Svör sem þú hefur skrifað
-
Svör
-
Líklega of seint í rassinn gripið en það er slatti af ís undir Eyjafjöllum. Reyndar ekki viss um að Paradísarheimtinn sé í aðstæðum þar sem mestur hluti leiðarinnar er þakinn snó að því er virðist. Gæti reyndar verið tryggjanlegt nieve og þá væri þetta alger draumur.
Fullt af öðru að gera þarna.
Spenntur að heyra hvað menn gerðu um helgina.
Kv.
SófacoreEkki í aðstæðum, keyrði framhjá í dag. Læt vita ef þetta breytist á næstu dögum.
Ívar
Langar einhvern á skíði á morgun ivarfinn(hjá)hotmail(.)com?
http://picasaweb.google.co.uk/ivarfinn
Meira af gömlum mydum úr ýmsum áttum fyrir alla þá sem hafa ekkert að gera í vinnunni.
Svona af því að ég veit að mánudagar eru erfiðir fyrir marga í vinnunni:
http://picasaweb.google.co.uk/ivarfinn/Peru2000
Þessar 5 mínútur ættu nú ekki að verða nein sérstök vonbrigði, ég fékk ekki að snerta myndavélina!
kv.
SófacoreSpurning hvort ekki ætti að fá Útilíf til að sponsera link á allar helstu netverslanir hér á isalp.is.
Sammála með Tele-Pyrenees – algerlega topp þjónusta sem á vart sinn líka.
Sumir hafa einnig notað http://www.barrabes.com/ sem er spænsk.
En án gríns væri sniðugt að hafa svæði hér á síðunni þar sem menn gætu sett inn upplýsingar um verslanir hér heima og erlendis með umsögn um þjónustu og vöruúrval. Svona spurningar eru nokkuð algengar og greinilega eftirspurn eftir upplýsingunum.
Hið sama væri hægt að gera um erlend klifursvæði. Menn gætu fyllt út grunn upplýsingar um svæði/leiðir/fjöll sem þeir heimsækja í gagnabanka. Aðrir klifrarar sem hyggjast fara á sömu slóðir gætu þá sótt í bankann og séð hverjir hafa farið áður. Þá gætu menn haft beint samband við for-farana með sínar spurningar. Ómetanlegt!
Enn það er auðvelt að tala vitandi að vinnan lendir ekki á mér!
Kv.
Úr sófanaumEf við erum að tala um sama gilið að sjálfsögðu. Ef ekki er um að gera fyrir einhverja að ná sér í FF.
Minnir að ein leiðin heiti Fafing about og önnur Skipulagt undanhald.
Gleðilegan vetur!
Ef Olli er ad tala um gilin tvo sem eru a leidinni inn i dalinn (milli thodvegar og dals) er eg audvitad buinn ad klifra thau i drasl asamt kunum og erlendum gædum. Og ja allt i lettari kantinum.
kv.
IvarFór við annan mann inn í Hestgil í dag.
Þar var ekki mikill ís en þó eitthvað smáræði.Þeir allra hörðustu gætu klifrað þunnar leiðir eða skellt sér í slútt með sprungu (4m) og þaðan upp þunna 3.gr.
Ef menn kippa með sér borvél aukast svo möguleikarnir til muna. Fallegir og heillegir klettar.
Annars var ekki mikið að sjá af klifranlegum ís nema ef vera skildi inni í Eylífsdal.
kv.
ÍvarÞetta eru nú reyndar helv. svalir nördar. Þó þeir verði nú reyndar líklega að vera klæddir í Gore-Tex og með hjálm svo einhver sjái cool-ið.
Fegin að þú mannst ekki að það vorum við frændurnir sem þú dorgaðir upp úr Einfaranum þarna í fyrrs skiptið líka.
Einverjir guttar úr Kópavoginum sem höfðu komið með þér inneftir gengu yfir í Mógilsá.
Við frændurnir fengum fyrir vikið mjög eftirminnilega ferð í Tjaldinu (Súkkunni) út dalinn! Skoppand í aftursætinu innan um ísaxir og glæra plastbrúsa með eðal kúmen-landa. Eftirminnilegur dagur á 2.vetri mínum.
