Svör sem þú hefur skrifað
-
Svör
-
…fyrirlestrar og skemmtiefni…hhmmm….hljómar.…ILLA…hljómar meira fyrir “hjákátlega loddarann í frottesloppnum” hér að ofan… fastur hæll eða laus, gildir einu, mestu máli skiptir að gluða niður snæviþaktar brekkur og hafa gaman af
Snjóalög í Hlíðarfjalli með allra besta móti. Gönguskíðabrautin enn í notkun í síðustu viku og vel fært upp á brún Hlíðarfjalls og á hærri tinda.
Sving,
KristínOo, Þetta er svo skemmitlegt, bara að minna ykkur á að það er nógur snjór í Eyjafirði til að skíða og að búa til snjóhús, niðurgrafin, inngrafin og hlaðin upp…
…en til að forðast að loftgötin lokist, þá hafði maður einn skíðastaf í gegnum loftopið, og með einu handtaki náði maður að hækka loftopið með því að ýta skíðastafnum lengra upp í gegnum þakið ef snjósöfnun var mikil á þakin…það gekk amk alltaf í þau skipti sem ég hef sofið í snjóhús ef maður mundi eftir að gera þetta.
kv. Bassi
Hér fyrir norðan er ekkert nema endalaus sæla, hvítir tindar og hver púðurdagurinn á fætur öðrum. Aðstæður til utanbrautarskíðunar eru með allra besta móti og ástæða til að mæta með hjálm, ýli og stöng ef….
En því miður, við búum við sama ástand og aðrir Íslendingar, skíðasvæðið er lokað á þriðjudögum í vetur og …. skoðið vefmyndavélina í Hlíðarfjalli NÚNA 4 m/sek, -1,8 og ekkert nema hvítur snjórinn og rennilegar brekkur. OG ÞAÐ ER ÞRIÐJUDAGUR!
Ekkert annað í stöðunni en að skella undir sig plönkunum, tölta af stað á tveimur jafnfljótum og vona að með hækkandi sól verði ákvörðunin um lokun á þriðjudögum endurskoðuð.
Gistiheimilið Súlur s: 461-1160
Gula villan
http://www.gulavillan.is/Jón Hrói, ég sakna þeirra ekkert en ég man samt hvar þau eru, ásamt skónum.
Ef þú veist af kaupanda þá eru þau til sölu ásamt skónum fyrir litið. Ég er búinn að átta mig á því að ég hef komist án þeirra í gegnum lífið.
kv.
BassiJamm…af nógu að taka hér á Norðurlandi…snævi þaktir tindarnir hreinlega kalla á mann…
Annars jú, jú nokkuð hart um daginn en mun mýkra þessa dagana. Hryggir annars tignarlegra fjalla standa enn upp úr og grjót og þúfur á stöku stað…en alltaf hægt að finna sér lænur til að skíða, – bara spurning um hversu mikið þú elskar skíðin þín!
Mæli með tveggja ára ferðalagi um Tröllaskaga…
…en fyrir utan það sem nefnt hefur verið hér að ofan þá er alltaf hægt að taka lyftu upp á skíðasvæðinu í Hlíðararfjalli, labba upp á Brúnina og skinna yfir Vindheimajökul upp á Strýtu eða Kistu og skíða niður. Auk þess er hægt að hafa ferðina styttri og skella sér upp á Bungu eða Blátind og skíða niður Hlíðarfjallsskálina.
Þá er ekki amalegt að skella sér niður snævi þaktar hlíðar Kerlingar, en mundi samt heldur mæla með því þegar sól fer að hækka á lofti, ferðalagið tekur töluverðan tíma.
Auk þess er bæjarfjallið Súlur auðveld bráð en í áttunum sem ríkt hafa undanfarið sýnist mér undirlagið fremur þunnt. En ég mæli sérstaklega með að fara niður austurhlíðina og enda í „skóg“-lendinu fyrir ofan Kristnes, þá fær maður það á tilfinninguna að maður sé í útlöndum
Að síðustu mæli ég með svæðinu í kringum Siglufjörð sem er stórkostlegt svæði. Siglfirðingar opnuðu skíðasvæðið fyrir einhverju síðan og þar er sérstaklega skemmtilegt að renna sér utanbrautar og afmeyja óspjallaðar hlíðar.
