- This topic is empty.
-
Svör
-
Vorum tveir félagar að ganga niður hryggin við Ýmu núna á sunnudaginn þegar hávær hvellur heyrðist og 20-30m snjófleki fór af stað rétt fyrir neðan okkur. Nokkrar sprungur mynduðust einnig ofarlega þar sem við gengum en sem betur fer fór sá snjór ekki af stað. En til þeirra sem plana að fara þangað á næstunni er mikilvægt að hafa í huga að efri flekinn er ennþá óstöðugur og gæti losnað. Mynd fylgir með. kær kv.
Gott að allt fór vel.
Endilega skrá snjóflóðið á vef veðurstofunnar:
http://www.vedurstofan.is/ofanflod/skraning/
kv. Björk
Haldið þið að þið hafið átt þátt í koma þessu af stað? Hvernig voru snjóalög og göngufæri? Framan af laugardegi þá var rigning á láglendi þarna, létti svo til seinni partinn.
Þetta virðist myndarlegasta snjóflóð. Samt lítið miðað við þau ógnarflóð sem verða norðan til í Ýmu. Það eru stærstu flóð sem ég hef séð.
Kv. Árni Alf.
Jú, við komum flóðinu af stað. Það var tiltölulega meiri snjór á suðurhlíðinni í Ýmu miðað við annarsstaðar en víða var harðfenni og snjórinn mest í sköflum oní sprungunum í jöklinum eftir hvassviðrið á laugardaginn. Á myndinni sést hvernig förin skera efstu sprungurnar í snjónum.
[img]http://www.isalp.net/media/kunena/attachments/legacy/images/DSC02088.JPG[/img]
Áhugaverð mynd þarna frá Birgi. Eins gott að vanda leiðarvalið.
Hef nú bara átt leið norðan við Ýmu í Suðurjöklatúrum. Man að 1983 þá hafði gríðarmikið flóð farið yfir hálfan skriðjökulinn og flóðtungan endaði í háum keilum. Kannski ég eigi slides myndir frá 1991 túrnum. Annars er eitthvað farið að renna saman og fenna yfir eitthvað af þessu. Kannski ástæða til að reyna að vinna á hinu ógnvekjandi slides safni mínu. Ámóta scary að lenda í því eins og snjóflóði.
Kv. Slidarinn
Hehe, ok.
Já, gott að þið voruð að vanda ykkur stŕákar, þetta virðist hafa verið frekar þétt og nasty.
Ýmir og Ýma eru í Tindfjöllum, magnað útivistarsvæði ekki talandi um að Ísálp á þar glæsilegann skála. Ég var búinn að skrá flóðið hjá veðurstofunni, fannst samt að eitthvað virkaði ekki, tjékkaðu á því fyrir mig. kv.
Ég var líka að reyna að skrá snjóflóð sem féll í Hlíðarfjalli í síðustu viku.
Það var eins og þetta væri eitthvað bilað þegar maður ýtir á senda takkann.Hægt er að senda snjóflóðaskráningar undir þessum hlekk.
http://vedur.is/um-vi/hafa-samband/
Skráningarformið var eitthvað bilað en þetta er redding þangað til annað tekur við. Stefnt að því um áramótin.
Eitt í viðbót Kristinn. Gott ef þú gætir sent mér bara beint uppl. um þetta flóð í Hlíðarfjalli. runar@vedur.is
Getur reyndar verið að við séum komnir með það á skrá.
kv
rok
- You must be logged in to reply to this topic.