Annars eru lýsingarnar þínar úr Þilinu nokkuð réttar, eftir því sem ég man. Reynslan sigraði ungæðislegan ákafa þennan dag eins og svo oft í ísklifri.
Annars gæti minni mitt verið eitthvað glopótt því um leið og ég kom upp í síðasta stansinn fékk ég bolla af einhverju besta tei sem ég hef fyrr og síðar fengið!Svo var það líka nokkuð gott þegar ég og Siggi Skarp (held ég) fórum í ÍSALP ferð í Botnsúlur (núna á skíðum þannig að ég stillti gorgeirnum algerlega í hóf).
Kalli var líklega umsjónarmaður og auk annara góðra manna og kvenna var Tómas Grönvald líka mættur. Þegar hópurinn kemur svo upp á Syðstusúlu í frábæru veðri er sest niður og tekið til matar síns.
Það hefði kannski ekki átt að koma á óvart en upp úr bakpoka Kalla koma, auk annara kræsinga, bjórar handa þeim Tómasi. Við Sigurður reynum að látta lítð á sleftaumunum bera þar sem við drekkum okkar landa-lausa te og maulum nokkrar þurrar kexkökur.Við skíðum svo niður (án þessi að ég vilji neitt vera að lýsa því neitt frekar).
Þegar við erum komnir langleiðin niður safnast hópurinn saman og annar hvor okkar Sigga lætur út úr sér eitthvað um hversu góð hugmynd það sé að hafa með sér bjór.Kalli lítur hissa á okkur og segir: ,,Hva? Viljið þið bjór? Ég er enn með six-pack í pokanum – þið hefðuð bara átt að segja eitthvað!“
Grafarfossinn orginal er bara 3.gr. Reyndar er isinn stundum sma morkinn sem gæti verdi sma vandamal.
Inni i Haukadal i vegnum a moti 240min og theim leidum er mjøg god 2-3 spanna leid sem er mjøg audveld.
55gr.Nordur i Buhømrum hefur ørugglega verid fysta fjølspanna fyrir marga.
Inni i kjos er mikid af audveldum leidum, eg thekki ekki vel til thar en that ætti ad veda audvelt ad finna eitthvad.
I Hvalfirdi a moti Mulafjalli eru einhverjar leidir sem menn hafa verid ad klifra. Minnir ad einhverstadar seu til skemmtilegar myndir af theim a netinu.
Hægri leidin i Villingardal er heldur ekki svo erfid og nær tveimur skemmtilegum spønnum.
Svo er that natturulega konungru ævityra isklifurs i lettari kanntinum, Einfarinn inni i Eylifsdal. Algert møst fyrir alla klifrarar med sjalfsvirdingu. Agæt ad athuga ad sidast spønnin er ekki alltaf gefin, getur verid mikill snjor ed engin is. En tha er bara ad bæta i reynslubankann (annad hvort med ad djøflast upp eda siga nidur).
Nokkur snjo gil i Vesturbrunum gætu lika verid skemmtileg en eru liklega ekki eins mikid klifur og thu ert ad leita ad.
Thetta væri nu annars hugmynd ad godri grein i næsta arsrit. Godar og audveldar fjølspanna leidir! Svona thar sem nylidun i klubbnum hefur verid med betra moti sidustu ar.
Thid hinn bætid endilega vid thennan lista! Virkilega ahugaverd spurning sem ørugglega margir vilja fa svar vid.
kv. ur sofanum!
Svona þar sem við gömlu kallarnir getum ekki hamið okkur í sögunum um Þilið þá kemur hér enn ein langlokan frá mér:
Ég fór þarna inn eftir einu sinni með GHC minnir að þetta hafi einnig verið rétt fyrir jól.
