Búhamrar – topo

[Siggi Tommi]

Er einhver með tilfallandi stafræna mynd af Búhömrunum þar sem hægt væri að krota inn á þær leiðir sem þar er búið að bolta?

Er búinn að brölta Rauða turninn (og garðyrkjuleiðina mosavöxnu við hliðina á henni) nokkrum sinnum og fékk gróflega upplýsingar frá Bjössa Baldurs um fleiri leiðir á svæðinu en myndi gjarna vilja fá betri lýsingu á staðsetningu þeirra og erfiðleika.

Maður nennir ómögulega að brölta um alla hamrana í leit að nokkrum boltum sem vonlaust er að átta sig á hvað er erfitt að klifra…

Frábært væri ef einhver gæti upplýst mig um eilítið meira um svæðið!

Veit einhver eitthvað um „Virkið“ og Vesturbrúnirnar í Esjunni?

[AB]

Ekki er til annar leiðarvísir um Búahamra en sá sem var gefinn út í Ísalp-ritinu ´86. Þá voru engar boltaðar leiðir á svæðinu. Ég veit um tvær boltaðar leiðir fyrir utan þær sem þú nefnir sem ég hef þó ekki farið en það eru Gandreið og Plankastrekkjarinn. Þú verður að spyrja einhvern annan um nákvæma staðsetningu Svo eru náttúrulega nokkrar erfiðar leiðir og Vítisbjöllur 5.12c þar vinsælust. Einnig eru nokkrar ágætis dótaleiðir í hömrunum.
Í Vesturbrúnum er Heljareggin sennilega vinsælust. Fín leið í ca 5-8 spönnum af gráðu IV ( ca 5.5-5.6 ). Gráðan segir þó ekki alla söguna, á stöku stað er ekki gott að tryggja og er leiðin ekki byrjendaleið.
Virkið í Esjunni hefur ekki fengið margar heimsóknir síðustu ár. Ég og Unnur Bryndís klifruðum einhverskonar leiðarskrípi þar upp og á ská síðasta sumar og höfðum gaman af. Mönnum fannst þetta nú vera óttaleg vitleysa að ana þangað upp (það er miklu notalegra að fara á Vellina, sjáðu til) en af hverju ekki að prófa? Þetta er samt frekar hættulegt og laust og ekki hægt að mæla með þessu sérstaklega…

Kv, Andri

[Höfundur]

Svör