- This topic is empty.
-
Svör
-
Hæ,
nú þykist ég vita að þónokkrir séu spenntir fyrir leikaraskap þessa helgi, enda fyrsta frysta helgin sunnan heiða það sem af er þessum vetri. Lítið hefur þó spurst af aðstæðum enda fáir verið á ferli, eða hvað?
Ef einhver veit eitthvað um eitthvað, snjóalög eða ísaðstæður, væri alveg kjörið að fá að vita af því núna til að fækka fýluferðum.
Hvert eru menn annars að stefna um helgina?
Skarðsheiði, Múlafjall, Eilífsdal, Tindfjöll eða Ísafjörð?
Við ætlum nokkir í Múlafjall á sunnudag, klifrað verður í ís ef hann er til staðar, mixað ef ísskán er til staðar, en þurrtólað ef engin ís er til staðar.
jább, held að við Gummi Dúllari kíkjum í Hvalfjörðinn að kanna.
Haukur Grönli ætlaði svo að láta sjá sig einhversstaðar líka.Meira á morgun.
F.
Ich, Marianne, Ágúst Þór og Kjarri sportrotta fórum í Tvíbbann í dag og það var tóm hamingja.
Reyndar ansi blautt efst í Ólympíska og vantaði efst í Símans en þá var bara klifrað upp í efsta bolta.
Einnig fengu HFF og Verkalýðsfélagið heimsókn.Múlafjallsliðið beilaði til okkar og átti með okkur góðan dag.
http://picasaweb.google.com/hraundrangi/TviburagilNovember2009#
Ferskar myndir úr Tvíbbanum í gær.Tvíburagil Búahamra virðist hafa haft vinninginn um helgina, alla vega hvað ásókn varðar.
Í gær, laugardaginn ferðbjuggumst við Haukur og Gummi T og settum markið á Hvalfjörðinn. Þegar undir Múlafjall var komið var tekinn upp farsími og hringt í í liðið sem ætlaði beina leið upp í Búahamra.
Þótti okkur ástæða til þessa þar sem ís var af skornum skammti á þeim slóðum sem við vorum á og þó sínu mestur í Rísanda, og var hann þó vart nógur til klifurs.
Aðvífandi komu að okkur menn sem hugðust aka inn í Villingadal og taka þar stöðuna. Ekki heyrðist meira af þeirra ferðum þann daginn.
Úr því sem komið var, var ákveðið að taka rútuna til baka og fara út á stoppistöðinni við Tvíburagil og sameinast þeim sem þar voru komin. Það voru því sjö klifrarar að í Tvíburagilinu á laugardag og skapaðist hin prýðilegasta stemming í þessu áður óþekkta sósjal sporti.Af meiri sósjal stemmingu.
Í dag, sunnudag, var annar eins hópur að störfum í Tvíburagili og síst verri. Þar voru mættir til leiks undirritaður, Guðmundur Tómasson, Robbi, Guðmundur Helgi ásamt félaga, Viðar, Marianne og Ívar.
Ís og reyndar pínulítið af bergi var mulið og klifið fram að myrkri, en þegar hópurinn var á niðurleið birtust tveir Teymisfélagar sem fluttu þunnar fréttir úr Kjósinni en hugðust ná einhverjum klifurmetrum þennan dag, þó dagsbirtan væri nánast að þrotum komin.Búahamrar: Þunnt, en boltað og ísskyggni að myndast
Hvalfjörður: Þunnt
Eilífsdalur: ?
Villingadalur: ?
Grafarfoss: Varla
Óríon: Jafnvelkv,
Freyr
Rúntuðum inn í Skíðadal um helgina, þar er ís ansi þunnur, vantar töluvert uppá að Du point nái saman. Enduðum á að klifra í Öxnadal. Þar var ágætis ís og skemmtilegasta klifur
kv. Berglind og Arnar
Fór með Szimon pólverja í Búahamra í morgun og klifruðum þar 55°. Ísinn var góður að mestu leyti en það rigndi yfir okkur bræðsluvatn eins og hellt væri úr fötu. kv. Birgir
Fórum þrír saman (undirritaður, Addi og Ingvar) í Spora, það var vel blautt en ísinn greinilega að gerð Mjúkís, hugsanlega er byrjað að búa til jólaísinn… Semsagt heitt og blautt!
Fór ásamt Robba og Danna kúlu í Haukadal yfir helgina.
