Svör sem þú hefur skrifað
-
Svör
-
Augljóslega miklu betra færi þarna í Skálafellinu skv. myndbandinu hjá Óla Ragga. Segið svo að ekki borgi sig að hafa opið á tveimur ólíkum stöðum. Hipp hipp húrra.
Kv. Árni Alf.
17. feb. 2012 kl: 16:00
Heiðríkja, sól og hægviðri í fyrsta skipti í a.m.k. tvo mánuði. Snjóaði duglega í gær og nótt í SV éljum. Norðan megin í hlíðum er því geggjað utanbrautarfæri. Í Kóngsgilinu er þetta undir og sunnan Kóngsins neðantil í fjallinu. Það væri æði ef Suðurgilið væri opið. Þar er púður upp í mitti eins og alltaf í SV átt. Annars er þetta glerhart allt saman. Alveg þess virði að skjótast á skíði í dag.
Spáð stífri norðanátt svo þessi lausasnjór á líklega alveg eftir að hverfa úr Fjallinu í nótt. Þá verður fátt um fína drætti utan brauta. Bót í máli er að það snjóar á Sunnudaginn.
Kv. Árni Alf.
Borgarráð samþykkti í dag allt að 2,5 milljóna (ath. milljóna) viðbótarfjárveitingu vegna opnunar Skálafells. Þetta er a.m.k. ákveðin varnarsigur fyrir stærstan hluta skíðamanna á landinu. Það sem um ræðir er reyndar eingöngu helgaropnun einhverjar 7 helgar minnir mig. Nýtist kannski ÍSÖLPURUM sem skíða bara í miðri viku frekar illa.
Góðu tíðindin eru að nú er Skálafellið opið í fyrsta skipti í 3 ár ef minnið svíkur mig ekki. Það eitt að lyfta skuli snúast þarna minnkar stórlega líkurnar á að skíðavæðið verði lagt af eins og í raun allt stefndi í.
Segi því bara: Skíðafólk til hamingju með daginn.
Kv. Árni Alf.
P.S. Blöskrar reyndar þessi aukafjáraustur borgarinnar út og suður.
http://www.mbl.is/frettir/innlent/2012/02/16/2_5_milljonir_vegna_opnunar_i_skalafelli/
Ársritið mitt hlýtur að vera á ferð um víðan völl. Er a.m.k ekki búin að fá það ennþá. Er von á þessu í pósti á næstunni? Eða slær það heimsmet eins og Bretarnir á Vatnajökli?
Kv. Árni Alf.
Pressan.is segir þá vera að koma alla leið frá Vestfjörðum eftir mánaðargöngu. Þeir lögðu reyndar af stað frá Kirkjubæjarklaustri, keyptu þar mat fyrir 15 þús. krónur 30 janúar s.l. skv. Twitter.
Dálítill krókur þetta þarna á Vestfirðina. Eða komu þeir við á Klaustri á leiðinni frá Vestfjörðum?
Þetta er jú heimsmethafi í löngum skíðagöngum svo maður veit ekki. En var hann með almennilegan gúmmígalla og í ull?
Kv. Árni Alf.
Las einhvers staðar að þeir hafi verið orðnir skrambi blautir. Svo rifnaði tjaldið í ræmur.
Mín litla reynsla er að ef menn eru ekki með þokkalegan gúmmígalla og talsvert af ull þar fyrir innan þá geta menn hreinlega lent í lífshættu vegna kælingar þegar það gerir almennilegt slagveður. Þá er lítið annað að gera en hringja í vælubílinn.
Tjöld eru líka afleit hugmynd í miklum vindi
Eitthvað gortex dót eða annað fokdýrt öndunarefni hefur ekkert í íslenskt slagveður að gera. Það bókstaflega rignir í gegnum þetta og þú kólnar hratt. Menn verða bara að læra að búa sig eftir veðri. Gúmmí og ull ef menn vilja klára langa jöklatúra.
Kv. Árni Alf.
