- This topic is empty.
-
Svör
-
Fórum þrír hressir (ég, Robbi og Guðjón Snær) í Eilífsdal í ískulda og mannaskítsveðri og fórum þar nýja leið hægra megin við Þilið. Hafa einhverjir horft til hennar hýru auga í gegnum árin en ekki er vitað til að hún hafi verið reynd áður.
Fékk hún heitið Ópið og gráðast WI5+/6, M5 ca. 95m.Ég beilaði á leiðslu seinni spannarinnar eftir að hafa komið öxinni í dingludanglið. Þar sem næsta brúklega trygging var ca. 5m til hliðar við mig og fáránleikinn í hreyfingunni yfir í kerti’ með eindæmum bugaðist mitt meyra hjarta og ég bakkaði niður. Var með ömurlega grjóttryggingu fyrir framan mig en hún hefði ekki haldið blautum skít í poka svo ég bakkaði niður í skrúfuna og seig niður (tryggingin poppaði svo út um leið og línan strekktist á henni).
Róbert, sem þekktur er fyrir að hafa enga skynjan á virði lífs síns og lima spreytti sig svo í kjölfarið og tókst af mikilli snilli að jóðla sér upp á topp í eins hvössu veðri og við höfðum nokkurn tímann lent í í ísklifri.
Við Guðjón eltum svo upp án stórvandræða þó þetta hafi verið megafunky, ógeðslega pumpandi og með freðna fokkíngs putta.
Síðustu hreyfingarnar upp á brún voru steiktar og fjúkið svo mikið að ég klifraði síðustu 5 hreyfingarnar með lokuð augun. Geri aðrir betur…
Sjá nokkrar myndir á:
http://isalp.is/route.php?op=p&t=1#g1
Annars kemur meira hresst efni á Picasa síðuna mína í vikunni.Til hamingju með þetta strákar massa flott leið. En það voru fleyri sem fóru í Eilífsdalinn í dag ég Doddi og Örvar. Firsta planið vara að fara inn í Brinjudal og klifra Ýring en var hann ansi íslaus þannig að við brunuðum inn í Eilífsdal þar sem ís var pottþétt að finna. Tríó varð fyrir valinu og var það í ágætis kertuðum aðstæðum. Semsagt tær snild : )
Kv Danni
Geðveikt, til hamingju. Fannst reyndar ólíklegt að menn hefðu skellt sér í Humarveisluna miðað við að stormkúfurinn yfir Esjunni var svo ógurlegur í morgun að lítil börn fóru að grenja.
Fannst ykkur þetta of létt til að fara í góðu veðri eða?
Hardcore stöff.
SF
Sæmilega gert. Hefði reyndar sjálfur gert þetta aðeins öðruvísi. T.d. ekki sneitt svona mikið framhjá kertinu. Hefði klifrað það allt. Þetta kemur allt með æfingunni strákar.
Kv. Árni Alf.
Sælir og til hamingju með leiðina strákar. Er ég að verða of soft eða var Palli eitthvað með í ráðum þegar leiðin fékk gráðu??? Mér sýnist þetta á myndum vera solid 6-a ef ekki meira!!!
OlliHahaha… „Róbert, sem þekktur er fyrir að hafa enga skynjan á virði lífs síns og lima spreytti sig svo…“ Robbi kallar ekki allt ömmu sína í þessum efnum, það er ljóst. En þið eru allir snillingar, vel af sér vikið. Gaman að fá svona harðkjarnaleið í flóruna.
Þumlar upp!!
Jæja, hættið að ýta á F5 krakkar því biðin er á enda.
http://picasaweb.google.com/hraundrangi/OpiIEilifsdal#67 myndir af æði misjöfnum gæðum en stemning í þeim öllum og textarnir vonandi sæmilega hressir.
Verðið að lifa við það að ansi margar þeirra eru keimlíkar en það var bara allt of erfitt að velja úr þeim rúmlega 200 sem voru teknar þennan daginn.
Tvær litlar athugasemdir við leiðarvísinn sem þú gerðir.
Það sem þú kallar directinn af Einfara hefur gengið undir nafninu Tvífarinn og er alveg örugglega 4.gr og jafnvel nokkuð stíf fjórða (ég datt meira að segja í henni þegar ég var lítill). Er reyndar ekki með neitt á prennti þessu til staðfestingar en svona var alltaf talað um leiðina, back in the days!
Þið eruð helvíti sterkir en mér finnst samt alveg borderline að setja bara WI 5 á Þilið. Leiðin hlýtur amk að vera 5+ jafnvel þó að maður sé að tala í P-gráðum.
Annars suddalega flott hjá ykkur, eins og svo oft áður!
Kv.
Softarinn, meirari og meirari með hverjum deginum!
Þetta er rétt hjá þér Ívar. Leiðin Tvífarinn er hægra megin í stálinu þegar maður kemur upp í Einfarann. Hún var frumfarin af mér og Magnúsi Gunnarssyni á árunum 1991-1992. Einfarinn er lang oftast farinn beint upp(eða leiðin til hægri í Y sem var á myndinni). Að fara vinstra megin er ekki oft gert þó maður hafi heyrt um það. Það er ein leið sem vantar þarna, það er leiðin á Eilífstind sem farinn var fyrir margt löngu af Palla, Hallgrími og ?? Palli getur sagt betur frá þeirri reynslu sem var víst svolítið krassandi ef mig minnir rétt.
Hæ
Þetta er athyglisvert, ég hef lengi brotið heilann um það hvar þessi svokallaði „Tvífari“ væri niður kominn. Nú veit ég að það sem ég hélt að væri Einfarinn er í raun og veru Tvífarinn, magnað!
Jólaklifur Ísalp 2007 hefur þá verið í tvær útgáfur af Tvífaranum, enda skiptist þessi efsta ísspönn í tvö algerlega aðskilin þil þann daginn. Þau voru svosem engar 3. gráður heldur. Reyndar hefði heitið „Eplatréð“ verið nær lagi þennan hrollkalda desemberdag, enda dingluðu menn af hverri grein eins og ofþroskaðir ávextir.
Merkilegt þykir mér líka að Ívar telur Þilið vangráðað. Ég stóð í þeirri meiningu að Þilið væri benchmark fimma, sem allar aðrar fimmur á Íslandi ættu að miðast við.
Skalinn í hausnum á mér var orðinn e-nvegin svona:
Skítlétt: 3. gráða
Strembið: 4. gráða
Drullustíft eins og Þilið: 5. gráða
Erfiðara en Þilið: líka 5. gráðaEkki furða að maður skíti í brækurnar þegar maður heyrir minnst á 5+, hvað þá 6!
Allez!
Ska
- You must be logged in to reply to this topic.