Hraundrangi

[Gummi St]

Við vorum að koma niður af Hraundranga þar sem gestabókin er horfin og lokið hefur brotnað af boxinu utanum hana og er orðið hálffullt af vatni. Pelinn var þó undir steini við hliðiná þó rýr sé orðinn.

Annars voru 2 teymi á Dranganum í dag, eitt dúó á undan okkur og svo fórum við þrír. Veður með því besta sem maður getur ýmindað sér, örlítil gola og glampandi sól, er ekki frá því að við höfum tekið smá lit í formi verkamannabrúnku.

Geggjaður dagur, nóg af lausu grjóti og mold, ryðguðum fleygum og öðru eins myndefni, meira um það síðar.

mbkv
-GFJ

[Gummi St]

Fyrir þá sem hafa áhuga að þá eru komnar myndir og nýtt Video úr ferðinni inná http://www.climbing.is

[0808794749]

Flottar myndir að venju.
Nú er kannski tími til kominn að rifja upp þennan þráð um pelann góða.

Hvar er Olli?

[1908803629]

Flottar myndir og frábært video – takk fyrir

[2301823299]

Veit einhver hvers vegna Hraundrangi er skráður sem 998 metra hár inn á já.is, er það samkvæmt nýjum mælingum eða er það bara villa?

[0703784699]

ég spyr bara hver fer á já.is og athugar hæð á fjöllum landsins? Ekki vissi ég að þar væri slíkan fróðleik að fá.

kv.Gimp

[2301823299]

Landakortið á já.is er mjög aðgengilegt og þægilegt, er meðal annars byggt á IS 50V kortagrunni frá Landmælingum Íslands svo maður hefur alveg smá trú á þessum upplýsingum, þess vegna spyr maður.

[Freyr Ingi]

Leiðinlegt að heyra að gestabókin sé orðin lasleg. Það virðist ekki ætla að vera auðvelt að halda lífi í slíkri bók þarna uppi, mér skilst að þessi sé sem nú er uppi sé hin þriðja í röðinni.

Annars tek ég undir orð Sveinborgar skora á Olla að skila pelanum upp hið fyrsta eða í það minnsta skila honum til stjórnar svo næsti hópur sem hyggur á Hraundranga geti komið honum fyrir á sínum stað.

[1811843029]

Við Gummi vorum að ræða þetta um daginn. Hann kom með ágætis hugmynd að hólk til að geyma bókina og pelann í. Næsti hópur sem ætlar á Hraundranga mætti gjarnan heyra í stjórninni.

[Höfundur]

Svör