Leið vestan megin í Litlasandsdal, næsta gil vestan við gilið sem Gljúfurá kemur niður úr.
Leiðin er mjög breið fyrstu tvo þriðju af leiðinni en lokakaflinn er upp mikið mjórri og brattari ís. Í frumferð var ísinn mjög fídusaður og klifrið var sennilega um WI 3 en það þarf ekki mikið að breytast til að leiðin verði WI 3+
Þegar komið er upp úr mjóa kertinu (ein spönn um 70m af klifri) þá er hægt að ganga í gilinu upp með ánni þar til komið er að öðrum litlum foss, ca 10m WI 2+.
FF: Jónas G. Sigurðsson og Matteo Meucci, 9. desember 2018, WI 3 – 70m og WI 2+ – 10m
| Crag | Hvalfjörður |
| Sector | Litlasandsdalur |
| Type | Ice Climbing |
Rétt neðan við háafoss
50m WI 4
FF: Ólafur Þór Kristinsson, Javier Fabra og Sigurður Bjarni Sveinsson, 8. des ’18
| Crag | Háifoss |
| Type | Ice Climbing |
Nú er komið að árlega Jólaklifri Ísalp!
Veðurspáin fyrir vikuna fer að teljast klassísk desemberspá, +5°C og meiri úrkoma heldur en í Bergen.
Því eru góðar líkur á að Jólaklifrið falli niður!
Við hvetjum alla ísklifrara til að fara út núna á sunnudaginn 9. des og klifra það sem enn er uppi áður en það hlýnar.
Leið upp gil rétt vestanmegin við Bólstaðafoss, vestan við Fláajökul.
Möguleiki á mismunandi útgáfum í efri hluta, meðal annars strompur hægra megin í gilinu.
FF: Rory Harrison, 5. des 2018, WI 2 -3
| Crag | Öræfi, Austur og Suðursveit |
| Sector | Heinabergsfjöll |
| Type | Ice Climbing |
Leið upp innsta gilið í Skálafellshnútu, alveg við Skálafellsjökul
FF: Rory Harrison, 4. des 2018, WI 2 – 3
| Crag | Öræfi, Austur og Suðursveit |
| Sector | Skálafell |
| Type | Ice Climbing |
Nýjustu fregnir herma að líkamsleifar Ísalp félagana Kristinns Rúnarssonar og Þorsteins Guðjónssonar eru komnar til byggða í Nepal.
Kristinn og Þorsteinn fundust í um 5.500 m hæð í hlíðum fjallsins Pumo Ri eftir að hafa horfið þar árið 1988.
Leifur Örn Svavarsson var hæðaraðlagaður eftir tvær gönguferðir í grunnbúðir Everest og bauð hann fram aðstoð sína við að kanna möguleika á því að koma líkamsleifum Kristinns og Þorsteins niður af fjallinu.
Þetta tókst og nú eru líkamsleifarnar í rannsókn hjá Nepölskum yfirvöldum áður en að hægt er að senda þær til Íslands.
http://www.visir.is/g/2018181129082/likamsleifar-thorsteins-og-kristins-komnar-til-byggda
Ísalp vill einnig benda á styrktarreikning sem hefur verið stofnaður á nafni sonar Kristinns. Reikningurinn er til þess að styrkja leiðangurinn til Nepal og annan kostnað sem hlýst af því að koma Kristni og Þorsteini til Íslands aftur.
Styrktarreikningur: 0370-13-004559.
Kennitala: 310389-2939.
Nýjar upplýsingar herma að leiðangur upp á fjallið Pumo Ri í Nepal hafi fundið líkamsleifar tveggja félaga Ísalp núna í síðustu viku.
Sennilegast er um að ræða Kristinn Rúnarsson og Þorsteinn Guðjónsson sem að fóru í leiðangur á fjallið í október 1988.
Þeir frumfóru leið upp suðvesturvegg fjallsins og sá ástralskt teymi til þeirra við toppinn. Eitthvað kom fyrir á niðurleiðinni og ekkert hefur til þeirra spurst í rúm 30 ár, fyrr en nú.
Beðið er eftir nánari upplýsingum frá Nepal að svo stöddu.
Kristinn og Þorsteinn voru öflugir í stafi klúbbsins. Þeir frumfóru nýjar leiðir út um allt land ásamt öðrum meðlimum klúbbsins. Þeir sátu báðir í ritnefnd klúbbsins og voru hluti þess teymis sem gerði ársrit Ísalp að því sem þau eru í dag.
