Svör sem þú hefur skrifað
-
Svör
-
Fór með Gauja að Spora á Þorláksmessu. Fossinn var alveg ber að neðan en með smá hjúp efst. Klifruðum í staðinn smá lænu sem varla nær 3.gráðu, kannski 30m, alveg syðst/austastinní hvilftinni. Yfirleitt er hún sennilega snjópökkuð en núna var þetta eini klakinn á svæðinu.
Þetta var snilldar myndskeið.
Fær mann næstum til að grafa upp klifurtútturnar og fara að mæta í klifurhúsið svo maður geti gert eitthvað næsta sumar.kv. Stefán
Ég var við Spora á sunnudagsmorgun að tala við bóndann og kíkti uppað foss í leiðinni.
Neðst var haftið ágætt en ísinn í þrepinu var kannski 2cm og hékk bara á lyginni. Efri parturinn leit út fyrir að vera ágætur nema kannski brúnin.kv Stefán
Getur notað bakpoka með mittisól, nokkra metra af prússik og farangursteygju (eins og maður notar í bílum). Óli í Everest getur sýnt þér hvernig þægilegt er að stilla þessu upp og festa við snjóþotuna.
Fiskisagan flýgur.
Þessi saga snýst um mig og annan til. Lögðum af stað af bílastæðinu um sex leitið, hittum undir fossinum tvo sem kynntu sig sem Skarphéðin og James og voru á heimleið. Komum aftur í bílinn eftir myrkraverkin rétt um klukkan tíu.
Það er rétt að við töluðum ekki við bóndann og skildum ekki miða eftir í bílnum með tímasetningum og símanúmerum.
Líka þetta með að löggan var mætt og búin að sprengja dekk. Þá var kontaktinn af bílnúmerinu okkar í leikhúsi svo ekki náðist samband þá leiðina.
En það að við höfum verið að fela okkur eitthvað og ekki viljað tala við lögguna er ekki rétt. Við komum niður fyrir ofan bæinn og í gegnum hliðin þar, leið sem liggur bakvið rúllurnar ef staðið er við bílskúrinn.Ég ætlað að bíða með að segja frá þessu hér á síðunni þangað til ég væri búinn að fara með konfektkassa til Steins(held hann heiti Steinn en ekki Steinar) því það var nátturulega útúrkortinu kjánalegt af okkur og illa gert gagnvart honum.
kv Stefán Þ
Fórum fjögur upp Hnappavallaleiðina á Öræfajökul og gistum tvær nætur rétt norðan við Hnjúkinn. Fórum á Þuríðartind, norðurhlíðina upp á hnjúkinn, Dyrhamar, Sveinstind og Sveinsgnýpu, Rótarfellshnjúk og Vestari Hnapp. Engin hasar en geggjað veður og sólbrunnin nef.
Fórum þrír í gær í Búahamra, ætluðum í 55 gráðurnar en þar sem að enginn okkar hafði farið þar áður enduðum við í tómri vitleysu og klifruðum sennilega leið 24 í leiðarvísinum frá ’85. 60 metrar af 2.gráðu og svo kannski 10 í klett til að sneiða framhjá alltof kertuðum lokakaflanum fyrir okkar smekk.
kv. Stefán Þ.Á laugardag fórum við fjórir uppá Kistufell eftir suðvestur snjólínunni og var það ágætis skemmtun en hvergi var nokkur þörf á broddum og tæplega öxum þar sem snjórinn var svona temmilega þéttur að þetta var bara eins og að labba upp stiga.
Á sunnudag fórum við svo tveir í Spora en já hann er einmitt mjög góður þessa dagana, ísinn jafnvel betri en síðustu helgi.
Fórum líka litla fossinn sem er þarna soldið fyrir neðan en ég veit ekki hvað hann heitir. Held að honum sé líst sem ágætis upphitun í ársritinu.kv. Stefán Þ.
Fórum tveir í Spora á sunnudag í góðum aðstæðum, logn og næs þangað til maður var kominn uppfyrir brúnina.
kv. Stefán Þ.
Snjógirðingamál í Bláfjöllum hafa komið upp hérna nokkrum sinnum en segðu mér Árni; ef þetta er svona augljóst og ódýrt, af hverju er ekki búið að gera þetta? Hver ræður þessu eiginlega? Á ISALP ekki bara að yfirtaka Bláfjöll og redda málunum?
