Svör sem þú hefur skrifað
-
Svör
-
Líka rétt að benda á að snjóbretti eru svo merkileg að X-Games eru mun sterkara en Ólympíuleikarnir. Halldór er að smóka menn þarna sem eru með heilu fatalínurnar og snjóbrettalínurnar skírðar eftir sér.
Fáir vita líka að Ísalpari hefur verið í verðlaunasæti á X-Games.
Sissi
Eins og sumir vita erum við Freysandi Fresh miklir áhugamenn um ýmiskonar brölt líkt og formaður Ólympíska fjélagsins, Andri Bjarnfreðarson hefur boðað í gegnum árin.
Með glampa í augum og eldmóð í hjarta sóttum við Stymma og heilan big-wall rakk af klettatryggingum í nærliggjandi sveitarfélag og héldum á vit ævintýranna í suðurhlíðum Esju.
Að sjálfsögðu enduðum við í allt öðru – ísklifri. Klifruðum prýðilega leið sem heitir því frumlega nafni Ísþilið (leið #41 í leiðarvísinum). Leiðin sú er nokkur hundruð metrum austan við Andrahrygg og sést sjálfsagt langt að, m.a. vel af gönguleiðinni á Þverfellshorn, magnað að maður hafi ekki farið þetta áður.
Fyrsta haftið var þunnt, kertað, skrýtið, asnalegt, erfitt og mjög svo eftirá-skemmtilegt. Stutt en tæknilegt.
Síðan tók við simul klifur upp að aðalhöftunum, hvar við tókum hægra afbrigðið sem fer framhjá mest áberandi þilinu. Var þetta full spönn af stórskemmtilegu 3-4 gr. klifri upp á brún. Töff leið í ótrúlega kúl umhverfi. Tók ekki mikið af skrúfum (enda voru þær í bænum utan einhverra þriggja forngripa sem Stymmskí dró upp úr pyngju sinni við fögnuð viðstaddra).
Æðislegur dagur á fjöllum!
Sissi, Freysi og Stymmi
Heitir þetta ekki Suðurdalur? Maður hefur ansi oft séð flóðarusl niður allan þennan dal úr stóru skálinni. Örugglega góð þróun að færri eru að renna sér í þessari skál núorðið, og labba þar upp. Betra að hafa traffíkina úti á hryggnum (Mannshrygg?).
Svo kom nú líka stórt flóð norðan megin við hann fyrir svona 2-3 árum.
Icesave (Ísbjörg), WI3, 205 metrar.
Staðsetning:
Austanverð Kjós (sjá neðar)FF(?):
Sveinn Fr. Sveinsson (Sissi), Freyr Ingi Björnsson, Brynjúlfur Jónatansson.Lýsing leiðar:
4 spannir: 50 metrar upp að gilinu / 55 m. /40 m. / 60 m. (íslaust að hluta).Mynd (var í einhverju veseni með að koma henni hérna inn)
Aðkoma að leiðum í austanverðri Kjós
Ekið eftir Þingvallavegi, beygt til norðurs inn á Kjósarskarðsveg (48), beygt til austurs við afleggjara að Hækingsdal, Hlíðarás og Klörustöðum. Beygt til hægri, yfir litla brú (lokað með stöng sem er ólæst, munið að loka henni aftur), að sumarbústöðunum (þar er gengið að Ásláki), áfram ógreinilegan slóða með hlíðinni þar til komið er að mjög þröngu og löngu gili með greinilegri íslínu, Icesave. Hlíðin heitir Grenihlíð og gilið hugsanlega Ketilsskora. Ef ekið er áfram er komið að Hrynjanda.Nánari lýsing
Þægilegt klifur, hentug leið til að sýna byrjendum réttu handtökin eða stíga fyrstu spor í fjölspannaklifri, létt brölt með 3 gr. höftum inn á milli. Fyrstu 3 spannirnar eru mestmegnis í ís en þar sem gilið er þröngt er þunnt á köflum og hægt að notast við mosa og berg af og til. Fjórða spönn hófst á íshafti, síðan brölt upp íslausan kafla og smá ís upp á brún.Leiðin var frumfarin nokkrum mínútum eftir að forseti Íslands neitaði að skrifa undir Icesave lögin hin síðari og þótti nafnið því við hæfi.
