Telemarkfestival – keppnisreglur allir lesa !!!

[Goli]

Hinar hrikalegu og óhagganlegu reglur um samhliðasvig á Telemarkfestivali 2009:

1. Skráning hefst kl. 12:00 og lýkur kl. 12:45. Klukka keppnisstjórnar er alltaf rétt.

2. Keppandi skal mæta sjálfur á staðinn til að skrá sig, því keppni hefst fljótlega að lokinni skráningu.

3. Ekki er leyfilegt að skrá sig til keppni eftir að skráningu líkur (er það ekki augljóst).

4. Nöfn keppenda fara í pott og verður strax eftir skráningu dregið um það hverjir keppa á móti hverjum og í hvaða braut.

5. Keppninni verður strax í fyrstu umferð raðað upp þannig að gangi upp í tölurnar 2, 4, 8, 16, 32, 64….. þannig að ekki verði þörf á uppbótarmönnum. Þeir sem fyrstir skrá sig munu sitja hjá í fyrstu umferð gerist þess þörf, sjá þó um sigurvegara síðasta árs í lið 6.

6. Þeir keppendur sem seinastir skrá sig til leiks (ein kona og einn karl) lenda sjálfkrafa á móti sigurvegara frá árinu áður í fyrstu umferð. Sigurvegarar frá því í fyrra voru Böbbi og Berglind.

7. Ef keppandi er ekki kominn á svæðið þegar hann skal hefja leik, fellur hann úr keppni og sá sem keppa átti við hann kemst áfram í næstu umferð.

8. Í hverri beygju skal fara niður í Telemarkstellingu. Ef vafi leikur á að svo hafi verið gildir úrskurður keppnisstjórnar möglunarlaust og hananú!

Keppnisstjórn samanstendur meðal annars af fatlafólum með hækjur að vopni og óléttum konum á hormónatrippi þannig að mótbárur við ákvörðun keppnisstjórnar hefur afleiðingar sem engin leið er að taka ábyrgð á !!!!

Óskum öllum góðrar og skemmtilegrar keppni !!!!!!
Keppnisstjórn samhliðasvigs – HSG og vinir.

[0808794749]

Þýðir þetta að það má ekki svindla?
Og dómarar geta ekki tekið geðþóttaákvarðanir??
Hvað með að fara á svig við reglur?

Jæja.
Ég er samt viss um að þetta kemur ekki í veg fyrir ásakanir og væl.
Það er bara partur af samhliða sviginu.

[3110665799]

Hefndir Njarða!!!!

Það kemur sennilega ekkert í veg fyrir ásakanir og væl og hefur ekki þurft vanfærar konur á efnskiptum til þess, slíkan efnabúskap má finna í karlkyns keppendum einnig enda hafa verið veitt verðlaun fyrir kvennlega tilburði (sem höfundur hefur hlotið).
Það verða alltaf þjakaðar sálir sem hafa allt á hjálmum sér. Hér skapast vonandi svigrúm fyrir upprisu þeirra sem hafa ekki skilað sér á pall vegna ofangreindra eiginleika.

En það verður að virða að komið sé almennu skipulagi á þessa keppnisgrein mótsins að reynsla og þekking á sviði íslenskra raunvísinda séu virkjuð til annars en að hindra fallvötn.
Það er hinns vegar synd að sjá ekki metnað í því að koma svipuðu taumhaldi á hinn fólskulega og dólgslega sundknattleik. Var kominn í svipaðan farveg og samsvigið. Enda sýnist mér honum hafi verið breytt í glasalyftingar.

Ég hef alltaf verið voða veikur fyrir hafa hlutina wild samt þannig að snyrtimennskan sé í fyrirrúmi, eins Stuðmenn gerðu svo ódauðlega.
En þarna finnst farið öllu og skemmtilega og framar, svona eins og að hleypa þýskum verkfræðingum til við handrit að gamanmynd. Svona þema um að koma vísindalegri stjórn á ærsl og gamanleiki.

En elskurnar mínar mætum og megi sá skipulagðasti vinna!!

PS
En ef ekki tekst eins og stefnt er að má alltaf slá stöfum saman og góla „vanhæf keppnisstjórn“.

[Goli]

Í ljósi ofangreindra athugasemda hefur keppnisstjórn bæst liðsauki; tröllaukið heljarmenni sem gæta mun öryggis og almenns velsæmis á keppnisstað. Ofurhugi sem náð hefur hæstu hæðum og er þeim kostum búinn að geta gefið dóma um þátttakendur með sínum risavaxna þumli – upp eða niður!!!

Eins og fram hefur komið geta mótbárur við ákvörðun keppnisstjórnar haft slæmar afleiðingar, en það sem ekki kom fram var um hliðarkeppnisgrein sem má best lýsa sem „Epli handa kennaranum“. Það má sem sagt gleðja keppnisstjórn í því skyni að milda hana í dómum sínum, læt ykkur um að finna út úr því en keppnisstjórn finnst kakó, smákökur og herðanudd ósköp gott!

Lifi spillingin (uuuu… eða var það byltingin) !?!

[Höfundur]

Svör