Hvar má ég tjalda?

[kgb]

Er að velta einu fyrir mér svona í byrjun sumars.

Þekkir einhver hver hérna hver réttur almennings er til að tjalda utan viðurkenndra tjaldsvæða og þjóðgarða? Má ég planta mínu tjaldi innan girðingar eða verð ég að halda mig víðs fjarri allri mannabyggð og skepnum?

Kveðja,
Kristján G.

[2409632139]

Skoðaðu náttúruverndarlög, slóðin er http://www.natturuvernd.is/frames.htm
og þetta eru greinar 20-21. Set textann hér líka:

20. gr.
Heimild til að tjalda.
Við alfaraleið í byggð er heimilt, sbr. þó 2. málsl. 1. mgr. 14. gr., að tjalda hefðbundnum viðlegutjöldum til einnar nætur á óræktuðu landi, en leita skal leyfis landeiganda eða annars rétthafa áður en tjaldað er nærri bústöðum manna eða bæ og ætíð ef um fleiri en þrjú tjöld er að ræða eða ef tjaldað er til fleiri en einnar nætur.
Við alfaraleið í óbyggðum, hvort heldur er á eignarlandi eða þjóðlendu, er heimilt að setja niður hefðbundin viðlegutjöld.
Utan alfaraleiðar, hvort heldur er á eignarlandi eða þjóðlendu, er heimilt að setja niður göngutjöld nema annað sé tekið fram í sérreglum sem kunna að gilda um viðkomandi landsvæði.
Á ræktuðu landi, sbr. 7. tölul. 3. gr., má aðeins slá upp tjöldum með leyfi eiganda þess eða rétthafa.
Við tjöldun skal ætíð virða ákvæði 17. gr. um bann við akstri utan vega, svo og gæta fyllsta hreinlætis og varúðar á tjaldstað.

21. gr.
Takmarkanir á heimild til að tjalda.
Þegar sérstaklega stendur á getur eigandi lands eða rétthafi takmarkað eða bannað að tjöld séu reist þar sem veruleg hætta er á að náttúra landsins geti beðið tjón af.
Hafi eigandi lands eða rétthafi útbúið sérstakt tjaldsvæði á landi sínu er honum heimilt að beina fólki þangað og taka gjald fyrir veitta þjónustu þar.

[kgb]

Þakka svarið Steinvör. Mér var ekki kunnungt um vef Náttúruverndar ríkisins. Nákvæmlega það sem ég var að reyna að finna.

Alveg magnað. Fæ svar klukkutíma eftir að ég setti inn spurninguna á vefinn.

Kveðja,
Kristján

[Höfundur]

Svör