1. feb. 2012 kl:14:00
Mikið snjóað hér í nótt. Ætti að vera næg mjöllin utanbrautar. Um að gera að nýta sér þetta. Gengur hér á með éljum. Gullfallegt inn á milli élja í sólinni. Skítviðri á morgun.
Kv. Árni Alf.
Föstudagur 27. Jan. Kl. 10:00
Nú er þreifandi bylur í Bláfjöllum og sjálfsögðu lokað eins og í áhlaupinu í gær. Ansi umhleypingasöm spá fyrir næstu daga og örlítil hlýindi. Já það er ekki heiglum hent að reka skíðasvæði hér á SV horninu þrátt fyrir nægan snjó.
Minnir dálítið á veturinn í fyrra. Þá var mesti snjór í a.m.k. áratug en lítið opið vegna umhleypinga.
Annars geta menn varla kvartað. Utanbrautarfærið hefur farið sífellt batnandi í rúma viku og endaði með púðri upp í mitti í fyrrakvöld.
Mikilli snjókomu fylgja gjarnan snjóspýjur af ýmsum stærðum og gerðum sem gott er að gefa gaum. Ekkert síður þessum litlu. Oft er erfitt að sjá þetta fyrir. Gerist á sakleysislegustu stöðum.
http://www.youtube.com/watch?v=Qrdxc8RMh8I
Kv. Árni Alf.
20. jan. 2012 kl. 22:00
Byrjaði að snjóa duglega og blása um níuleytið í morgun. Rétt fyrir hádegi slotaði úrkomunni og komið var allsvaðalegt nýsnævi, þrælfínt púður. Geggjað utanbrautarfæri.
Reyndar hafði snjóað svo duglega að þrjú snjóflóð höfðu fallið niður í skíðaleiðir á suðursvæðinu. Eingöngu eftir ca. tveggja tíma snjókomu og skafrenning. Þetta er ekki lengi að gerast. Sæmilega efnismiklar spýjur.
Þar sem flóðin höfu fallið var bara bert harðfennið eftir í hlíðinni. Vorum í kvöld að ýta við hengjum þarna á svæðinu. það hélt áfram að mygla niður í allan dag. Ef ekki hvessir of mikið ætti skíðafæri utanbrautar að haldast gott. Er hæfilega bjartsýnn.
Kv. Árni Alf.
Það er talsvert hagsmunamál fyrir skíðafólk á suðvesturhorninu þar sem meirihluti þjóðarinnar býr að hafa Skálafellið opið. Þetta snýst mest um fleiri opnunardaga þar sem Bláfjöllin eru viðkvæm fyrir austanátt. Skálafellið er að sama skapi mjög viðkvæmt fyrir norðanátt.
Brekkur Skálafells eru mun fjölskylduvænni og byrjendavænni og svæðið býður upp á miklu meira pláss. Lítið rými er einfaldlega vandamál í Bláfjöllum.
Mér finnst a.m.k. alltaf skemmtilegt að koma í Skálafellið. Gjörólíkt umhverfi.
Önnur vandamál fækka skíðadögum. T.a.m. þá er mikill vatnselgur þessa stundina í Bláfjöllum og vandkvæðum bundið að opna þó veður verði skaplegt. Slíkt held ég að sé ekki almennt vandamál í Skálafelli. Ágætt dæmi er að væntanlega verður lokað á morgun. Einn dýrmætur helgarskíðadagur þannig farinn í súginn.
En auðvitað snýst þetta um fjármuni þó ekki séu upphæðirnar háar.
http://www.mbl.is/frettir/innlent/2012/01/14/vilja_opna_besta_skidasvaedid/
Kv. Árni Alf.
P.S. Íslenskir skíðamenn hljóta að vera lélegustu lobbýistar í heimi miðað við hversu litlu þeir fá framgengt.
Það er náttúrulega grátlegt að loka svæði sem nýbúið er að leggja mikið fjármagn og vinnu til að koma í gott stand. M.a. hefur mikið púður farið í viðhald og yfirhal á skíðalyftum sérstaklega stólalyftunni.
