Nálaraugað í nótt

[Skabbi]

Hæ

Við Gulli sögðum skammdeginu stríð á hendur í gærkvöldi. Keyrðum upp undir Búahamra um 6 leitið og skunduðum upp að Nálarauganu. Höfuðljósin á og stokkið af stað.

Úr varð hið skemmtilegasta klifur. Nálaraugað er í löðrandi skemmtilegum aðstæðum, ekki of þunnt og ekki of þykkt. Höfuðljósaklifrið gaf þessu bara aukið vægi. Mér skilst reyndar að næturklifur sé sport sem töluvert hafi verið stundað fyrir 15 – 20 árum. Hversvegna það er ekki í tízku lengur skal ósagt látið.

Þess má geta að töluverð umferð virðist hafa verið um Búhamra upp á síðkastið, sem er ánægjulegt. Við gengum niður Tvíburagil eftir klifrið sem leit glæsilega út í tunglskininu.

ALlez!

Skabbi

[1811843029]

Ég hef doldið stundað þessa iðju að klifra ís í myrkri með ljós á enninu. Öðruvísi upplifun og aðeins strembnara þar sem maður sér ekki mikið hvað er framundan. Mæli með að menn prófi.

[Anonymous]

Mæli með kvöldklifri í Grafarfossinn það er alveg þrusu gaman
Olli

[Páll Sveinsson]

Ég og Guðjón fórum Grafarfossin í morgun. Vorum á Select um hálf níu og komnir í bæinn um 1. Hann er í alveg glimrandi aðstæðum.

Hittum meira að segja Ivar þar á ferð með tvo vini sína.

kv.
Palli

[Höfundur]

Svör