Svör sem þú hefur skrifað
-
Svör
-
Iss þetta er nú ekki neitt. Hér í Bláfjöllum höfum við haft látlausa heiðríkju og blíðu undanfarið og hardcore snjó. Gamlir kallar kalla þetta harðfenni eða skara. Svona hardcore snjór krefst hardcore skíðamennsku.
Kveðjur að sunnan, Árni
Skrapp síðdegis á svæðið norður af Bláfjöllum og sunnan við Jósepsdal þ.e. Draumadal (Draumadalir?) og svæðið þar í kring. Ótrúlega skemmtilegt landslag og snjóþungt svæði. Eitthvað sem vert er að skoða og skíða.
Kv. Árni Alf.
Má minna á það í þessu samhengi að við séum öll „Fjallamenn“ er að Eyfellingar voru og vonandi eru (sem flestir) kallaðir Fjallamenn þegar þeir komu út fyrir sína heimabyggð. Maður undan Eyjafjöllum á sléttum Landeyjanna eða í Flóanum er ekki eins og hver annar maður. Hann er Fjallamaður; maður undan Eyjafjöllum. Hverjum dettur í hug að kalla Landeyjinga Fjallamenn? Jafnvel austur í Mýrdal þar sem eru há fjöll og hrikaleg gil þá eru Fjallamenn Fjallamenn og Mýrdælingar Mýrdælingar.
Kv. Árni Alf.
Er malbika á vegi hérlendis þá er kannski lágmarkskrafa að þeir hverfi ekki árlega vegna leysinga. Auk þess er venjulega lágmarkskrafa um að þeir séu færir allt árið. Til að þetta sé hægt þarf að byggja þá upp hafa þá mjög háa. Á mörgum svæðum hérlendis þarf gríðarlega varnargarða til að stýra jökulám og öðru leysingavatni. Þetta eru því mikil mannvirki sem krefjast náttúruspalla. Svona uppbyggða vegi þarf víða ekki erlendis auk þess sem þykkur skógur hylur vegina. Uppbyggður vegur hérlendis er einfaldlega landskemmd.
Nóg í bili.
Árni Alf.
Um leið og ályktað gegn nýjum Kjalvegi mætti álykta gegn uppbyggum vegi inn á Þórsmörk. Sá vegur er mun lengra komin en uppbygging Kjalvegar. Ég skrifaði grein í Moggann fyrir þremur árum um þetta og síðan hafa framkvæmdir legið niðri.
Enginn hefur samt treyst sér til að álykta gegn því að uppbygging vegarins verði kláruð. Þessi hraðbraut inn á Þórsmörk er enn á áætlun enda búið að úthluta til hans fé en ekki eyða því öllu. Ég held að það væri klúbbnum til sóma og eftir að álykta gegn uppbyggðri hraðbraut inn á Þórsmörk með tilheyrandi landspjöllum.Kv. Árni Alf.
Ef ég man rétt þá sýna nýlegar ritrýndar rannsóknir að Y litningurinn (karl er XY en konur XX) sé á fallanda fæti og muni hugsanlega hverfa í náinni framtíð. Þessi litningur er óttalega lítill og ræfilslegur samanborið við aðra litninga t.d. X litninginn. Karlkyns ÍSALP félagar munu því hugsanlega hverfa áður en langt um líður.
Þessi þróun mun væntanlega einfalda ýmis vandamál í nútíma samfélgi t.d. launmisrétti en ég er ekki viss um að það verði neitt skemmtilegra að lifa.Kv. Árni Alf.
Nei, nei ekkert verið að græja sig enda segir hvergi hér að ofan að umræddir skór séu ætlaðir á mig, enda svarin mótherji plastmengunar í þessum bransa. Hins vegar lélegt að Scarpa framleiði ekki leður telemarkskó lengur. Mætti halda að þeir væru á svipuðu umhverfisstigi og ríkisstjórnin. Dóri var að fara í Alpana og mátti ekkert vera að þessari vitleysu.
Kv. Árni Alf.
Ekki er öll vitleysan eins. Fór að skoða T-1 skóna mína betur. Á innri skónum eða sokknum stendur talan 12.