Það eru nýkomnar snjógirðingar fyrir líklega tugi milljóna og því ætti snjór að vera mun tryggari en áður. Snjóleysi er a.m.k. ekki afsökun fyrir lokun svæðisins.
http://www.ruv.is/sarpurinn/frettir/12012012/lengsta-skidalyfta-a-landinu-stendur-ohreyfd
Kv. Árni Alf.
P.S. Kannast ekki við KRingar hafi byggt allar skíðalyfturnar (í sjálfboðavinnu). Þykist vita að þetta sé gert á vegum hins opinbera og fjármunir komi úr vasa skattborgara og skíðamanna.
Var að koma úr Skálafellinu. Þó um skíðasvæði sé að ræða þá er ekkert troðið þarna. Þetta telst því utanbrautar. Þarna er allt sléttfullt af snjó og fínt færi. Gilin alveg mögnuð.
Þarna var hæglætisveður meðan brjálað veður er í Bláfjöllum og lokað. Svona er þetta bara í austan átt. Ef svæðið væri opið væru þarna vafalítið þúsundir manna. Ekki hægt að segja að svæðið sé vel nýtt.
Kv. Árni Alf.
3 jan. kl: 11:00
Hörkugóður dagur í gær fyrir utanbrautarskíðun og veðrið maður. Enn ágætis utanbrautarfæri. Menn hljóta að finna þetta færi um allar trissur hér SV lands. Annars á eitthvað að bæta í vind í dag og á morgun verður líklega komin austan bylur. Færið á því eitthvað eftir að breytast, kannski til bara batnaðar.
Magnað að sjá sólina koma upp rétt sunnan við Surtsey. Fjallahringurinn bókastaflega logar.
Kv. Árni Alf.
Nýársdagur kl. 18:00 Það brast á með bullandi snjókomu ofantil í Fjallinu uppúr hádegi. Er aðeins farið að stytta upp núna. Vonandi einhver hafi notið nýsnævisins þó skyggnið hafi ekki verið upp á marga fiska.
Kv. Árni Alf.
PS Svo eru menn að tala um snjóframleiðslu
Nýársdagur kl: 12:30
Flott færi, púður hér yfir öllu. Reyndar er til léttara púður. Hefði mátt snjóa í kaldara veðri. Skyggnið reyndar hálf slakt í augnablikinu (ástæðan fyrir að ég er kominn í tölvu). Annars búið að vera brilliant en bara opið til 16:00. Eftir það er um að gera að skinna. Sama færi alls staðar í fjallendi á þessum slóðum.
Kv. Árni Alf.
Fimmtudagur 29. des kl: 10:00
Allsvaðaleg snjókoma og búin að vera í alla nótt. Púðrið sem allir hafa verið að bíða eftir. Sé nú ekki fram á opnun en örugglega gaman að fara út að leika seinni partinn eða í kvöld þegar birtir upp og lægir. Sýnist eitthvað skítviðri í spánni á morgun svo um að gera að nýta þetta. Eflaust talsverð snjóflóðahætta.
Kv. Árni Alf.
Mánudagur 26 des (annar í jólum).
Allsvakalega bætt í snjó hér yfir jólin. Þó lyftur verði lokaðar þá er nú aldeilis veðrið og snjórinn til að fara út að leika sér. Þeir sem vilja halda sig innan borgarmarkana þá eru lagðar skíðagöngubrautir um allt. Á Miklatúni, Fossvogsdal og Ægissíðu og líklega víðar.
Kv. Árni Alf.
Mátti nú varla við svona ádrepu frá Ívari í dag ofan á flensu og tannlæknatíma í dag. Hvað rekstur skíðasvæðanna varðar þá eru þau langt frá því að vera yfir gagnrýni hafin þvert á móti. Kannski best sé að einkavæða bara allt.