Sving,
KristínRétt er það, skíðasvæðið í Hlíðarfjalli er enn ekki búið að opna fyrir almenningi.
Hins vegar er vel fært á gönguskíðum, telemark- eða fjallaskíðum á eða við skíðasvæðið (með skinnum). Færið hefur hins vegar verið hart og stundum vissara að mæta í frystihúsgallanum en Goretex-fatnaði.
Norðanáttin síðasta sólarhringinn hefur hinsvegar gull-tryggt okkur snjóhvíta fönn, svo nú er bara að skella undir sig skíðunum og bruna af stað.
Sving,
KristínÞað á að vera réttur hvers og eins félaga að fá tækifæri til að kjósa um stjórn óháð búsetu, þar sem „klúbburinn“ er starfræktur á landsvísu og er „félag áhugamanna um fjallamennsku“ en ER ekki lokaður „borgarklúbbur“.
Allir þeir félagar sem greitt hafa ársgjald hafa atkvæðisrétt og því á að gera þeim sem ekki búa á höfuðborgarsvæðinu kleift að koma sínu atkvæði á framfæri. Það ætti að vera einfalt í allri nútímavæðingunni!
Ég skora á karla og konur á stjórnarfundi ÍSALP að ræða utankjörfundaratkvæðagreiðslu, með hvaða hætti standa skuli að slíkri framkvæmd og tryggja það að á næsta ári, 2008, verði ÖLLUM gert kleift að kjósa.
Með kveðju frá LANDSBYGGÐARPAKKINU
Minni bara á undanþáguna sem Sigríður Anna Þórðardóttir umhverfisráðherra “reddaði” okkur Íslendingum á loftslagsráðstefnunni sem haldin var hér á landi fyrr á árinu. Með undanþágunni skipum við okkur í sama flokk og þau ríki sem gjarnan eru kölluð “þróunarríki” og getum losað út í andrúmsloftið margfalt meira magni af gróðurhúsalofttegundum en þau ríki sem ekki eru á undanþágu. Undanþágan verður síðar endurskoðuð árið 2012.
Svo lengi sem ausum út í andrúmslofið eiturefnum, sorpi og sora má gera ráð fyrir því að hiti hækki og jöklar hverfi, – þá verða Hrútfjallstindar ef til vill varla stærri eða meiri en danska Himmelbjerget og aðeins minningin, ljósmyndirnar og lygilegar flökkusögur halda uppi fjallamennskustaðli landans.
Kristín
…hér er þrusufæri, ágætis skíðafæri í troðnum brautum og enn betra utan-brautar, við brettagúbbarnir skemmtum okkur vel í Suðurdalnum.
Um síðustu helgi féllu smáflóð hér og þar en þessa dagana er allt með ró og spekt.
Sjáumst í brekkunum,
Kristín…nú, svo er hægt að skella sér á dansgólfið!
Hér eru nokkrar línur sem eiga vel við atburði helgarinnar og þá er ekkert eftir annað en að æfa Travolta-sveifluna….
…
Ah, ha, ha, ha, stayin’ alive, stayin’ alive.
Ah, ha, ha, ha, stayin’ alive, stayin’ alive.
Ah-ha, ha, ha, stayin’ alive, stayin’ alive.
Ah, ha, ha, ha, stayin’ alive.Step to the side
You’d better run and hide
Move to the side Ev’rybody wants to stay alive.
…Jú, sælt veri fólkið…
Eftir óheyrilega rigningu á laugardaginn hefur óskaplega miklum snjó kyngt niður á s.l. sólarhring. Hér er allt hvítt yfir að líta og það sem meira er, – það snjóar í logni. Fyrir þá sem ekki vita hvað það þýðir skal bent á eftirfarandi formúlu, sem reyndar hefur verið nefnd Bassagóríasarregla:
snjór + logn = lausamjöll (á engilsaxnesku “powder”)
Þetta er því ekki spurning um “línur sem er hægt að skíða” heldur að axla byrgðar, arka af stað og demba sér síðan niður eða “just ride”.
