Skaðafoss er næsti foss ofan Svartafoss í Stóralæk. Skaðafoss sjálfur er einungis rúmlega 5 metra hár, en ef haldið er áfram upp Stóralæk alla leið að upptökum í Gemludal undir Kristínartindum, eru þónokkur höft allt að 10 metra há. Klifrarar verða að eiga það við sig hvort þessi nokkur höft af klifri séu göngunnar virði, enda eru um 3 km frá Skaðafossi að Gemludal ef gengið/brölt er eftir læknum alla leið upp úr.

Aðkoma: Gengið er upp vestanverða S3 gönguleiðina um Skaftafellsheiði, en rétt áður en stígurinn byrjar að hækka sig upp með Skerhól er beygt af S3 í austur á gömlu gönguleiðina um Miðheiði. Þaðan er gengið í stutta stund þar til komið er niður að Stóralæk, og er honum þá fylgt upp að Skaðafossi.

FF: Tryggvi Unnsteinsson – 15. mars 2023

Einföld leið upp lækinn í Fúsagili. Aðkoma eftir hefðbundnu gönguleiðinni inn í Bæjarstaðarskóg, þaðan inn með Vestragili og brölt upp úr að Fúsagili. Nokkur höft upp að þriðju gráðu og slatti af léttara brölti. Lítið mál er svo að klára upp á topp Jökulfells með því að klífa skriðuna og nokkur stutt kletta/íshöft ofan Fúsadals. Nafn leiðarinnar kemur ekki til vegna formfagrar fótafærni frumfaranda,  heldur sökum tíðra óvæntra fótabaða sem tekin voru á leiðinni.

FF: Tryggvi Unnsteinsson – 10. mars 2023.

Fyrsta gilið í Illuklettum í Hafrafelli, innar Fremra- og Innra-Hálsgili (Rauð leið á mynd).

Fyrsti þriðjungur leiðarinnar býður upp á nokkur stutt WI3 höft, en efri hlutinn er samfellt WI1-WI2 brölt upp á topp. Heildarhækkun upp á 330 m. Toppað er rétt sunnan við bröttustu klettabeltin og er létt ganga suður niður Háls og þaðan niður kindagötur/stíga að gamla bílastæðinu við rætur Hafrafells.

FF: Tryggvi Unnsteinsson 11. janúar 2023.

Leið upp Eyjagil vestan í Skaftafellsheiði.

Aðkoma: annaðhvort er komið ofan frá gönguleiðinni um vesturheiði, eða þá að farið sé inn meðfram Morsá og áin þveruð á lagnaðarís.

Leiðin byrjar á <10 m fallegu kerti sem myndast þar sem Eyjagilslækurinn fellur í gegnum skarð á skáhöllum berggangi niður á aurkeiluna við Morsá (á mynd). Það tekur lengri tíma fyrir þetta kerti að komast í klifranlegt form m.v. nærliggjandi leiðir.  Við taka nokkur styttri og léttari höft, en svo löng ganga, >500 m, upp eftir læknum þar til komið er á gönguleiðina um vesturheiði.

FF: áreiðanlega einhver annar, en ef ekki – Tryggvi Unnsteinsson 12. janúar 2023.

Leið upp Vestara Kóragil: 10-15 m hár foss auk 3 m hafts þar fyrir ofan.

Aðkoma: Gengið upp gönguleið S3 rúman hálfan km upp fyrir Sjónarnípu og þaðan haldið rúman hálfan km í NV að Kóragiljum.

FF: Tryggvi Unnsteinsson, 10. desember, 2022.