þarna nema liggja á barnum eða fara á trampólín. Algjör bræla.
Hólímóses.
Eruð þið nokkuð búnir að skemma skannerinn fína sem ég lánaði til verksins? Ég á slangur af myndum en vantar skannerinn aftur til að koma þessu á nothæft form.
Hvernig væri að bjóða mönnum að mæta eitt kvöld með slides eða myndir og láta skanna fyrir sig?
Der Halldór
Í grunninn fer myndavalið þannig fram að við fáum sendann lista yfir þær myndir sem í boði eru. Síðar bætast svo við nokkrar myndir.
Úr þessum myndum er valið og við reynum að taka ekki myndir sem eru t.d. klukkutími eða meira þó svo að þær hafi hlotið verðlaun fyrir eitthvað. Reynt að hafa hærri adrenaline factor en lægri og svo að fjölbreytnin sé þarna líka.
Svo fengum við senda minnir mig 20 diska og úr þeim er svo valið endanlega. Sýningum raðað á daga og í heildina reynt að hafa þetta þannig að þetta höfði til stórs hóps og fjölbreytnin sé til staðar.
Ég var mjög hress með gærkvöldið og fannst engin af myndunum langdregin eða leiðinleg.
Kvöldið í kvöld er spennandi og ég hlakka sérstaklega til að sjá Eiger myndina.
Kveðja
Halldór formaðurÉg stend með þér í þessu Ívar og skora á Dularfulla manninn að skila peysunni. Fólki getur þótt vænt um svona flíkur.
Ég á eina peysu sem heitir Ingibjörg. Ég hef notað hana í áraraðir og núna standa olnbogarnir útúr og það eru auk þess nokkur göt komin á hana. Ég er á nippinu með það að taka sénsinn á að skipta um og fara í nýju peysuna mína.
Einar Ísfeld: ég held að hækjurnar stoppi blóðflæðið til heilans hjá þér.
Þú getur líka sett þig í samband við Kalman bónda í Kalmanstungu og hann ætti að geta bent þér á líklegustu leiðina á jökulinn. Ég held að ég fari með rétt mál að Eiríksjökull sé eini jökull landsins í einkaeigu og sé í eigu Kalmans.
Fyrir mitt leyti þá finnst mér allt í lagi að tilkynna t.d. til Landsbjargar ef menn eru t.d. að leggja í meiriháttar fjöldægra leiðangra að vetrarlagi á Vatnajökul. Ferðaplan og upplýsingar um fjarskiptabúnað (ef hann er til staðar). Ég hef gert þetta óbeðinn og líður bara ágætlega með það. Ef aðrir kjósa að fara án þess að láta vita af ferðum sínum þá er það í lagi mín vegna.
Hitt er svo annað að daginn sem á að fara að rukka fyrir aðgang að jöklunum eða fjöllunum eða skylda menn til að skrá ferðirnar hjá stórabróður þá fer ég í ólöglega fjallgöngu. Ég myndi vilja verða fyrsti Íslendingurinn sem er handtekinn fyrir að fara í fjallgöngu. Allir velkomnir með í þessa ferð sem vonandi verður aldrei farin.
Kveðja
Halldór formaðurEinhverjir hafa etv vonast til að fá hlutverk illmenna í myndinni og verið stoltir mjög að vera í nágrenni við Hollywood fólkið.
Hitt er nú svosem skiljanlegt að Batmennin hafi lítinn áhuga á því að fá dulbúna papparazza á svæðið sem laumast svo til að taka myndir sem enda svo í heimspressunni. Batman með sultardropa á nefinu – ekki mjög kúl.
Klárum þessar umræður með hlutaðeigandi og vonumst eftir góðu samstarfi í framtíðinni.
Ég kasta fram einni stöku í lokin og er frægur fyrir leirburð:
Batman í trjánum,
með blökuskít á tánum.
Allir á fullu,
með fæturnar í drullu.Kveðja
Halldór formaðurDaginn.
Við skulum halda ró okkar. Eins og fram kom í póstinum frá þjóðgarðsverði þá kastaði hann fram hugrenningum og óskaði eftir málefnalegri umræðu. Hann var ekki að lýsa skoðunum sínum heldur að kasta ljósi á þá umræðu sem þegar er í gangi meðal stjórnmálamanna.
Ég vek athygli á félagsfundinum sem auglýstur er 31.mars og reikna með fjölmenni og fjörlegum umræðum.
Kveðja
Halldór formaðurEkki málið – við eru öðlingjar upp til hópa.