Athugið það að Íslendingar hafa nú þegar selt sál sína fyrir peninga. Allt er falt!
Fjörður hér, fjall þar, dalur og klettaskorur allt er þetta lítill hluti af pókerspili stjórnvalda. Til landsins ryðjast risavaxin fyrirtæki og reisa spúandi stórverksmiðjur, – og hvað gerum við? – Ekki neitt!
Svo er stofnaður þjóðgarður. Bravó! En hver er tilgangurinn? Að vernda, að kynna, að uppfræða, að hampa….? Ó, nei 19. júlí 2002 lýstu Landsvirkjun og Alcoa yfir stuðningi sínum við stofnun þjóðgarðs norðan Vatnajökuls. Athugið, í þessu sambandi, að víða erlendis samhæfa menn vatnaflsvirkjanir og þjóðgarða og þar eru miðlunarlón jafnvel notuð til siglinga og þau felld inn í útivistarsvæði.
Nokkrar hræður úr útivistarbransanum á Íslandi, hjólandi, skíðandi, klifrandi eða ríðandi hafa ekkert að segja í þessa risa. Hér eru það peningarnir sem tala!
…jú, jú ég kippti út gönguskíðunum tvisvar sinnum í vikunni, skíðaði í „nostalgíu“ í nágrenni Akureyrar….færið var fínt í braut en stutt niður á grjót (utanbrautar) nema í kvosum og hvilftum sem mikið hafði safnast saman í.
…húsfreyjan á Másstöðum í Skíðadal arkaði upp til fjalla ásamt búkonu úr borginni um s.l. helgi (fimmtudag, föstudag og laugardag) og renndi sér niður hvítar hlíðarnar á bretti og lét vel af færi og snjóalögum…staðhæfði m.a.s. að þessa daga hafði verið „púður“.
Allmikill snjór hefur safnast saman á Tröllaskaganum á s.l. vikum, ég spái því að þessi snjór sé „kominn til að vera“ þó það megi gera ráð fyrir að snjórinn sem kom í þessari viku á Akureyri og nágrenni taki upp á næstu sólarhringum sé tekið tillit til framtíðarveðurspár.
Annars getur hver og einn reynt að átta sig á hvernig snjóalögum verður háttað í vetur þar sem ég læt hér fylgja nákvæm fyrirmæli um hvernig menn skuli bera sig að:
Þegar spáð er í milta, eru skornir tveir eða þrír skurðir í það, helst blindandi og það síðan hengt upp. … Miltað hvítnar smám saman þegar það hangir og þornar og eiga þeir hlutar þess sem fyrst hvítna að segja fyrir um snjósömustu kafla vetrarins.
Verði ykkur svo að góðu…
Sænski-tindurinn er ekki nema 2104 m.y.s. skv. nýjustu mælingum þótt þeir haldi hinni tölunni enn fram á kortum. Þannig að við eigum enn hærri tind en Svíar. En síðan sá ég að þessu verði ekki breytt í bráð á kortum heldur hér, þannig að við getum enn sagt Jóa á bolnum að Hnjúkurinn sé 2119 m.y.s.
Heimildir, Morgunblaðið 25.06.04…og ekki lýgur það…er það nokkuð Stymmi…eða var hann hættur…nei hann er smiður.
kv
BassiHreykja sér á hæsta steininn.
Hvíla beinin.
Ná í sína nestistösku.
Nafn sitt leggja í tóma flösku.
Standa aftur upp og rápa.
Glápa.
Rifja upp
og reyna að muna
fjallanöfnin:
náttúruna.
Leita og finna
eitt og eitt.
