- This topic is empty.
-
Svör
-
Bendi gönguskíðafólki á að nú má skíða frá bílastæðinu við Ármannskála og út á heiði. Nægur snjór ef menn bara halda sig nálægt hlíðinni. Þegar komið er upp fyrir ljósastaurana og út á heiði er bara að velja sér lænu. Sem sagt engin ástæða fyrir gönguskíðafólk að væla yfir snjóleysi. Samt ekki nægur snjór til að fara með troðara með stóra sporið til að búa til tvöfalda braut. Til þess er hraunið einfaldlega of gróft. Ótrúlega mikið landslag í þessu hrauni og skemmtilegt að skíða í áður en allt verður sléttfullt af snjó.
Af Fjallinu sjálfu er það að frétta að það er kjaftfullt af snjó meðfram snjógirðingunni frá toppi og niður í beygju í Norðurleiðinni. Ýtt var frá girðingunni í gær og nú er vel þykkur púði yfir leiðinni svo langt sem girðingin nær. Í beygjunni er verið að berja upp snjógirðingu. Með hverri spýtunni sem í hana bætist því lengra niður er samfelldur snjór. Neðan girðingar er hins vegar enginn snjór eins og við er að búast.
Væri búið að girða skíðasvæðið að einhverju marki þá er það engin spurning í mínum huga að örstutt væri í opnun. Þó snjóframleiðslukerfi væri komið upp hefði það engan snjó framleitt nú í haust v/ hlýinda. Snjóframleiðslukerfi mun koma í Fjöllin einn góðan veðurdag. Það mun hins vegar aðeins búa til brotabrot af þeim snjó sem þarf til að hafa svæðið opið. Það besta við snjóframleiðslukerfi, að mínu mati, er að áður en menn setja slíkt upp neyðast menn til að setja upp net snjógirðinga svo fokdýr gervisnjórinn hverfi ekki.
Kv. Árni Þvergirðingur
P.S. Las í 24 stundum nú áðan að opið sé í Hlíðarfjalli og þar sé nægur snjór. Hins vegar sé varla snjókorn í hlíðum Bláfjalla. Ég á nú erfitt með að koma auga á hin gríðarlega snjó í Hlíðarfjalli gegnum vefmyndavélarnar og ekki get ég séð að þar sé opið fyrir almenning. Þessi frétt er talsverð skrumskæling á sannleikanum.
Er einhvers staðar hægt að fara á planka niður brekku hér á Suðurlandi? Er maður að vera of bjartsýnn?
Það er hægt að skíða frá fjallsbrún og alveg niður stöku mjóa lænu á Suðursvæðinu. Það er þunnt á en þetta er massífur harður grunnur og grjótið sést vel. Fyrir sunnan Suðursvæðið eru ágætis brekkur og talsvert meiri snjór.
Það er spáð viltausu veðri og snjókomu núna seinni partinn. Það eru samt ekki miklar líkur á að sá snjór klæði brekkurnar að einhverju marki því vindurinn er einfaldlega alltof mikill. Nú væri gott að hafa girðingar til að fanga þann snjó.
Kv. Árni Ofsaveður
Föstudagur 30 nóv.
Talsvert hefur bætt í snjó s.l. sólarhring. Það gerði smá glufu í veðrið um hádegi í dag og sást aðeins upp í Fjall. Allur þessi snjór hefur pakkast í skjólsæla staði, t.d. neðri hluta Kóngsgils, Suðurgil og auðvitað í snjógirðingar. Annars staðar hefur snjó tekið úr brekkunum.
Allir ættu að geta fundið sér brekku við hæfi til að renna sér í. Hvet menn til að kíkja í Bláfjöllin um helgina ef veður leyfir.
Bendi mönnum sérstaklega á að skoða allan þann snjó sem safnast kringum girðingar t..d. í Norðurleiðinni.
Vek athygli á að þessi nýi snjór sest allur ofan á hart lag og verða menn því að huga að snjóflóðahættu.
Kv. Árni Alf.
Rétt er það, skíðasvæðið í Hlíðarfjalli er enn ekki búið að opna fyrir almenningi.
Hins vegar er vel fært á gönguskíðum, telemark- eða fjallaskíðum á eða við skíðasvæðið (með skinnum). Færið hefur hins vegar verið hart og stundum vissara að mæta í frystihúsgallanum en Goretex-fatnaði.
Norðanáttin síðasta sólarhringinn hefur hinsvegar gull-tryggt okkur snjóhvíta fönn, svo nú er bara að skella undir sig skíðunum og bruna af stað.
Sving,
Kristín
- You must be logged in to reply to this topic.