Villingadalur

[1704704009]

Einhverjar ferðasögur eftir helgina?
Læt eina fjúka. Þrír fóru í Villingadal. Nánar á síðum félaga.

Munið jólaglöggina á laugardaginn. Heitt eggjapúns fyrir þá sem urðu veikir síðast.

[Stefán Örn]

Fórum fjórir fræknir: Steppo, Sissi, Bjöggi (Retro) og Kiddi (K-Bgy-Bgy), upp í Tindfjöll um helgina.

Gengum langleiðina úr Fljótshlíð því ekki dreif bíllinn alla leið. Allt vaðandi í svo miklu pudder að meira að segja norðandeildin hefði slefað (snjókoma + logn = pudder sagði e-r spekingurinn). Takmarkið var að klífa Tindinn á e-m frábærasta laugardegi í vetur. Það takmark náðist þó ekki vegna talsverðrar snjóflóðahættu auk þess sem púðurvaðið sóttist okkur seint. Gengum þó á Búra og fengum frábært útsýni. Bölvað að hafa verið án plankanna!

Sunnudagurinn heilsaði okkur hins vegar með bölvuðu mannaskítsveðri og megnið af nýja snjónum tók upp.

Steppo

[0801667969]

Bendi Steppo góðfúslega á að kletturinn nefnist Einbúi en ekki Tindur.
Á laugardeginum var hörku telemark færi í undirhlíðum Dagmálafjalls enda mikið nýsnævi. Farið var á dráttarvél upp Hamragarðaheiðina með skíðin í skóflunni. Þarna undir Fjöllunum er talsvert langt síðan komið var ágætis skíðafæri til fjalla og mörg ferðin hefur verið farin með skíðin í skóflunni. Einnig hafa menn getað gengið á skíðum í niðurgröfnum Þórsmerkurveginum enda safnast alltaf snjór í hann. Þess á milli eru sundæfingar undir Seljalandsfossi og í Markarfljótinu enda maður kominn með þennan fína blautbúning.

Kveðja, Árni Alf.

[0703784699]

Fór í Múlann á laugardag ásamt Bjarna. Veður var frábært en ísinn á einhverju undanhaldi. Það ringdi á okkur um morguninn sem breyttist svo í snjókomu og eftir það var heiðskýrt.

Mæli með ísbúðinni í skeifunni frekar en Múlanum þar sem ætti að vera meira en nóg af ís.

Príluðum eitthvað en það telst ekki til stórræða. Mestur fannst okkur ísinn neðst í leiðunum og fáar leiðir sem náðu uppá brún. Rísandi og Stígandi náðu ekki uppá brún en voru fínir á miðkaflanum.

Þannig að nú er bara að leggjast á ísguðinn og reyna að fá jólaís!!!

Himmi

PS: á leiðinni heim kíktum við inn Eilífsdal, þar virtist einfari í fínum aðstæðum, síðan voru kertin þrjú (??) þarna ágæt og þilið var fínt upp fyrstu tvær spannirnar en kertið virtist heldur dapurt. Svo kíktum við inn Blikadal, þar var einhver ís í (??) en einsog áður að þá var frekar haldlítið í toppnum.

[Höfundur]

Svör