Landslag yrði
lítils virði,
ef það héti ekki neitt. (T.G.)Hér hefur verið sumarveður s.l. sólarhring, 11 stiga hiti og skýjað með köflum einsog Trausti Jónsson veðurfræðingur orðar það. Í Hlíðarfjalli er vorfæri, snjór í brautum og varhugavert að skíða utan þeirra. Hinsvegar má gera sér í hugarlund að nægur snjór sé á Vindheimajökli og næsta nágrenni (svona ef menn nenna að brölta utanbrautar).
Hinsvegar er mun meiri snjór á annesjum, s.l. sunnudag var t.d. nægur snjór á skíðasvæðinu á Siglufirði og í nærsveitum. Þá hefur verið opið á Dalvík s.l. daga og þar hefur hitinn ekki verið jafn mikill og á Ak. Auk þess sem Hvalvatnfjörður og nágrenni virðist safna í sig umtalsverðum snjó, þar er mun meiri snjór en á sama tíma í fyrra.
Með kveðju,
KristínÍ bókinni „How to shit in the Woods“ eftir Kathleen Meyer, má finna kaflann „How not to pee in your Boots“, sem einungis er ætlaður konum. Þar má finna ýmsar nytsamlegar upplýsingar fyrir konur um hvernig best er að bera sig að. Þarna kemur Meyer með góðar ráðleggingar varðandi stellingar, staðsetningar og framlengingar.
Kveðja,
KristínTelemarkhelgin verður ALLTAF haldin. Það er enn nógur snjór í Hlíðarfjalli þið getið séð það sjálf á http://www.hlidarfjall.is á vefmyndavélunum. Það var opið í fjallinu alla helgina og í gær. Í fyrra var mun minni snjór en samt var „púður“ og menn sáu ekki eftir því að hafa mætt.
Telemarkhelginni verður aldrei frestað…eða færð til…það er enn nógur snjór hér í Eyjafirði. Og ef engin kemur, þá vinn ég kanski loksins eitthvað…a.m.k. í öðru sæti.
Það verður nú sjónasviptir ef þú mætir ekki. Mundu bara að póstleggja bikarinn í tíma…Og svo ekkert svona úrtölutal.
Nú verður sagðar veðurfréttir: Á Akureyri er stillt veður, hiti um frostmark, logn, skýað með köflum. Veðurfar er bara spurning um hugafar…
kv.
BassiSvei mér þá Palli minn? – Ertu byrjaður að ryðga í landafræðinni? Ég veit svosem ekki hvernig þið NAGLARNIR báruð ykkur að í denn en svona gerum við þetta núna:
Við mætum upp í Hlíðarfjall kl. 10:00, tökum lyftuna upp að síðasta lyftustaur, öxlum skíði og örkum af stað á tveimur jafnfljótum upp á Brún, stiklum á Brúninni og sumir ákveða að skella sér þaðan niður en aðrir líta á Vindheimajökul sem sannkallað leikfangaland og skella sér á Strýtu eða Kistu eða skíða jafnvel í sund á Þelamörk. Þess má geta að Strýta og Kista eru meðal hæðstu fjalla á Tröllaskaganum og þó þau séu ekki, strangt til tekið, í Hlíðarfjalli þá er hægur vandi að skella sér þangað svona fyrst maður er á annað borð að brölta. Enn aðrir arka örlítið sunnar, brölta upp á Blátind (sem er ekki mikil hæðarhækkun) og niður Hlíðarfjallsskálina. Hlíðarfjall býður nefninlega, Palli minn, upp á annað og meira en troðnar brekkur og bleikan samfesting.
– Þetta með skinnin!? Æi, þau gleymast alltaf, þú veist hvernig þetta er, maður ætlar alltaf rétt að skjótast,…en svo…. Eða einsog Guðmundur frá Miðdal orðaði það: Útþrá og fjallahugur er óstöðvandi einsog steinn, sem losnað hefur í hengiflugi.
Annars býð ég þér, hér með, í ferð með mér um leyndar hlíðar Hlíðarfjalls og nágrennis þegar þú átt leið um Akureyri og þá get ég farið í gegnum landafræðina með þér, svona um leið og aðrir JAXLAR (einsog þú orðaðir það) geta fengið að fljóta með húsmóðurinni!
