Leiðin í Önundarfirði

[jafetbjarkar]

Góðan daginn,
til að byrja með þakka ég fyrir gott ársrit sem er alltaf jafn ánægjulegt að fá í hendur. Ritnefnd á heiður skilinn.
Á bls. 50 í ritinu er sagt frá ísklifurleið í Önundarfirði. Í klausunni er tekið fram að aka eigi frá þjóðveginum inn í fjarðarbotn að norðanverðu. Þar er nefndur til sögunnar bærinn Betanía og leiðin mun vera í hvilft ofan við þann bæ.
Ýmis nöfn hafa verið á kotum þeim sem stóðu á þessum slóðum um liðnar aldir. Bærinn hét Kot (í fleirtölu) meginhluta síðustu aldar og bjuggu afi minn og amma því á KOTUM. Hvilftin fagra ofan við Kotin heitir Hafradalur. Og Kotin eru sunnan megin í firðinum og það er bæði styttra og betri vegur að fara af þjóðveginum á móts við Mosvelli en skiptir reyndar ekki megin máli þar sem hægt er að fara hringinn.
Góða ferð í Önundarfjörðinn,
kveðja,
Salbjörg

[Ólafur]

Umsjónarmenn fréttapistilsins þakka fyrir þessa góðu ábendingu og sagnfræðilegu upplýsingar. Við erum sannfærðir að sérlegur fulltrúi okkar á Vestfjörðum, Rúnar Óli Karlsson, gerir það líka.

Um leið vil ég hvetja alla sem luma á leiðréttingum eða upplýsingum fyrir næsta pistil að koma þeim á framfæri til mín eða Jóns Hauks eða einfaldlega í gegnum umræðusíðuna.

Bestu kveðjur,
ÓliRaggi

[Höfundur]

Svör