Innandyra ísklifur

[0509792969]

Halló

ég er að gera verkefni í HR sem gengur út á að gera viðskiptaáætlun fyrir fyrirtæki. Okkar hugmynd er rekstur ísklifurhúss sem rekið yrði allt árið, þar sem yrðu fullkomnar aðstæður til ísklifurs með fjölbreyttum veggjum. Hversu margir ætli kæmu til með að nýta sér svona hús?

[Arnar Jónsson]

Ef það að geta stundað þetta reglulega án þess að borga svífandi háar upphæðir fyrir væri mögulegt, þá mundi ég ekki láta mig vanta og flestir sem eru í þessu klúbb væntalega ekki heldur.
Þar sem við flest vitum að það er ansi erfit að æfa ísklifur örðuvísi en að klifra ís, þó aðstæður til að æfa drytool innandyra sem utan hefur hljálpað töluvert í þeim efnum.
Aðstaða þar sem hægt sé að æfa og stunda ísklifur allan ársins hring mundi svo sannlega vera snilldar fyrirbæri fyrir okkur ísalpara.
Þó yrði sennilega erfit að reka slíkt batterí, þar sem húsnæði og kostnaður að kælikerfi o.s.f.v. yrði sennilega mikill.

Kv.
Arnar

[0304724629]

Ég vona að þetta sé ekki öll rannsóknarvinnan að baki verkefninu. Pósta á Ísalp og kalla það feasibility study…! Gangi þér annars vel.

[0509792969]

Nei við erum að skoða fleira. Þetta er nú ekki fyrirtæki sem við gerum ráð fyrir að verði stofnað.

[Sissi]

Sko, ég myndi byrja á að redda mér tölum sem gætu gefið einhverja vísbendingu.

Veit ekki nákvæmlega hvað félagar ÍSALP eru margir, skjótum á svona 2-300, af þeim stunda ekki næstum allir ísklifur.

Fjöldi á ísklifurfestivölum klúbbsins hefur rokkað frá svona 15-40 síðustu árin myndi ég halda. Aktívir ísklifrarar eru ekkert rosalega mikið fleiri en efri mörkin á þeirri tölu. Kannski 50% max.

Inniísklifurkvöld eru einu sinni í viku í Klifurhúsinu, kick off fyrir það er á föstudaginn, veit ekki hvað margir hafa verið að mæta, en 10 manns væri rosa fín mæting á venjulegu slíku session-i hugsa ég.

Af þessu sést að líklega væri alltaf málið að reka svona aðstöðu í samkrulli við skylda starfsemi, eins og Klifurhúsið og Ísalp gera í dag. Kannski bæta við og gera meira úr þessu.

Sérstök ísklifuraðstaða væri líklega hentugri útivið, eins og var með turninn í Grafarvogi. Þar er kostnaður nánast enginn, þarf bara frost úti, skrúfa frá vatnskrana og stinga kastara í samband.

Þessi sena er varla nógu stór til að bera eitthvað svakalegt.

Svo mætti líka rifja upp hugmyndina sem einhver var með (Helgi Borg?) að skella einni götóttri reykjalundsslöngu fyrir ofan norðurhlíðina á Úlfarsfelli, ég myndi persónulega stunda það.

Vona að þetta hjálpi þér eitthvað.

Sissi

[0509792969]

takk fyrir þetta

[0801667969]

Get ekki séð að þetta gæti verið sjálfbært nema allir ísklifrarar vinni hjá einhverri skilanefndinni. Menn hafa verið duglegir að reikna út að hitt og þetta geti gengið sjálfbært, staðið undir sér. Raunin er að oft hefur þetta að lokum lent að mestu á herðum ríkis og bæjar. Óháð sjálfbærni þá hefur áætlanagerð á Íslandi nánast verið marklaus hingað til.

Menn fundu það t.d. út með einbeittum vilja að hafnargerð á Bakka væri alveg stórsnjöll hugmynd. Menn eru nú þegar komnir á annan milljarð fram úr áætlun og ekkert lát á rugli í rekstri hafnarinnar. Rekstur hins algeðveika tónlistarhúss getur t.d. ekki hafist nema fram komi tæpur milljarður aukalega frá skattborgurum. Það var fundið út að yfirbyggt skíðahús í Úlfarsfelli væri fýsilegur kostur. Veit lítið meira.

Raunhæfar áætlanir er eitthvað sem virkileg þörf er á í samfélaginu. Ég er því ekki að gera lítið úr þessu tiltekna verkefni en vona að það verði vel unnið. Nýjar hugmyndir eru alltaf nauðsynlegar og ýmislegt svo sem gengið upp sem engin hafði trú á.

Á reyndar leið í frystihús Hvals í Hafnarfirði næstu daga. Hafa menn eitthvað velt fyrir sér að koma upp aðstöðu á slíkum stöðum? Veit annars lítið um frystigeymslur nema að það er frost þar inni allan ársins hring.

Kv. Árni Alf.

[Höfundur]

Svör