Sérfræðingar í Intersport

[0304724629]

Ég vissi ekki hvort ég átti að hlægja eða gráta þegar ég las útivistarviðaukann sem barst með Mogganum í gær. Þar er viðtal við ,,útivistarsérfræðinga“ í Intersport um helstu græjurnar í bransanum s.s. jakka með ,,vindbremsu og göngustafi sem ,,eru algjörlega nauðsynlegir“ því þú brennir meira en þreytist minna!!!

Um Gore Tex hafa félagarnir eftirfarandi að segja: ,,Öndunin í gegnum úlpuna er meiri eftir því sem goritexfilmurnar eru fleiri. Úlpa með einu filmulagi er fín ef þú ætlar að rölta um Heiðmörkina, tveggja laga goritexfilma er fín upp til fjalla fram eftir hausti…en í úlpu með þremur lögum ertu fær í flestan sjó hvenær sem er.“
Þvílík vitleysa!
Þeirra vegna vona ég að hér sé við blaðamanninn að sakast. Ef ekki, vona ég að yfirmaður þeirra lesi ekki viðtalið við þá félaga.

rok

[0311783479]

hehehe nokkuð gott. Í framhaldi af þessu man ég eftir sögu (sönn eða ósönn) af ónefndum klifrara sem var í þessari ágætu búð og sá fyrirtaks hnetusett á karabínu og spurði „útivistarsérfræðinga“ búðarinnar hvað hann þyrfti að gefa fyrir gripinn. Leit sérfræðingurinn á hnetusettið og karabínuna og sá að á karabínunni var verðmiði upp á nokkur hundruð krónur, og tjáði klifraranum að þetta væri það sem keisarans væri, þe. nokkur hundruð krónur fyrir hnetusettið + karabínuna. Væntanlega hefur klifrarinn þurft að halda niðri í sér hlátrinum um leið og hann reiddi fram það sem keisarans var.

Eftir þetta magnaða viðtal þá fer ég að hallast að því eð nokkurt sannleikskorn kunni að vera í þessari þjóðsögu af klifraranum.

Góðar stundir
Halli

[Höfundur]

Svör