Hvalfjörðurinn í dag fimmtudag

[0311783479]

Ég og Þorvaldur Gröndal fórum í Hvalfjörðinn í dag. Þar er vægt til orða tekið ís. Eilífsdalurinn virkaði hnausþykkur frá vegamótunum Miðdalur/Kjós. Múlafjallið var magnað, ís út um allt. Kíktum ekki á Glymsgilið en ekki kæmi á óvart ef sömu sögu væri að segja þaðan. Við enduðum í Brynjudal, þar voru fyrstu tvo íshöftin í Ýringi þunn (séð frá veginum) en hin virkuðu ágæt. Nóg af ís í Flugugilinu ásamt massífri hengju yfir Óríon, virtist þó sem eitthvað væri hann tæpur á að ná saman.
Við fórum í klettana vestan við Flugugilið, ca. 750m-1km til vesturs, þar var nógur ís í hverri einustu lænu. Man ekki eftir að hafa séð svo mikinn ís þar áður (minni mitt nær nú ekki langt aftur ;o). Völdum eina lænuna og klifruðum, 85-90m löng þægileg þriðja gráða með 15 metra 85° hafti í lokin. Nú er bara spurning hvort hún hafi verið klifin og hvort margar af þessum lænum hafi verið tæklaðar? Sáum ekkert í leiðarvísnum góða, þótt kominn sé nú nokkuð til ára sinna.
Ef hún hefur ekki verið klifruð áður þá nefnum við hana Skítbuxa, því þegar sporgöngumaður í fyrri spönninni kemur í stansinn tjáir hann makkernum að „blökkumennirnir“ séu farnir að gæjast út, fátt var því til ráða en að „hægja“ á sér þarna í stansinum meðan félaginn leit fjallasalina augum. Gengið var tryggilega frá afurðunum þannig að siðferðisvitund annara klifrara ætti ekki að vera misboðið. (Hver og einn verður að gera upp við sig hvort nokkurt sannleikskorn leynist í þessu eður ei).

Enginn ætti því að láta sig vanta í Hvalfjörðinn næstu daga.

Góðar stundir
Halli

Ps. Heiðarleg tilraun var gerð til að setja mynd af Múlafjallinu inn sem forsíðumynd fyrir föstudaginn en það klúðraðist vegna „tæknilegra örðuleika“ :o(

[0311783479]

Tekið skal fram að „tæknilegu örðuleikarnir“ voru ekki „tæknilegs“ eðlis heldur meira „letilegs“ eðlis. Lofa bót og betrun, hendi einhverjum inn í kvöld.
-vefnefnd

[Siggi Tommi]

Glæsilegt að fá fregnir af þessu.
Fórum fyrir 2 vikum síðan í Múlafjallið og þá var það nokkuð gott gæti ég trúað. Reyndar mjög mikið af ansi skuggalegum íshengjum fyrir ofan flestar sprænurnar en það þykir reyndum mönnum kannski ekkert tiltökumál (oss nýgræðingunum varð alla vega um og ó).
Stefnum á alla vega einn góðan dag núna um helgina. Vonandi að fleiri láti sjá sig inni í Hvalfirði líka – helvíti dapurt að vera í sporum Palla, sem var einn í heiminum, þarna innfrá…

[Höfundur]

Svör