Niðurleið
Gengum niður norðan við leiðina, það er líklega hentugast. Skemmtileg ævintýraleið, flottur karakter og umhverfi.Kveðja,
Sissi, Freysi og BilliÍ gær fórum við Freysi (allsherjargoði) ásamt Geira, Sigga P. og Jökli J. í Skálafell. Nei, ekki til að skíða, langt síðan slík undur og stórmerki hafa gerst.
Þori samt næstum að fullyrða að enn lengra er síðan einhver hefur farið í fossinn þar. Hann var prýðisskemmtan, eltur við hausljós í fáránlegum kulda þar sem við vorum í verkefni í bænum fram yfir 14:00. Efstu hreyfingarnar voru reyndar ekki í aðstæðum en ætli þetta hafi ekki verið svona 40 metrar af WI4/4+ í pínu steiktum ís.
Í dag lá leið mín og Allsherjargoða Ísalp í Kjósina ásamt Billa. Við klifruðum þar langa leið í þröngu gili sem hefur ansi skemmtilegan karakter. Og drukkum kaffi. Hún er hvergi skráð og við vitum ekki til þess að hún hafi verið klifruð, ég ætla því að skrá hana með venjulegum disclaimer þegar myndir berast í skráningaþráðinn.
Fékk nafnið Icesave í tilefni dagsins, WI3, 205 metrar. 50 metrar upp að gilinu / 55 m. /40 m. / 60 m. (íslaust að hluta).
Ekið sama veg og að Hrynjanda, áberandi íslæna upp þröngt gil áður en komið er að honum (norðar).
Þetta er feelgood klifur og væri hentugt til að sýna byrjendum réttu handtökin eða stíga fyrstu spor í fjölspannaklifri, brölt með 3 gr. höftum inn á milli. Fyrstu 3 spannirnar eru mestmegnis í ís en þar sem gilið er þröngt er þunnt á köflum og hægt að notast við mosa og berg af og til. 4 spönn hófst á íshafti, síðan brölt upp íslausan kafla og smá ís upp á brún.
Gengum niður norðan við leiðina, það er líklega hentugast. Okkur fannst þetta skemmtileg ævintýraleið í töff umhverfi.
Hils,
SissiKva, softarinn bara að klifra upp á dag?
Ég tók hinsvegar hardcore sófaklifur í kvöld, fann klukkutíma heimildamynd um leiðangurinn 1953 á Everest. Gaman að skoða dótið þeirra, hversu massífar prófanir voru gerðar á öllu í Bretlandi, hversu klikkuð lógistík þetta var (9 búðir), og hvað þetta voru harðir gaurar (klifra allir fetlalaust
). Að ég tali nú ekki um hvað sherpunum er þannig lagað gert hátt undir höfði þarna miðað við þennan tíma og samt gleymdist Tenzing greyið alltaf ansi mikið.Enjoy!
Sissi
http://www.youtube.com/watch?v=Kj9OFJsyXio&feature=player_embedded
Svolítið skemmtilegt að við Freyzi vorum einmitt að ræða um hvað ísklifurpistill Olla hefði verið mikið þarfaþing á sínum tíma
Greinilega gott bókhald á þeim bæ.
Siz
Heyrðu já, ég var búinn að ætla að skrifa eitthvað eins og Siggi Tommi síðan ég las þetta. Sýnir hugrekki að skrifa þetta og ekki síður að kalla út mannskap, og ég verð að hrósa ykkur fyrir bæði.
Hlutirnir eru ótrúlega fljótir að breytast í einhver clusterfuck, stundum bara á einni sekúndu. Það gerðist aldrei og þið virðist hafa haldið haus allan tímann, haldið ákveðinni yfirvegun, kannað valkosti og tekið ákvarðanir. Það er glæsilegt. Og örugglega ástæðan fyrir því að þetta endaði svona vel. Slysin gerast þegar allir stressast upp og fara að flýta sér upp eða niður.