Miklu flottara poster in í fyrra (að sjálfsögðu). Ég skal senda til þín myndina ef þú lætur mig fá netfang til að senda hana á.
HK
Blessaður Rúnar.
Ef þú velur úr listanum (sem er undir dagskrárliðnum Banff) þær myndir sem þið hafið áhuga á þá sendi ég þeim upplýsingar út um að þetta verði “Private show” og þá er það önnur verðskrá.
Sendu til mín listann yfir hvað þið viljið sjá og við leysum málið þannig að þið verðið glaðir.
Málið varðandi sýningar á virkum dögum er að mánu- og þriðjudagar eru minnstu “bíódagarnir” og því auðveldara að semja um afnot af sölunum.
HK
Jæja.
Umræðan er komin í gang og það er gott. Ég vil byrja á að benda mönnum á að það er auglýstur dagskrárliður hjá Ísalp 31.mars undir yfirskriftinni “Félagsfundur – umræðukvöld: Slys á fjöllum – umræður og fyrirbyggjandi aðgerðir”. Eflaust verða einhverja umræður á fundinum um Skálafellsjökulsmálið og það er bara fínt.
Hitt er svo annað að þegar farið er út í “lokanir” á svæðum þá finnst mér eðlilegt að slíkt sé auglýst á einhvern hátt og viðkomandi félögum send tilkynning. Menn geta verið búnir að undirbúa leiðangra í langan tíma og koma svo að lokuðum dyrum og mæta engum skilningi.
Auðvitað láta menn sína nánustu vita af því hvað verið er að fara að gera og reyna sem best að fara eftir ferðaplaninu. Hitt er svo annað að menn geta svo verið að þvælast um og leita að t.d. ísklifurleiðum og þá er erfitt að vera að hringja út og suður til að tilkynna t.d. þjóðgarðsverði eða öðrum um að hætt sé við að fara í þennan dal og stefnan sé að fara frekar í þetta eða hitt gilið.
Um stærri leiðangra eins og t.d. skíðaleiðangra á Vatnajökul er sjálfsagt að láta vita um og tilkynna fyrirhugaða leið og hvernig fjarskiptum verður hagað.Það fara líklega nokkurhundruð manns á Hvannadalshnúk á hverju ári – göngumenn, vélsleðamenn og jeppamenn – það er ógjörningur að fylgjast með þessu og ætlast til þess að menn tilkynni ferðina og svo tilkynni aftur þegar þeir eru komnir niður. Þetta yrði einfaldlega of flókið í framkvæmd.
Menn verða auk þess að vera það ábyrgir fyrir því sem þeir eru að gera að vera ekki að þvælast í leiðir eða fjöll sem eru þeim ofviða. Það þarf ekki opinbert eftirlit eða aðra stjórnsýslu til að ákveða slíkt fyrir menn.
Gjaldtaka fyrir aðgengi að hálendinu eitthvað sem við eigum ekki einu sinni að byrja að tala um.
Með bestu kveðju
Halldór Kvaran
formaður ÍsalpNýjustu fréttir.
Skítviðrið var byrjað í morgun á Grímsfjalli og hann lagði ekki af stað. Er því í góðu yfirlæti í skálanum og heldur af stað þegar veðrið batnar.
Það er nú hægt að hafa þessi lög þannig að þeir sem ganga um í Fylkisbúningi þurfi að hafa kollhúfu á þorskhausnum!!!
Þið getið fylgst með framvindu mála á http://www.soloice.com
Halldór formaður
Ég veit allt um Cameron. Það slitnaði mótorpúði sem harnessið er fest við. Ekkert mál. Ég rúllaði uppeftir og setti nýjan mótorpúða.
Færið er rosalega fínt og ég skutlaðist upp í Grímsvötn á bílnum frá Jökulheimum. Var 4 tíma fram og til baka með því að chilla á leiðinni og pósa fyrir myndatökur. Allt grjóthart og ég er að hugsa um að verða fyrstur til að komast í Grímsvötn á Camaro eða Mustang. Gllimrandi harðfenni.
Sleðinn er í toppstandi og hann á eftir að komast alla leið ef spáin heldur áfram að vera svona góð.Halldór fréttahaukur
Blessaður.
Ef þú ert með einhverjar ferðir í sigtinu þá er hægt að setja þær inn á dagskrána og þeir sem vilja fara með geta skráð sig þar.
Þetta gæti t.d. verið undir yfirskriftinni: Samferðamenn
Kveðja
Halldór formaður
