Svör sem þú hefur skrifað
-
Svör
-
Hæ
Aðalfundur fór vel fram, rúlega 30 manns létu sjá sig. Unnið er að því að skrifa formlega fundargerð, en þangað til hún birtist á vefnum get ég upplýst þig, og aðra, um eftirfarandi mál:
1) Utankjörfundaratkvæði voru ekki tekin gild á þessum fundi, ný stjórn mun kanna það mál fyrir næsta aðalfund.
2) Freyr Ingi Björnsson var kosinn formaður ÍSALP
3) Þorvaldur Þórsson (Olli) er sá eini sem situr úr stjórn síðasta árs. Aðrir komu nýjir inn, þeir Viðar Helgason, Sveinborg Gunnarsdóttir, Smári Stefánsson, Ágúst Steinarsson og undirritaður, Skarphéðinn Halldórsson.
4) Stefnuskrá ÍSALP er enn sú sama, hvernig ný stjórn mun útfæra hana mun koma í ljós.
Annars þakka ég húsfreyju gott boð en á því miður ekki heimangengt. Vonast til að sjá hana á festivalinu, þá gjarnan með súra kýrfótinn.
Allez!
Skabbi
Hæ
Það væri nú akkur í því að fá þessar myndir fram fyrir festivalið, ég get heldur ekki skoðað myndirnar.
Skabbi
Hæ
Ég bið Sveinborgu hjartanlega velkomna í slaginn!
Rétt í þessu barst mér tölvupóstur frá núverandi stjórn, hvar hnykkt er á komandi aðalfundi.
Þar kemur fram að tveir ágætir herramenn sækjast eftir formannsstólnum. Einnig kemur þar fram að 4, þar á meðal ég, sækjast eftir setu í 7 manna stjórn.
Í færslu Örlygs hér að ofan kom fram að Viðar Helgason gefur kost á sér til setu í stjórn, þó að það hafi ekki komið fram í umræddum tölvupósti. Eins hefur Sveinborg tilkynnt framboð sitt. Mér reiknast því til að 6 manns séu í framboði, hið minnsta.
Nú segir í lögum ÍSALP: „Kjörtímabil formanns og fjögurra meðstjórnenda er tvö ár en tveggja meðstjórnenda eitt ár.“
Ljóst er að 3 af núverandi stjórnarmönnum ganga úr stjórninni en hvernig er með þá sem eftir sitja? Hverjir eiga fast sæti og hverjir eru að losna? Svo ég smætti spurninguna enn frekar; hversu margir sækjast eftir hve mörgum sætum í stjórn?Enn sem komið er hefir ekkert heyrst af áformum þeirra Olla (Þorvaldar) og Önnu Maríu hvað varðar stjórnarsetu. Eins þætti mér sem meðlimi í ÍSALP og frambjóðenda til stjórnar áhugavert að fá frekari deili á Henrý Hálfdánarsyni, sem einnig hefur tilkynnt framboð.
„Amma, spurðu ekki hvað Amríka getur gert fyrir þig, heldur hvað þú getur gert fyrir Amríku!“
– Baddi í Djöflaeyjunni
Allez!
Skabbi
Hæ
Nú hefi ég ekki skilað formlegu framboði til stjórnar ÍSALP. Ég geri það því hér með og vona að það verði tekið gott og gilt.
Hafi menn áhuga á að vita hvernig ég lít út eða hvað ég hef verið að gera bendi ég á myndasíðuna mína:
http://www.vonlausa.org/gallery/view_album.php?set_albumName=album24
Áhugi minn á að komast í stjórn ÍSALP er sprottinn af öðru meiði en þeirra félaga, Ágústs Kristjáns og Smára. Það er gott og gilt að vilja auka áhuga almennings á fjallamennsku og auka aðgengi nýrra félaga að ÍSALP. Ég aftur á móti hef meiri hug á að hlúa að þeim sem þegar eru aktífir í klifri og fjallamennsku.
Það er tvennt sem mér finnst að gjarnan megi bæta. Útgáfa ársritsins hefur legið niðri í nokkur ár og er það miður. Ég veit að félagar ÍSALP liggja á miklu efni sem hægt er að gefa út. Ársritin eru stórmerkileg heimild um framþróun fjallamennsku á Íslandi, þau verða að halda áfram að koma út.
