öryggi í klifri

[Björk]

sæl

Valshamar er orðinn mikið byrjendasvæði og þar er mikið af óvönu fólki að taka sín fyrstu skref í útiklifri. Mörgum finnst af einhverjum ástæðum minnsta mál að láta fólk sem kann ekkert að tryggja, tryggja sig þegar það klifrar.

Ég varð vitni að þessu í gær og tók að mér óspurð að leiðbeina viðkomandi tryggjara. Þori að fullyrða að ef að sá sem var að klifra hefði dottið þá hefði auðveldlega getað orðið slys. En viðkomandi var mjög feginn að fá leiðbeiningar.

Það varð slys þarna um daginn og veit að einhverjir hafa orðið vitni af næstum því slysi af því að tryggjarinn var óvanur.

Í fyrsta lagi langar mig að beina því til þeirra sem ekki þekkja réttu handtökin í klifri að leita sér kennslu áður en haldið er af stað.

Í öðru lagi að ekki vera þá feimið þegar komið er á staðinn að biðja einhvern vanann þá um að leiðbeina.

Í þriðja þá að fyrir þá vönu að fylgjast aðeins með ef fólk er að gera tóma steypu.

kveðja

Björk

[Freyr Ingi]

Algerlega er ég sammála þér þarna Björk!

Fólk verður að vera óhrætt við að viðurkenna reynsluleysi sitt þar sem það er beinlínis með líf annarra í lúkunum. Ef maður klúðrar í þessu sporti geta afleiðingarnar verið töluvert verri en sjálfsmark.

[Ragnar Heiðar Þrastarson]

Varð vitni af svipuðu atviki eins og Björk nefnir í síðustu viku. Þar tók klifrari fall úr næst efsta bolta og óreyndur tryggjari, sem var þá á spjalli við félagana, náði að grípa viðkomandi þegar ca. 2-3 metrar voru eftir af fallinu. Þá hafði viðkomandi klifrari náð að segja „taka“ þrisvar sinnum. Hann átti kannski meter eftir í jörðina þegar allt var stopp.

Ég er nú ekki eins vel innrættur eins og Björk og hristi bara hausinn. En hefði klárlega átt að ræða við þessa aðila og fræða þá um hættur og hvernig skal bera sig að í klettaklifri.

[Björk]

Nei auðvitað getur það ekki verið hlutverk fólks sem er bara mætt til að klifra að taka að sér kennslu um klifurferlið og vera að fylgjast með að allir séu að gera hlutina rétt!

Í mínu tilfelli var þetta bara rosalega augljóst og erfitt að grípa ekki inní.

En af einhverjum ástæðum eru til einstaklingar sem eru rosalega kærulausir þegar kemur að þessum hluta.

Maður kennir ekki fólki að tryggja um leið og maður klifrar. Hvað þá þegar manneskjan er að tryggja í fyrsta skipti og viðkomandi er að leiða! Þetta krefst æfingar og leiðsagnar neðanfrá.

Bæði Klifurhúsið og Ísalp í samstarfi við ÍFLM hafa boðið uppá námskeið í klettaklifri.

[Höfundur]

Svör