Gistum í góðu yfirlæti að Stóra-Vatnshorni að vanda og stemmarinn rífandiFórum með bjartsýnina að vopni í Skálagil á laugardeginum en þar virðist ekki hafa vantað frostið en vatnið sennilega frekar. Þennan dag var reyndar 4-5°C sem er með mesta móti fyrir þetta sport en það slapp til.
Trommarinn var langt kominn með að myndast en annað heldur í þynnri kantinum. Aumir fingur (WI3-4) hægra megin í gilinu var með þokkalega mikið af ís og fékk heimsókn en var helvíti blaut. Engar aðrar leiðir hægra megin voru í aðstæðum en stutt í að Arctic Storm kæmi inn (hefði verið klifranlega fyrir harðhausa en var orðin mega bráðin frá klettinum og því vafasöm).
Eftir hádegið fórum við svo frábæra leið næst vinstra megin við Trommarann og heitir hún Sharpening your teeth. Ágætis ísmagn í neðri 2/3 sem svo þynntist í skæni og smákerti og endaði í um 5m þurrum strompi sem var mikil upplifun að brölta. Frábær leið með ca. WI5 klifri og M5 mixi. Sennilega hefði verið hægt að klifra Traktor og Í fótspor fræðimanns þarna vinstra megin í gilinu en þær voru í þynnra lagi og hefðu falið í sér eitthvað mix og etv. tæpar tryggingar.
Það er kominn tími á að endurnýja sigakkerið. Það er orðið vel ryðgað og mikið suffer að draga línuna í gegnum augun tvö. Næst verður rokkurinn tekinn með og sett eins hrings akkeri.Lok dagsins vörðum við í að skópa út aðstæður utar í dalnum. Sáum að
það var töluvert meira af ís í Bæjargili, Svellagjá og Stekkjargili.
Renndum yfir að Austurárdal og horfðum þangað inn með kíki en þar var ís mjög stutt á veg kominn. Þarf örugglega mánuð í viðbót og var því ákveðið að fara í Stekkjargil í dag.Vöknuðum hressir og mættum upp í Stekkjargil skömmu eftir birtingu. Veðrið var frábært, rétt kringum núllið þarna uppfrá, heiðskírt og bjart. Fórum þar leiðina Aðrein (WI5) í skemmtilegum aðstæðum, aðeins blautum en nóg af ís. Fórum svo ofar í gilið og skoðuðum. Þjóðvegur 66 var klifranlegur en ekki samfelldur og því frekar erfiður líklega. Mjóa leiðin vinstra megin við hann (ekki í leiðarvísi) var blaut en klifranleg og með nóg af ís. Fjölmargar leiðir í léttari kantinum ofar í gilinu voru bunkaðar af ís og erfiðu (óförnu?) leiðirnar efst til vinstri voru komnar með voldug kerti og orðnar spennandi.
Völdum að fara leiðina Frárein (WI3) og halda áfram alveg upp á brún. Efri parturinn er ekki í leiðarvísinum (stóri fossinn efst í gilinu, sem nær upp á brún) en hún hefur oft verið farin er ég viss um (Skyler/Bjöggi/Skabbi held ég um árið og gömlu kempurnar án efa í denn). Er til nafn á þennan foss?
Fórum þarna mello erfitt afbrigði upp miðjan fossinn, teknískt WI5 (hefði hugsanlega verið hægt að þræða sig upp WI4/4+ í sitt hvorum jaðrinum). Fullt af massagóðum og þéttum ís, fullt af regnhlífum og kertum – s.s. tóm hamingja. Minnti á efstu spönnina í Þilinu fyrri part vetrar.
Kölluðum þetta dag að þessu loknu enda farið að rökkva.En s.s. þá er Hamrasvæðið (Stekkjargil, Svellagjá og Bæjargil) í hörkuaðstæðum þó ekki séu allar leiðir orðnar feitar og óhætt að mæla með að menn leggi leið sína þarna uppeftir á næstunni því fá önnur svæði virðast vera í aðstæðum. Robbi póstar vonandi myndum af þessu fljótlega.
TU þá eru ekki nema 140-150km þarna uppeftir frá Sódómu.setti nokkrar myndir inná http://www.climbing.is undir „Fyrsta ísklifur vetrarins“ Fyrir þá sem hafa áhuga.. þetta er nú bara úr Spora í gær.
-Gummi St.
- You must be logged in to reply to this topic.