Wet´n cold..

[1704704009]

Það stefnir í að Wet’n Cold veðurspáin muni rætast um helgina.

Auk þess er spáð strekkingsvindi. Botnssúlurnar bíða Ísalpsfélaga. Spennandi! Enginn sem hefur skráð sig í ferðina hefur hætt við.

ÞESS vegna er ferðin enn á dagskrá. Kannski myndu fleiri skrá sig ef ferðinni yrði breytt í dagsferð? Auðvitað má aðlaga ferðina að óskum fólks. Skrifið eitthvað á umræðusíðurnar eða sendið mér póst á orsi@mbl.is.

[3008774949]

Við komum við í bratta á sunnudag nokkrir félagar og ég verð að segja að það þarf virkilega að taka til hendinni þarna. Skálinn er í mikilli niðurníðslu. Væri sterkur leikur að lappa aðeins upp á hann og laga kyndinguna (sem er engin )
S

[0405614209]

Stjórninni barst um daginn erindi frá Björgunarsveit Hafnarfjarðar þar sem nokkrir félagar sveitarinnar af fádæma höfðingsskap bjóðast til að laga heilmargt í Bratta. Erindinu var að sjálfsögðu vel tekið og væntanlega leggjast þeir í framkvæmdir á næstu dögum.

Stjórnin er að vinna í kabyssumálum fyrir bæði Bratta og Tindfjöll. Búið er að sækja um styrk hjá einum af bönkunum og svör væntanlega næsta þriðjudag (16.11.04). Ef allt gengur upp þá verða komnar upp olíukyndingar í báða skálana öðrum hvorum megin við áramót.

Kveðja
Halldór formaður

[Karl]

Jói Kjartans náði fyrir margt löngu olíukabysu sem ætluð var í Bratta. Sú kabysa er varðveitt í hesthúsinu hjá mér og býður framtaks við uppsetningu í hvorum skalans sem er. Jói smíðaði einnig úrvals reykrör úr ryðfríu stáli sem hefur nú legið í nokkur ár á gólfinu í Bratta.

[0405614209]

Einu vandamálinu færra Kalli. Er hægt að nálgast þessa fínu kabysu hjá þér innan um fákana fráu. Tilvalið verkefni fyrir skálanefnd að smella þessu upp í Bratta. Veistu hvort að það er hægt að skrölta þarna uppeftir á jeppa á 38″ og hvaða leið væri þá best?

HK

[Karl]

Kabysan er tiltæk heima í Klyfjaseli hvenar sem er og engin hross enn á fóðrum.

Ef skælast þarf á jeppa upp í Bratta er farið um Leggjarbrjót frá Svartagili að vesturkjafti Súlnadals. Þar er ekið á vegslóða. Upp Súlnadalinn hef ég einungis ekið á snjó en á sínum tíma var farið með skálaefnið þangað á bíl á auðu.

[0405614209]

Ég hlunkaðist inn á þennan slóðaræfil seinni part síðasta sumars og hann endaði í mýrarfeni sem ég vildi ekki leggja í en ég sá í framhald slóðans hinum megin við mýrina miklu.

Etv skrepp ég í leiðangur um helgina og athuga hvort að finnst fær leið.

[Karl]

Ef ég man rétt þá er mýrin norðan við dalsmynnið

[0405614209]

Erettekki bara spurningin um að setja í fyrsta í lága og láta svo vaða í drulluna og spóla allt sundur og saman. Festa sig svo hressilega og fá einhvern til að spila bílinn upp. Láta svo bara vaða aftur í drulluna þar til maður kemst yfir. Þetta hlýtur að gleðja umhverfisráðuneytið og það má svo bara beita sauðkindinni góðu á þetta og hún græðir sárið í snatri.

[Höfundur]

Svör