Minning um þá félaga var birt í ársriti Ísalp árið 1989.
Leið númer 2 á mynd
Fer upp nokkuð brattan ís og hliðrar svo undir þak og út á skegg sem lafir niður úr þakinu.
FF: Sigurður Ýmir Richter og Magnús Ólafur Magnússon, febrúar 2018
| Crag | Breiðdalur |
| Sector | Múlaklettar |
| Type | Ice Climbing |
Leið B14a
Byrjar á því að klöngrast upp byrjunina af Þursabtit (B14) en beygir svo til hægri og fer upp sama vegg og Fimm í fötu er á (B15) nema alveg vinstra megin á honum. Virkaði brött og samfellt en leyndi á nokkrum góðum hvíldum, gæti sennilega myndast í erfiðari aðstæðum.
Líklega verið klifrað áður en var ekki skráð.
FF: Jónas G. Sigurðsson og Matteo Meucci, 5. nóv 2018
| Crag | Múlafjall |
| Sector | Kötlugróf |
| Type | Ice Climbing |
Leið B16a
Boltuð mixklifurleið sem átti að vera í léttari kantinum en endaði á því að vera snúin um miðbikið. Hin besta skemmtun og margir metrar af klifri. Fyrsti boltinn er mjög hátt og er í sléttum 30m frá akkerinu. (Notið 70m eða halfrope ef planið er að síga alveg niður frá akkerinu).
FF: Páll Sveinsson og Ottó Ingi Þórisson október 2018
| Crag | Múlafjall |
| Sector | Kötlugróf |
| Type | Mix Climbing |
Sorry, this entry is only available in Icelandic. For the sake of viewer convenience, the content is shown below in the alternative language. You may click the link to switch the active language.
Nú er komið að árlegu ljósmyndakeppni Ísalp, og erum við að vanda að leita að myndum í þrjá flokka, Klifur, Skíði og Mannlíf á fjöllum. Öllum er velkomið að taka þátt, dregnir verða út sigurvegarar í hverjum flokki og mun besta myndin príða forsíðu ársrits Ísalp 2018.
Myndin þarf að vera tekin eftir útgáfu seinasta ársrits (desember 2017), allir mega senda myndir í alla þrjá flokkana, en þó má hver mynd einungis taka þátt í einum flokki.
Allar myndir þurfa að berast á stjorn@isalp.is fyrir 2. nóvember!
Einnig erum við enn að leita að greinum og pistlum í ársritið, svo ef þú ert með hugmynd að góðu efni í ársritið og langar að deila með okkur, máttu endilega senda póst á stjorn@isalp.is.
Sorry, this entry is only available in Icelandic. For the sake of viewer convenience, the content is shown below in the alternative language. You may click the link to switch the active language.
Þann 30. október næstkomandi mun Íslenski Alpaklúbburinn sýna stór-klifurmyndina The Dawn Wall í Bíó Paradís klukkan 20:00.
The Dawn Wall er mynd sem klifurheimurinn hefur beðið spenntur eftir í yfir 3 ár, en hún fjallar um eitt af stærri afrekum klifurheimsins, þegar þeir Tommy Caldwell og Kevin Jorgeson fríklifruðu Dawn Wall vegginn á El Capitan í Yosemite, klifur sem áður þótti óhugsandi.
Þeir Tommy og Kevin toppuðu vegginn í janúar 2015, en aðdragandi áfangans var áralangur ásetningur, vinna og þrautseigju, í bland við hina ýmsu tilfinningalegu tálma í persónulífi Tommys, sem að lokum reyndust á sinn hátt hvati til þess að fríklifra Dawn Wall.
Miðverð á sýninguna
Meðlimir Ísalp: 1500kr
Aðrir: 2000kr
Miðasala mun hefjast í næstu viku, og munum við auglýsa þá hvar hægt er að nálgast miðana.
Blá lína á mynd.
Ósköp greið snjó/ísleið upp suður hlíðina, var mögulega fyrsta sinn sem farið var upp á Lambatind.