Á innanverðri skelinni stendur hægra megin; DX: 12 , vinstra megin stendur DX:11-13, á innanverðri tungunni DX: 11/13. Á hælnum stendur svo
T-1 11-12. Mér sýnist skóframleiðandinn ekki vera viss hvaða stærð af skóm þetta er eða getur einhver sagt mér hvaða stærð af skóm þetta er?Kv. Árni Alf.
Hef reynt að hafa auga með þessu. Hef stöðvað alla telemarkera og skoðað á hvernig skíðum þeir eru. Verst hvað það er margt um manninn.
Kv. Árni Alf.
Svona til fróðleiks þá heitir fossinn Drífandi. Hann hefur líklega verið að drífa sig niður.
Árni Alf.
Rétt hjá Ívari. Alls ekki sitja heima. Svona vetrarríki og fallegar aðstæður eins og oft eru í útsynningi (SV-átt) hef ég ekki séð langa lengi. Bjart og blind él til skiptis. Dragið fram
skíði, axir, skauta, skó
og njótið vetrar í púðursnjó.
Kv. Árni Alf.
Nennir ekki einhver að fyll inn í svo úr verði vísa.
Æ Bárður, mér líst ekkert á þetta. Bæði of nútímalegt og svo er búið að skera 75mm tána af manni. Ég finn hálfpartinn til. Svo er þetta orðinn einhver blendingur yfir í gömlu fjallaskíðin (alpine touring) hans Helga Ben. Væri nú samt gaman að sjá þetta í aksjón.
Kv. Árni Alf.
Hlýtur nú að vera mökkur af snjó þegar komið er upp á Jökul. Var ekki eitthvað á Útiveruvefnum um gríðarlegt púður á Mýrdalsjökli s.l. helgi. Annars búið að vera skemmtilegt púður í Bláfjöllum í dag og víða hörku fínt skíðafæri (síst neðst í Kóngsgilinu). Um kaffileytið var reyndar komið mikið kóf. Allt að smella saman. Fyrst það er snjór í Bláfjöllum þá hlýtur að vera snjór á Suðurjöklasvæðinu.
Kv. Árni Alf.
Það vantaði í lokin að lögregla bregst alltaf fljótt og vel við. Þarna sést að mönnum getur brugðist bogalistin þegar hugurinn fer hraðar en vélritunarhæfnin.
Hvernig beygjist annars sögnin að bregðast („við“) ?
Eru brögð í tafli?
Kv. Árni Alf.
Það er mikill fróðleikur í öllum Ísalp blöðunum, ekki síst þeim elstu en þá kom ritið út nokkrum sinnum á ári. Mér finnst ég rekast alltof oft á óþarfa vanþekkingu Ísalp félaga sem eru yngri en ég (líklega flestir). Væri ekki möguleiki að skanna þessi rit inn og gera þau aðgengilegri. Mér datt þetta í hug því inn í Gígjökli um daginn hafði ekki nokkur kjaftur lesið um Helga Ben. og fleiri skíða í „Hollywood þynnku“ niður Jökulinn. Ég heyri lítið af skíðamennsku niður Gígjökul þessa dagana.
Kv. Árni Alf.
Gott að sjá að menn hafi skoðanir á málinu. Ég er alveg sammála Kalla Ingólfs að árangri hefur verið náð í náttúruvernd með dýnamíti. Spurning hvort það verði þörf fyrir að nota það meira á næstunni. Ég held að það væri upphefð fyrir klúbbinn og honum til sóma að taka formlega afstöðu í þessu máli og kannski fleiri málum.
Kv. Árni Alf.
Kannski maður rol(l)ist til lesa nú Njálu í heild sinni í stað þess að lesa bara skemmtilegustu kaflana og gera sig að fífli hér á síðunni. Takk fyrir ábendinguna Örlygur.
Árni Alf.
Flúði Gunnar á Hlíðarenda ekki hingað til lands til að losna við svona ofríki annarra. Sá myndi nú aldeilis snúa sér við í gröfinni eða réttara sagt haugnum ef hann vissi hvað væri að gerast í Fljótshlíðinni og við Valshamar.