Starfsemi ÍSALP byggist fyrst og fremst á virkum félögum. Það þarf ekki endilega að gerast undir formerkjum ÍSALP í skipulögðum ferðum. Það sést best á umræðusíðunum að loknum góðum helgum til fjalla. Mér finnst að félagið mætti gera meira í því að hrista menn saman, hafa opin hús, myndasýningar og almenna hittinga.
Þannig er nú það. Ef fram fer sem horfir verður pláss fyrir okkur alla í stjórn ÍSALP. Svo er bara að sjá hvort ný stefna verði tekin með nýrri áhöfn.
Að lokum hvet ég alla félagsmenn og konur til að mæta á aðalfundin, hvort sem þið eruð „afþreyingar útivistarmenn“ eða „hardcore fjallagarpar“.
Allez!
Skabbi
Hi helen
The festival is still a few weeks off. I’m very sure you can get a lift with somebody. If I were you I’d repost this question the week before the festival, I’m sure you’ll get more answers then.
Regarding used ice-tools, they are few and far between I’m afraid. Some people have bought them off e-bay with good results. You should check that out.
See you at the Festival
Allez!
Skabbi
Hi helen
The festival is still a few weeks off. I’m very sure you can get a lift with somebody. If I were you I’d repost this question the week before the festival, I’m sure you’ll get more answeres then.
Regarding used ice-tools, they are few and far between I’m afraid. Some people have bought them off e-bay with good results. You should check that out.
See you at the Festival
Allez!
Skabbi
Halló
Það verður augljóslega talsverð endurnýjun í stjórn ÍSALP á komandi aðalfundi.
Gaman væri að heyra frá fleiri fjallapólitíkusum sem hafa hug á stjórnarsetu.
Skabbi
Siggi, ég er með axirnar hans Bjögga, þú mátt ábyggilega fá blöðin lánuð úr þeim. Þau eru samt köstom modduð, veit ekki hvort þú ræður við svona prógressív blöð.
Allez!
Skabbi
Hæ
Ég átti leið um Útilíf í gær og rak augun í þessar Alpine Monster axir. Óttalegt prump verð ég að segja. Blaðið jafnt sem skaftið kjánalega stutt og fór auk þess illa í hendi. Get ekki ímyndað mér að það sé þægilegt fyrir fullorðinn mann að klifra með þessum öxum í ís. Sleppurkannski sem varaskeifa eða bröltaxir.
Gæti samt verið góður kostur ef menn vilja draga krakkana sína með ísklifur því þær eru ódýrar og fisléttar…
Allez!
Skabbi
“ Það sem ég hafði mestar áhyggjur af var að reka frambroddana í ísvegginn.“
Það var einmitt það sem kom fyrir Baunann, og hann braut á sér öklann.
Sá sem greip fallið segist tvisvar hafa gripið leiðslufall í ís, sem í báðum tilvellum enduðu með fótbroti.
Skabbi
Engar áhyggjur piltar, Dísa hefir skráð sig á stíft 6 mánaða námskeið í hjálmnotkun. Minna má það ekki vera á þessum síðustu og verstu tímum…
Allez!
Skabbi
Hæ
Ég er að velta því fyrir mér hvort ÍSALP hafi hugsað sér að svara þessu erindi með formlegri hætti en að pósta því hér og sjá hvað gerist. Albert Leichfried og Ines Papert eru tvímælalaust meðal alsterkustu ís/mixklifrara í heiminum og það hlýtur að vera ÍSALP til hagsbóta að bjóða þau velkomin og reyna að benda þeim á spennandi staði.
Það eru orðin nokkur ár síðan verulega sterkir erlendir klifrarar létu ljós sitt skína í íslenskum ís. Þeir sem eru eldri en tvævetur í bransanum (það er ég svo sannarlega ekki) geta kannski sett sig í samband við þetta ágæta fólk fyrir hönd ÍSALP. Helgi er vonandi með póstfang sem hægt er að svara þeim á.
Bendi á ágætan link um þetta efni:
http://www.terragalleria.com/mountain/info/ice/iceland.html
Allez!
Skabbi
Hæ
Tékkaðu á þessu. Flottur turn, veit ekki hvort þú færð e-a vitræna útskýringu á túðunum samt….
http://www.alaskaalpineclub.org/IceWall/04-05IceWall1.html
Ef þú getur fundið e-ð um ísframleiðslu í Ouray myndi það örugglega hjálpa. Annars hlýtur að vera hægt að nota hvaða túðu sem er sem úðar vatninu út frekar en að láta að bara renna.