FF: Ari Trausti og föruneyti
| Crag | Strandir |
| Sector | Lambatindur |
| Type | Alpine |
Strandir eru afskektar en ekki ófærar og vel hægt að komast þangað á veturna. Fullt er hægt að gera úti á Stöndum bæði um vetur og sumar. Sportklifrarar standa í ströngu við að setja upp leiðir í Norðurfirði og eitthvað hefur verið klifrað af grjótglímuþrautum í Bjarnafirði, á Gjögri og Skarðsvík. Augljós vetrarverkefni eru fossinn fyrir ofan Djúpuvík, þar sem tveir fossar falla og lenda saman á syllu og falla svo aftur í sitthvoru lagi af henni og mynda stórt X. Fjallið Kambur við Veiðileysu mynnir á Hraundrangann. Síðast en ekki síst má svo mynnast á Lambatind sem gæti vel verið frábærasta klifrur.
Lambatindur
Eitthvað hefur verið klifrað í Lambatindi og á hann ansi fallega norðurhlíð sem mynnir á Skarðsheiðina.
Sorry, this entry is only available in Icelandic. For the sake of viewer convenience, the content is shown below in the alternative language. You may click the link to switch the active language.
Aðalfundur ÍSALP
Í gær var aðalfundur ÍSLAP, fundargerðina er að finna í valmyndinni hér að ofan undir „Ísalp“ – „Um Ísalp“ – „Fundargerðir“. Skrýslu stjórnar fyrir síðasta starfsár má finnu á sama stað.
Fráfarandi stjórnarmenn eru
Helgi Egilsson sem hefur verið í stjórn í 8 (4 ár sem gjaldkeri og 4 ár sem formaður).
Bjartur Týr Ólafsson sem hefur verið í stjórn í 3 ár.
Við þökkum þeim báðum kærlega gott starf undanfarin ár.
Í stjórn sitja þá:
Jónas G. Sigurðsson (formaður)
Ottó Ingi Þórisson
Baldur Þór Davíðsson
Védís Ólafsdóttir
Sif Pétursdóttir
Sigurður Ýmir Richter
Matteo Meucci
Ný stjórn mun koma saman við fyrsta tækifæri og undirbúa spennandi dagskrá fyrir veturinn.
Sorry, this entry is only available in Icelandic. For the sake of viewer convenience, the content is shown below in the alternative language. You may click the link to switch the active language.
Sorry, this entry is only available in Icelandic. For the sake of viewer convenience, the content is shown below in the alternative language. You may click the link to switch the active language.
Kæru félagar.
Aðalfundur Íslenska Alpaklúbbsins 2018 verður haldinn á efri hæð Klifurhússins að Ármúla 23, miðvikudaginn 26. september kl. 20:00.
Dagskrá fundarins er skv. lögum félagsins:
Atkvæðisbær og kjörgeng eru þau ein sem greitt hafa árgjald síðastliðins árs fyrir upphaf aðalfundar.
Framboð skulu hafa borist fyrir 19. september en einnig er heimilt að bjóða sig fram í lausar stöður ef einhverjar eru á aðalfundi.
Helgi Egilsson formaður, Ottó Ingi Þórisson meðstjórnandi, Bjartur Týr Ólafsson meðstjórnandi, Jónas Grétar Sigurðsson meðstjórnandi og Baldur Þór Davíðsson meðstjórnandi eru allir að láta af hendi sínar stöður, og því mörg sæti í boði í stjórn fyrir áhugasama.
Allar tillögur um lagabreytingar skulu hafa borist stjórn (stjorn@isalp.is) fyrir 19. september.
Sjá lög klúbbsins hér
F.h. stjórnar, Sigurður Ýmir Richter
Leið númer 16 á mynd.
Leiðin var ekki kláruð alveg upp á blátoppinn vegna broddavandræða.
FF: Ármann Ragnar Ægisson og Gísli Matthías Sigmarsson, 2013.
| Crag | Dýrafjörður |
| Sector | Eyrardalur |
| Type | Ice Climbing |
Leið númer 13 á mynd.
FF: Dawn Glanc og Tim Emmett, 2013
| Crag | Dýrafjörður |
| Sector | Eyrardalur |
| Type | Ice Climbing |
Leið númer 12 á mynd.
Sama byrjun og á númer 11. Leiðin byrjar á boltalínu, M 7 og fer síðan til vinstri og upp þunnt kerti, WI 5+ klifur.
FF: Dawn Glanc og Tim Emmett, 2013
| Crag | Dýrafjörður |
| Sector | Eyrardalur |
| Type | Mix Climbing |