Kv. Árni Alf.
Þetta minnir einna helst á ástandið í Fljótshlíðinni þar sem eignamenn úr höfuðborginni sem hafa keypt hálfa Hlíðina og hindra aðgengi með keðjum og slagbröndum.
Maður má þakka fyrir að fá að vaða yfir Markarfljótið og aftur til baka án þess að fá kúlu í hnakkann.
Kv. Sannur sveitalubbi undan Fjöllunum
Áhugavert efni. Er nú skáður í þennan félagskap en ein spurning? Þóttist sjá einhverja hvalasporði á tjaldinu þarna á fundinum. Kannski hefur mér missýnst en barátta gegn hvalveiðum og náttútuvernd eiga enga samleið.
Ég er enginn stórvirkjunarsinni en mér sýnist að margir eru tvöfaldir í roðinu. Ég tek hér úrtak úr ræðu frá Pétri Blöndal (h) úr Sjálfstæðisflokknum, sem er að mínu mati sér ekki heiminn eða lífið réttum augum, en nota samt. Hann sem virðist hugsa bara í krónum hagnaði segir í ræðu á Alþingi
“ Þetta sama fólk og blæs lúðra gegn þvi að sökkva landinu byggir heilu húskofabyggðirnar inn á Þórmörk og vill uppbyggðan veg þangað“
Þegar Pétur Blöndal (h) skrifar svona þá hlýtur mörgum að blöskra.
Ísalp á að taka afstöðu. Menn eiga taka afstöðu. Það eru eingöngu aumingjar og smámenni sem ekki taka afstöðu.
Það er hins vegar lélegt að vera tvöflaldur í roðinu.
Kv. Árni Alf.
Hvaða væl er þetta eiginlega; „vonum að að tíðin fari batnandi heima á Fróni“. Tíðin hefur verið alveg ágæt a.m.k. snjóalega og skíðalega séð.
Hér í Reykjavík er þessa stundina meters djúpur púðursnjór svo þið gætuð alveg snúið aftur heim og kíkt í Ártúnsbrekkuna.
Ef útsynningurinn heldur sér á mottunni þá verður geggjaður dagur í Bláfjöllum í dag.
Kv. Árni Alf.
Það er náttúrulega ekkert skrítið að það kosti minna í Hlíðarfjall. Þarf ekki annað en líta á forsíðu Moggans til að sjá snjóleysið. Í Bláfjöllum er hins vegar varla hægt að opna vegna snjóþyngsla.
Hefur klúbburinn einhvern tíma gert einhvern afsláttar „deal“
á árskortum á skíðasvæðin?Kv. Árni Alf.
Verð nú að segja að maður er endurnærður eftir góðan dag á skíðum. Vona að Ívar, Steppo og öll hin hundruðin sem mættu í Fjöllin séu sama sinnis. Í morgun þótti ekki stætt á því að opna vegna manneklu en áhugamenn um skíðamennsku lögðust á eitt svo það tókst að opna.
Manneklan stafar af því að ekki eru til aurar til að borga fólki mannsæmandi kaup. Á meðan er öll Bláfjallnefnd (ca. 10 manns) í Frakklandi á einhverri sýningu. Sú ferð kostar eflaust einhvern skilding. Hverjir sitja í þessari nefnd eða hvert hlutverk hennar er hef ég ekki hugmynd um. Ég vinn bara í Bláfjöllum. Ég þykist viss um að þessum aurum væri betur varið í okkur sem látum hlutina ganga upp en einhverjum sem hvorki kunna á skíði eða vita hvernig skíðalyfta eða troðari virkar.
Kv. Árni Alf.
Nánast logn og sól skín í heiði. Færið fínt í Kóngsgilinu og þeir sem treysta sér geta farið út í djúpa hálfs meters mjöllina utan troðinna brauta, auðvitað á eigin ábyrgð. Nei án gríns færið er frábært bæði utan og inna brautar, eitthvað grjót neðst í gilinu. Ég finn að ég er farin að brenna all illilega enda sólin sterk.
Kv. Árni Alf.