Allez!
Skabbi
Hæ
Við Robbi fórum Oríon áðan. Hann er trúlega jafnlangur og áður. Klifrið var…spes. Allsstaðar þar sem bratti var ekki of mikill voru þykkir bunkar af sykurkendum snjó/ís (snís?) -viðbjóði sem lítið hald var í. Það fór lítið fyrir mjúkísnum hans Ívars en þeim mun meira af skafís. Efst í leiðinni er hengja sem við tróðumst í gegnum, maður var eins og kanína að koma uppúr holu í lokin.
Robbi tók e-r myndir, hann deilir þeim sjálfsagt með okkur þegar fram líða stundir.
Allez!
Skabbi – ennþá með hjartað í buxunum…
Dude!
Þetta verður að gerast! Ég skora á stjórn Ísalp að koma að málinu, enda getur ekki annað verið en meðlimir klúbbsins sjái fé sínu vel varið í að flytja fjallagarp numero uno í heiminum í dag til landsins.
Einnig hvet ég meðlimi klúbbsins sem hafa ítök í fjármála „geiranum“ að plögga þessu. Eru ekki bankar og sparisjóðir útum allt land að keppast við að flytja hingað hrímþursa frá öllum heimshornum til að veita blýjantanagandi hvítflibbunum sínum innblástur?
Ég býð fram sófann minn ef hann vantar gistingu.
Allez!
Skabbi
Já…
Anabasis þolir vel að fá meiri ís, var svo að segja íslaus með öllu. Snjór þar sem bratti var ekki of mikill en bert grjót í höftunum. Áhugavert klifur svo ekki sé meira sagt, myndir síðar.
Allez!
Skabbi, Freysi og Robertino
Hæ
Ég fæ ekki betur séð en að þeir hafi átt gríðargott mót og verið okkur, og sér, til sóma.
Glæsilegt piltar, til hamingju!
Skabbi
Hæ
Já, helgin var prýðileg til klifurs. Auk ágætrar ferðar í Villingadalinn í gær fórum við Atli Jósefsson inn í Kjós, klifruðum þar í stæðilegum fossi í Kórnum fyrir ofan bæinn Fremri Háls.
Myndir gærdagsins er að finna hér:
http://www.vonlausa.org/gallery/view_album.php?set_albumName=album56
Góðar stundir.
Skabbi
Við ákváðum nokkur að gefa ísfossum á suðvesturhorninu aðeins lengri tíma til að myndast en héldum þess í stað inn að Gígjökli í upphitunarferð. Fundum prýðilegt stál og ég fullyrði að allir náðu að keyra sig út.
Stórfínt en kræst hvað Jökullinn skreppur mikið saman milli ára, hann á ekki mörg ár eftir með þessu áframhaldi.
skabbi
Halló aftur
Það var ekki svo að skilja að hliðinu hafi verið læst í hefndarskyni við rymjandi og stynjandi klifrara, eða að því hafi verið læst beinlínis til að klófesta menn. Það er einfaldlega stefnan að læsa hliðinu á kvöldin, sem takmarkar mjög aðgengi að klettinum. Hvort sem þessum aðgerðum er beint gegn ræningum og óþjóðalýð eða klifrurum gildir einu, útkoman fyrir okkur er sú sama.
Ef til er önnur leið að Valshamri sem ekki felur í sér akstur í gegnum sumarbústaðahverfið er sjálfsagt að nota hana. Ég geri mér samt ekki grein fyrir því hvar sá vegur gæti legið. Ef e-r veit betur má sá hinn sami gjarnan upplýsa okkur hin.
Skabbi
Hugsanlega er þarna á ferðinni sami einstaklingur og týndi hvítum Fruit of the Loom bol undir Hraundranga í fyrra.
http://gallery.askur.org/sissi_hraundrangi/DSC04535
Þetta er neyslusamfélagið í hnotskurn, allt er einnota…
fuss
Ska
Við sem gerðum ekki djakk þess helgi getum ornað okkur við myndir frá síðustu helgi í Haukadal.
Mmmmm…..
http://www.vonlausa.org/gallery/view_album.php?set_albumName=album51&page=1
skabbi
Hér eru svo myndirnar hans Bjögga úr Búhömrum síðastliðin mánudag:
http://www.vonlausa.org/gallery/view_album.php?set_albumName=album50
Cherio
ska
