Skammarbréf sem allir eiga að lesa !

[Robbi]

Um Hnappavelli !

Hnappavellir eru ókeypis, bændurnir rukka ekki fyrir aðstöðu og með góðri umgengni í framtíðinni fáum við kanski að vera þarna áfram.
Þó að það kosti ekki neitt þíðir ekki að mamma ykkar tíni upp ruslið eftir ykkur og gangi frá öllu, nei þið verðið að gera það sjálf.
Það er gott og gilt að grilla, en einnota grillið hleypur ekki í ruslatunnuna sjálf eftir notkun. Ég tók saman meira en 10 einnota grill sem einhverjir bjánar (taki það til sín sem eiga) hentu ekki í ruslið.
Eitthvað bar á því að menn slysuðust til að henda rusli ogan í matarpoka hjá mönnum…m.a.mér og gekk þetta fram úr öllu þegar matapoki nokkur fullur af mat hvarf (sennilega í ruslið því hann var orðinn fullur af rusli). Þetta má bæta með því athuga hvað er í pokunum áður en hent er í hann.

Auk þess var rusl á svæðinu, bjórdósir ofl. Pokafjöldinn var svo mikill að það hefði örugglega borgað sig að panta ruslabíl frá Höfn. Það er heldur ekki nóg að bara henda í ruslapokann sem einhver kom með heldur verður faður að keyra með hann í Freysnes, eða þar sem ruslagám er að finna, og handa honum.

Það eru allir velkomnir á Hnappavelli…ef þeir drullast til að ganga frá eftir sig.

Tökum höndum saman, göngum vel um og sýnum tillitssemi. Það er okkar hagur að ganga vel um, ef við gerum það ekki geta bændurnir tekið þessi hlunnindi.

Þetta skammarbréf er til þeirra sem eiga í hlut (sem eru alls ekki allir) og ég bið hluteigendur vinsamlegast um að bæta ráð sitt.

Kveðja:
Robbi…óendanlega fúll á móti.

PS. Vil minna alla þá sem eiga eftir að borga KAMARGJALDIÐ að borga það, jú það þarf víst að viðhalda honum og borðunum fínu sem við notum.

……………pís át

[0203775509]

Heyr, heyr Robbi!

Góð helgi á völlunum en lélegt að skemma hana með að ganga illa um. Þessi velvilji bænda og aðstaðan á Hnappavöllum er ekki sjálfsögð.

há

[2806763069]

Ótrúlegt!

Spurning hvort ekki eigi bara að skilda menn til að hafa mömmu sína með á Hnappavelli.

Hvar er Kamargjaldið greitt?

[Anonymous]

Ég var ekki á staðnum svo ég tek ekki þetta MJÖG svo þarfa bréf frá Robba til mín en menn(og konur) verða að skila það að þegar maður kemur út í náttúruna þá er maður ekki á útihátíð þar sem öllu rusli er hent á hægri og vinstri hönd eftir þörfum.
Spurning hvort það sé hægt að koma upp löggæslumyndavélum þarna?

[Siggi Tommi]

Usss, ljótt að heyra.
Ég lofa að ég skildi ekkert eftir þarna enda ekki á staðnum…

[2005774349]

Þeir sem hafa áhuga á því að borga kamar og viðhaldsgjald vegna aðstöðunnar á Hnappavöllum,
geta millifært 500 krónur á reikning Klifurfélags Reykjavíkur,
0111-05-274410
kt. 410302-3810
og skrifað með sem skýringu KAMAR.
Klifurfélagið heldur svo utan um sjóðinn og bl.a. borgar nýja borðið og fleira tilfallandi.

Gott klifursumar,
Hjalti Rafn Guðmundsson.

[0203775509]

Úpps, ég var þegar búinn að millfæra fyrir tvo 1þaus á reikning ÍSALP, merkt KAMAR og Hvítasunnuhelgi. Gjaldkerar félaganna geta kannski sammælst um að koma þessu á réttan stað?
há

[Höfundur]

Svör