Þannig að ég segi bara eins og ST, reynið að mjólka út úr þessu allt í reynslubankann sem þið getið, margt sem mér fannst áhugavert sjálfum, og kaupið raketturnar á réttum stað.
Þakka lesturinn.
Sissi
Skemmtilegt, og þú ert skemmtilegur Palli. Ívar er meira að segja mjög fyndinn og skemmtilegur í dag.
Sissi – hugsanlega að drekka áfengan eðal topp
Þessi Freysapúsl eru nú eins og Letherman snjóflóðasagnanna – passa við öll tækifæri, skammast mín fyrir að segja það en ég gerði annað í fyrra og hitt fyrir ekki svo mörgum árum (með Eiríki og fleirum).
Þetta er ótrúlega erfiður balance, stundum finnst manni maður vera kjúklingur fyrir að hafa snúið við og stundum finnst manni maður vera heimsk hæna fyrir að hafa haldið áfram.
Hei Góli þú gætir kannski staðið meira en eina beygju í einu ef þú ættir skíði sem eru með alvöru bindingum? Þessi feisplant þín eru farin að verða mjööög þreytt.
Sissi
Ég hef lært 90% af allri minni fjallamennsku af Vertical limit og Cliffhanger. Enginn fjallamaður með sjálfsvirðingu fer á fjöll án þess að vera með boltabyssu og nitró glycerin, það er löngu sannað.
Annars mæli ég með Eiger Sanction sem var sennilega eina big budget fjallamyndin af viti til að koma úr smiðju Hollywood á liðinni öld. Clintarinn er líka svo fokking harður.
Siz
Það var einhver snjóflóðaspesíalisti frá Veðurstofunni á æfingu hjá okkur í Bláfjöllum fyrir 1-2 árum, held að hann sé í HSSK?
Hann var með einhverjar 3 týpur sem hann vildi að við skiptum í, og minnir að áherslan hafi einnig verið á það að græjan gæti skipt yfir í sendingu sjálf.
Þetta var örugglega X1 minnir mig, einhver Pieps og svo einhver þriðji, það er kannski einhver að lesa þetta sem man eftir þessu?
Annars hef ég alltaf haft það að athuga við Barryvox (athugið að það er fullt af merkjum sem selja þá sem sína, t.d. Mammot) að maður getur klunnað að kveikja á þeim að morgni, sem er t.d. ekki hægt með Ortovox.
Var með félögum mínum í Frakklandi, skíðuðum í Le Tour backside 2 bunur, í þriðju var komið stórt flóð og við eyddum restinni af deginum í að leita að 5 fórnarlömbum. Komum heim og þá var slökkt á Barryvox hjá öðrum stráknum sem var með mér. Hafði verið það allan daginn.
Fíla þessa Murphy nálgun hjá Ortovox að bjóða ekki upp á þetta.
Sissi
Spjallið og skráning leiða er aðalmálið.
Síðan er gaman að hafa einhvern pott þar sem snillingar á borð við Pál Sveins geta hent inn, það er mikið til í þessu, þetta efni er út um allar trissur og týnist og gleymist. Við félagarnir hentum miklu inn á askinn á sínum tíma en það er orðið hálf dautt t.d. og væri miklu skemmtilegra að hafa það einhversstaðar í öruggri höfn og tengt á einhvern hátt við klúbbinn. En það er kannski meira seinni tíma mál.
Tek samt aftur hattinn ofan, bæði fyrir HB.Org að nenna að gera gömlu útgáfuna sem þjónaði okkur vel í mörg ár og einnig Gulla og co. sem græjuðu þennan nýja fína vef. Þetta er miklu meiri vinna en menn átta sig á.
Sissi
Hvað er þetta með ísklifrara og skotfimi, var Ísfeldinn ekki líka Íslandsmeistari í einhverjum byssuæfingum?
Já, um að gera.
Tala nú ekki um þar sem skv. þessari grein er bara stórhættulegt að renna sér innan um þessa skíðamenn sem halda sig inni á skíðasvæðum:
Sissi
Að renna sér á einskíðungi er góð skemmtun.