Ég held að eitt mesta mein samfélagsins er að menn sitja ekki við sama borð. Sama á við rekstur í hinum ýmsu atvinnugreinum samfélagsins. Í hótel- og veitingabransanum er mikil kergja . Flestir borga öll gjöld eins og lög gera ráð fyrir en aðrir koma sér hjá því. Og komast undarlega lengi upp með það. Þetta er náttúrulega algjörlgega óviðunandi staða fyrir heiðarlega aðila í greininni. Að hluta til virðist þetta líka eiga við ferðaþjónustuna. Hvernig er það rökstutt að sumir þurfi leyfi og borgi gjöld en aðrir ekki?
Hvað launagreiðslur varðar þá tíðkaðist það að borga mestan hluta tekna í dagpeningum. Þetta er víst mikið breytt en tiðkast þó enn hjá einhverjum fyrirtækjum.
Er eðlilegt að borga laun á þennan hátt og að þetta misræmi sé milli fyrirtækja? Mikill sparnaður fyrir viðkomandi en spurning hvort þetta sé eðlilegt.
Hvað er annars þetta gistináttagjald margar krónur á nóttina?
Kv. Árni Alf.
Þriðjudagur 20. des.
Seinni part sunnudags gerði hér mikla snjókomu. Um kvöldið blotnaði í þessu og fraus fljótlega saman aftur. Þarna er kominn góður grunnur og loksins hægt að skíða utanbrautar með einhverju öryggi.
Veðrið er eins og það er á SV horninu, lokað s.l. tvo daga, reyndar vegna ýtinga í gær ekki veðurs, en í dag náðum við að hafa opið frá 17-21. Engin svikin af því að mæta í Fjallið. Líklega lokað á morgun en við fáum bara enn meiri snjó í staðinn. Hér er ekkert staðviðri eins og í Hlíðarfjalli en á móti þá er náttúrulegur snjór utan sem innan brauta.
Kv. Árni Alf.
Þekki nú lítið til rót þessara mála. Hef nú almennt fundist greinin komast full létt frá því að borga í sameiginglega sjóði landsmanna.
Veit ekki hver hugmyndin eða rökin fyrir því að láta FÍ og Útivist ekki borga þennan skatt eru. Kannski Ólafur Örn Haraldsson forseti FÍ og formaður nefndarinnar sem samdi þetta kunni þessu betri skil.
http://f4x4.is/index.php?option=com_jfusion&Itemid=228&jfile=viewtopic.php&f=7&t=30782
Kv. Árni Alf.
Þetta er orðið allsvakalegt ástand. Það þarf annaðhvort að fara í Bláfjöll eða á hæstu jökla landsins til að komast á skíði.
Kv. Árni Alf.
P.S. Og það er snjólaust í Ölpunum!
Sammála Steinari. Er nokkuð fengið með því að loka sig af? Held að það hafi bara þveröfug og neikvæð áhrif. Svo nennir maður ekki að logga sig inn.
Kv. Árni Alf.
Frumraun mín að setja link inn á svona spjall. Annars er þetta grein sem birtist í Fréttablaðinu í dag. Sjáum til hvernig þetta gengur.
http://www.visir.is/breytingar-i-blafjollum/article/2011712159879
Kv. Árni Alf.
Er eiginlega viss um að þarna sé varla skíðafæri. Nema einhverjar örstuttar lænur. Það er andskotans engin skíðasnjór almennt í fjöllum á SV horninu. Hef verið með kíkinn á Botnsúlunum og á að líta er þetta hálf bert. Vona ég hafi rangt fyrir mér.
Kv. Árni Alf.
Það hefur þótt sjálfsögð kurteisi gegnum tíðina að biðja um leyfi a.m.k. láta vita af ferðum sínum. Sérstaklega ef menn fara gegnum bæjarhlaðið hjá einhverjum.
Sjálfsagt að halda við góðum venjum þó ekki sé þetta bundið í lög. Reyndar er fæst gagnlegt bundið í lög.
Sumt af þessu fer fram nánast í bakgarðinum hjá þessu fólki. Eðlilegt að láta vita af sér. Svalar forvitni bónda auk þess að vera öryggisventill fyrir t.a.m. klifrara. Svo er aldrei að vita hvaða fróðleik bóndi lumar á.
Kv. Árni Alf.