Kallinn átti nóg af fínu glingri og því var mitt skilið eftir heima. Þegar ég kom út úr bílnum hófst þessi venjulega reikistefna um hver skildi bera hvað. Ég var taldi mig helvíti heppinn þegar kallinn bauðst til að taka línurnar og tvistana og rétti í átt að mér poka með járnaglingri. ,,Ha, ha, nokkrar ísskrúfur á móti tveimur línum! Þetta verður óvenju þægileg uppganga!” hugsaði ég. Þegar ég fékk svo pokann var hann örlítið þyngri en ég gerði ráð fyrir. Henti honum bara ofan í bakpokann og rölti af stað.Ferðin uppeftir var tíðindalaus, alveg þangað til að kom að því að taka til járnadótið. Þá komst ég að því að ég gat valið úr ríflega 20 skrúfum af öllum stærðum og gerðum. Eftir smá reikistefnu sættist ég á að hlaða á mig um 15 skrúfum og minnir að Helgi hafi tekið 2 – 3 sjálfur (á þeim tíma þótti mér nóg að vera með 10 skrúfur, þá sjaldan ég fer út núna er ég með 14 og finnst það oft ekki nóg). Restin af skrúfunum og annar óþarfa búnaður var svo skilinn eftir.
Fyrsta spönnin var tíðindalaus og ég létt það sko ekki koma fyrir mig að nota nema um helminginn af öllum þessum skrúfum.
Helgi tók svo aðra spönn. Sem eins og venjulega leit ekki út fyrir að vera neitt sérstakt. Ég var því nett pirraður þegar kalinn byrjar að hlaða inn skrúfum á meðan ég stend skjálfandi í týpískum Eylífsdal kulda.
Loksins kom að mér að klifra, og ég fékk að éta ofan í mig allan pirringinn. Spönnin var verulega erfið, allt í fangið og mikið um morkinn ís.Ég var því langt frá því að vera úthvíldur þegar ég kom upp í megintrygginguna. Það voru því engin sérstök vonbrigði að sjá að Helgi sat inni í miðjum fossi (rennandi, ekki frosið, vatn) og var orðin hold blautur. Ég gerði því augljóslega ráð fyrir að geta komið snemma heim og byrjaði að skima eftir góðum ís í v-þræðingu. En sælan var skammvinn. Um leið og ég hafði náð að hugsa þetta byrjaði Helgi að leggja mér línurnar um hvernig best væri að komast framhjá regnhlýfunum sem gnæfðu yfir okkur (ekki ósvipað og aðstæðurnar vorum um helgina).
Líklega hef ég séð að það væri einfaldlega betra að bíta á jaxlinn og drullast upp þessa spönn en að veigra sér og eiga á hættu að takka sæti Helga á neðri enda línunnar, inni í fossinum.Ég létt mig því hafa það og læddist upp. Nokkrum sinnum stóð ég mig að því að standa ofan á þessum risa regnhlýfum vitandi að Helgi var undir þeim. Það er frekar skrýtin tilfinning að tipla á þessum “kristals”ísmyndunum og þurfa bara að vona að þær haldi.
Það var komið myrkur þegar við vorum loks báðir komnir upp á topp. Línurnar okkar voru gersamlega frosnar og við þorðum ekki fyrir okkar litla líf að síga niður á þeim. Við urðum því að labba niður og klifra svo aftur upp gilið fyrir neðan leiðina til að ná í það sem skilið hafði verið eftir um morguninn.
Man ekki hvað klukkan var þegar við komum í bæinn, en það var farið að rigna og ég held að þetta hafi verið síðasta ísleiðin sem var klifruð á fróni það árið.
Annars gæti ég einnig trúað að Palli ætti eina eða tvær sögur úr Þilinu. Hann og GHC eiga jú FF af þessari flottustu ísleið landsins og ef ég man rétt var það ekki alveg gefið!
Svo ein stutt að lokum:
Ég og Árni nokkur Eðvalds vöknuðum snemma einn morguninn og stefndum á Þilið. Hvorugur hafði þá náð að krossa við þessa leið sem var (og er) eitt helsta test-pies-ið í íslensku ísklifri.
Þegar við vorum alveg að komast inn dalinn kom Kalli Ingólfs blaðskellandi á súkkunni sinni. Út úr bílnum ultu auk hans Palli Sveins og Tómas Grönvald.Það upphófst náttúrulega þetta venjulega diss. Við Árni kölluðum þá væskla fyrir að nenna ekki að labba inn eftir og Kalli gerði stólpa grín af þessum græningjum sem léttu sig hafa það að labba í hátt í tvo tíma þegar maður gat keyrt non-stopp úr bænum á gersamlega óbreyttum bíl.