Við erum nokkrir sem eigum svona hérna heima og held að allir séu ansi sáttir. Ágætt að labba á þessu (losar bara skóna) og infiltreita hópa fjallaskíðamanna, smella síðan saman á toppnum og vera langflottastur á leiðinni niður.
Virkar fínt að smella þessu saman, finnur aðeins fyrir því að endarnir hreyfast í hörðu, en þá á maður náttúrulega bara að vera að klifra.
Helstu gallar við fjallabrettamennsku með þessum hætti eru eiginlega helvítis múnbútsin. Helgi Hall hefur verið með fjallaskíðabindingar og -skó á þessu og lætur vel af. En þá missir þú slatta af brettafílingnum. Aðrir jafnvígir bretta/fjallaskíðamenn eins og Himmi eru gallharðir á móti því. En það leysir vissulega ákveðin vandamál, hundleiðinlegt að vera á múnbúts að þvera harða brekku hátt uppi.
Flestir eru á Burton, Helgi á Voile og þetta er voða svipað, engar kvartanir. Öll interface+skinn eru frá Voile á báðar týpurnar (sömu).
Þetta var rétt að skríða í viðráðanlegt verð á gamla genginu en er sjálfsagt ansi dýrt núna. Mögulegt+ódýrt að kaupa Split-kit og kútta gamalt bretti en ég held að allir sem eigi svoleiðis hafi bara týnt þeim úti í skúr og aldrei komist að borðsöginni.
Ergó: Alveg óhætt að mæla með þessu.
Sissi
Já rétt er það. Það er gaman í fjórðu víddinni en stundum er svolítið bergmál.
En lítill fugl hvíslaði að mér að það væri sitthvað úr fjórðu víddinni sem leyndist í næsta ársriti, ég er orðinn ógurlega spenntur enda skilst mér að þetta sé aaaalveg að detta í prentvélina.
Svo sokkar allra landa, borga árgjaldið og bíða svo spenntur við bréfalúguna, eins og Corky að bíða eftir skólabílnum.
Sissi^4
Stundum þarf maður að hugsa um annað fólk, eins og t.d. í vefhönnun. Þetta á Hilmar eftir að skilja einhvern daginn. Fólk þarf að hugsa um samfélagið, ekki bara sjálft sig
ef Gulli og Óli Hrafn gætu töfrað einhvern gaur sem keyrði á RSS feedin frá einhverju mengi af myndasíðum á klukkutíma fresti eða eitthvað væri það náttúrulega úber cool. Snýst allt um að aggregate-a (ööö sameina? samþjappa?) upplýsingum þessa dagana.
Ég nota t.d. google reader (http://www.google.com/reader) til að halda utan um mitt lesefni, hendi þarna inn öllum síðum sem mig langar að fylgjast með og síðan poppar nýtt efni þarna upp, allt skipulagt og fínt á einum stað.
Það er rosalega 2004 að þvælast út um allt internet, eina síðu í einu, til að leita að sófa efninu sínu.
Hef fulla trú á Gulla og Óla Hrafni í þessu, þó að þeir séu reyndar ekki jafn mikil hönk og Björgvin.
Sissi
Dave MacLeod póstar skemmtilegu vídeói af oldschool vetrarklifri í Ben í dag. Veit ekki af hverju en mér fannst geðveik stemning að horfa á þetta, ekki nema 8 mínútur.
http://davemacleod.blogspot.com/2009/10/nevis-soloing-in-winter-with-cunningham.html
Reyndar hef ég alltaf verið að furða mig á því af hverju það er svona lítil hefð fyrir þessum brölt leiðum hérna heima, menn fara bara beint úr sumarrölti á Þverfellshorn í Rísanda.
Ég er allavega massíft að fíla leiðir eins og Kistufellshorn, NA hrygginn á Skessuhorni osfrv. Langar líka að prófa Andra-hrygg (austan við Þverfellshorn, veit ekki hvað hann heitir) og Nagg í Vesturbrúnum í vetur.
Kalli er eflaust búinn að skíða þetta allt, hehe.
Sissi
