Kaldakinn og Tröllaskagi

[Jokull]

Aðstæður á Norðurlandi eru með betra móti en þó mætti ísinn vera aðeins þykkari á láglendi.
Kaldakinn fékk heimsókn á föstudaginn síðasta. Sjá nýjar ís leiðir hér á síðunni.
Aðstæður í auðveldari leiðunum voru ágætar en það vantaði 1-2 daga uppá að fullorðinsleiðirnar færu úr 6+ gráðu í eitthvað aðeins notendavænna. Það var hinsvegar hörkufrost og það mátti sjá mun á svæðinu frá morgni og fram á seinni partinn. Vek athygli á því að það er fjöldinn allur af óförnum leiðum á þessu ótrúlega magnaða svæði.

Á laugardaginn bættist svo ný leið við í skemmtilegt safn leiða á N. Fési Búrfellshyrnu en þar eru aðstæður í þurrari kantinum. Ormapartí er í mjög góðum aðstæðum en Ósk Norðfjörð er nánast íslaus í lykilhaftinu.

Allar ísleiðir frá Super Dupont suður að Skota leiðunum í Skíðadal eru í aðstæðum.

Vek athygli á því að snjóalög eru ekki mikil en vægast sagt viðkvæm með misþykkum, mjög hörðum vindflekum í NE hlíðum.

Fjallakveðja

Jökull Bergmann

[Höfundur]

Svör