Þegar ég var orðinn þreyttur á þessu rölti ég af stað með þeim orðum að ég skildi henda til þeirra línu þegar þeir, gamlingjarnir, væru búnir að fá nóg. Tvö skref í myrkrinu leiddu mig á rafmagnsgirðingu sem eftir tvö skref í viðbót breyttist í teygjubyssu og skaut mér til baka þannig að ég rúllaði á bakið fyrir fótunum á Kalla. Skiljanlega þótti þetta ekki leiðinlegt meðal þeirra sem fylgdust með!Dagurinn endaði svo á því að ég við gersamlega kláruðum okkur á 2. spönninni og þáðum línuna sem Kalli sendi niður handa okkur fyrir 3. spönnina. Til að toppa allt tókst mér svo að detta svo að ég húrraði niður um 10m meðan teygjan var að fara úr 8mm línunni. Ekki í síðasta skipti á þessum stað.
Reyndar hissa á að Kalla minni mig ekki oftar á þetta. Kannski hefur kúmen-landa-teið í hitabrúsanum hans eitthvað orðið til þess að þessi dagur hefur eitthvað rykfallið hjá honum.
Jæja 5 mínúturnar ykkar eru liðnar og tími til að hætta að skoða netið og fara aftur að vinna!
Kv. úr sófanum!
Sviiiing!!!!
Ein besta leið í heimi. Kanada maðurinn Guy Lacel (tek ekki ábyrgð á stafsetningu frekar en fyrri daginn) klifraði þessa leið fyrir nokkrum árum. Þegar hann kom niður sagði hann að nú yrði hann að taka út einhverja leið af listanum sínum yfir 100 fallegustu ísleiðir í heimi, til að koma Þilinu fyrir.
Líklega er þetta fyrsta uppferð á Þilinu í nokkur ár, eða síðan Andri klifraði þetta sællar minningar!
Kveðja úr sófanum
VÆI: Ég skrifaði þetta nú reyndar bara til að stytta mér stundir og kannski einhverjum öðrum. Hvað verðlaunaafhendingar varðar legg ég til að bíða í nokkur ár. Þá verður vonandi hægt að tilnefna þig (og vonandi fleirri) til stórriddara kross fyrir mikið, árangursríkt og óeigingjarnt starf í skálanefnd Ísalp.
Hillary vs. Bonatti er eins og að segja Pele vs. Lance Armstrong.
Ef menn hafa áhuga á að lesa um ævintýri einhverra þeirra sem um er rætt þá má benda á Bordman-Tasker Omnibus of mountaineering. Sem er safn fjögura frábæra bóka sem þeir félagar Peter Bordman og Joe Tasker skrifuðu um ævintýri sín. Þeir voru mjög góðir félagar, stóðu um tíma fararbroddi alpinisma í heiminum og eru einna frægastir fyrir leið á Changabang sem var langt á undan sinni samtíð.
Allar bækurnar þeirra voru svo gefnar út saman og virtustu bókmenntaverðlaun í fjallamennsku nefnd eftir þeim félögum eftir að þeir hurfu við að klifa nýja leið á Everest.
Þessir kappar ferðuðust gjarnan með íslandsvininum Doug Scott og þá oft í frægum ofurleiðöngrum sem Chrish Bonnington stýrði.Fyrir ekki svo löngu rakst einhver Everest-leiðangur á annan þeirra félaga í hlíðunum.
Um John Harlin má svo lesa í White Spider þar sem saga Eiger Mordwand er rakin. Þessi bók er ekki síður skildu lesning fyrir fjallamenn (bæði hardcore og sófa).
Minnir að það hafi komið fram í æfisögu Wolfgang Gulich (þýskur klettaklifrari sem var uppi þegar ég var lítill) að John Harlin og frægur Hollywood leikari voru kunningjar á einhverju tímabili. Leikarinn lék svo mörgum árum seinna í einni bestu (mestu/dýrustu/frægustu/verstu) skrumskælingu Hollywood á fjallamennsku sem gerð hefur verið.
John Harlin gekk gjarnan undir nafninu The Blond God.Ég verð að játa eins og Helgi Borg að ég er orðinn tvístígandi í þessu máli.
Orð Ara Trausta vega vissulega þungt og ég er (sem fyrr) sammála honum í því að skálinn er fyrst og fremst sögulegar minjar sem ber að sýna tilhlýðilega virðingu.Ég er einnig sammála því að FÍ hefur án efa betri burði til þess að standa vel að málum en ÍSALP og að ÍSALP hefur fengið sitt tækifæri.
