Ódysseifur í Eystrahorni

[siggasif]

Hejsan.

Ég var að velta fyrir mér hvort einhver væri svo vænn að vilja veita upplýsingar um Ódysseif í Eystrahorni. Af einhverjum ástæðum fæ ég nefnilega villumeldingu þegar ég reyni að nálgast ársritin hérna á Ísalp síðunni, þótt ég sé meðlimur.

Er leiðin fullboltuð, eða þarf maður eitthvað dót? Hvað með ástandið á boltum og sigakkerum, er þetta nokkuð orðið shaky? Og milljón dollara spurningin, er þetta rétt gráðuð leið? Getur maður treyst því að þetta sé svipað erfitt klifur og 5.8 leiðir á Hnappavöllum til dæmis, eða er þetta stífara?

Kær kveðja,
Sigga Sif

[Ólafur]

Hejsan

Leiðin er lítið boltuð – það eru einstaka boltar á stangli. Þú þarft að hafa fullan trad rakk meðferðis. Á sínum tíma var leiðin handboltuð með bolta-augum úr áli en þessir boltar eru orðnir mjög lélegir. Neðri hluti leiðarinnar deilir nokkrum stönsum með ‘Saurgati Satans’ og þeir stansar eru vel boltaðir.

Ég hef bara klifrað neðri hluta leiðarinnar og gráðan þar stemmir nokkuð vel. Í þeim hluta leiðarinnar eru nokkrar spannir af drulluklifri þar sem golfskór (með göddum) og fýlarotari eru hentugur búnaður. Samt eru fínar hreinar klettaspannir inn á milli. Krúx spönnin er t.a.m. mjög góð.

Ef ég væri að fara að klifra þetta í dag myndi ég klifra Saurgat Satans og halda síðan áfram upp efri hluta Ódysseifs. Saurgatið er mun betri leið í hreinum kletti alla leið, vel boltuð og nánast alveg múkkalaus (en reyndar nokkuð erfiðari).

Láttu vaða! Það er frekar einfalt að beila úr stönsunum í neðri hlutanum (þ.e. stönsunum sem leiðin deilir með Saurgati Satans).

kv, órh

[Höfundur]

Svör