Það er hinsvegar sárt að láta frá sér skálann og erfitt að velta ekki fyrir sér hvort verðið sé rétt og hvort það hækki í framtíðinni. Á hina hinn boginn þá er ÍSALP ekki fjárfestingarfélag, þó auðvitað sé það verk stjórnar að ráðstafa eigum klúbbsins þannig að heildar hagsmuna ÍSALP sé best gætt hverju sinni.Ég get líka sagt að það eina sem fengi mig til að nýta þetta svæði og skálann meira er ef hann væri í topp standi. Þannig að skíðatúr gæti falið í sér skemmtilega skálastemmingu í þurrum, upplýstum, hlýjum og snyrtilegum skála.
Það eina sem ég veit er að ástandið getur ekki verið eins og það er í dag – eitthvað þarf að breytast!
Ívar
Er ekki bara hægt að selja Bratta líka?
Af þessum tveimur skálum held ég að Tindfjallaskálinn sé miklu áhugaverðari fyrir Ísalp félaga (ég for reyndar mína fyrstu Ísalp/fjallaferð í Tindafjöll og það hefur ekki verið kynding í Bratta síðan að ég hóf minn feril, svo ég gæti verið lítillega hlutdrægur).
En þegar á öllu er á botninn hvolft þá getur Ísalp augljóslega ekki staðið í þessum rekstir… (ég er alls ekki að kenna neinum um, þvert á móti eiga þeir einstaklingar sem þó hafa gert eitthvað heiður skilið, ég hef amk ekki lyft litlafingri)…auk þess sem bæði þessi svæði eru annaðhvort orðin óáhugaverð fyrir íslenskt klifur og fjallamennsku og/eða að menn gera það áhugaverða á einum degi.
Bratti og Botnssúlur eru hinsvegar áhugaverð t.d. fyrir Landsbjörg. Tilvalið svæði til allra helstu æfinga í grunnfjallamennsku, nálægt Reykjavík og ekki of langt labb í áhugavert landslag.
Að mínu mati mun hentugra svæði fyrir námskeið en Tindafjöll (en skiljanlegt að nýliðaþjálfarar kjósi frekar að fara í skálann með góðu kabyssunni en skálann með engri kabyssu).Það eina sem vantar er áhugaverður skáli með almennilegri kyndingu og þá eru Botnssúlur orðnar að topp æfingasvæði fyrir fjallamennsku 1 oþh námskeið!
Sorgleg staðreynd að Ísalp ræður ekki við að halda þessum sögufræga skála við. En það er fullreynt og löngu kominn tími til að leita annara leiða.
En svona er það bara. FÍ hefur líklega öllu betri möguleika á að sýna skálanum þá virðingu sem hann á skilið.
Og það er mikilvægast.
Gott mál
Guð veit að ekki veitir af. Síðasta ársrit kom ekki mjög vel út fyrir íslenskt ísklifur á meðan klakstöðin KH er að skila mögnuðum árangri!
kv.
SoftarinnHeld að ísalp ætti að setja þetta þurrtóls mót inn sem árlegan viðburð í samvinnu við HSSR.
Best að hafa þetta að hausti áður en vertíðin byrjar.Kannski væri líka hægt að fá KH til að koma upp aðstöðu til æfinga fyrir þetta í takmarkaðan tíma fyrir svona mót. Gæti verið leið til að ná til nýs markhóps fyrir þá (ef hægt er að finna útfærslu á því að hvernig sameina má fólk með ísaxir og fólk með kalkpoka án þess að úr verði mikill sóðaskapur).
Það væri í öllu falli ómetanlegt fyrir þessa fáu ísklifrara að geta æft sig nokkrar vikur á haustin. Og það eru alltaf einhverjir sem myndu mæta á æfingar með axir en ekki með kalkpoka.
Bara svona pæling…
kv. Sófacore
Nú er ég svaðalega forvitinn. Ef BD Cobra er bara svona melló græja til að fara með út í búð þegar það er hálka. Hvað ætti maður þá að fá sér til að klifra Þilið?
Og takk Himmi, held samt að þessi sé aðeins og Hardcore fyrir SófaCore!
