Forum Replies Created
-
Posts
-
Vil nú ekki vera fýlupúkinn en það er varla hægt að segja að félagsmönnum hafi verið kynnt málefnin með réttmætum hætti viku fyrir aðalfund.
Frábært að fá alla þessa frambjóðendur og ég get ekki sagt annað en að mér lítist ágætlega á þá. Jafnvel þó ég þekki þá flesta.
En ég er sammála Skabba það vantar fleiri kosningaloforð. Annars verður þetta bara vinsældakosning.
Helstu mál sem mér finnst skipta máli eru:
Skálamál – Á að gera eitthvað við Bratta eða setja minningarstein? Hvernig næst betri nýting í Tindfjöllum? Stækka markhópinn eða draga Ísalpara þangað?
Vefsíðan – Hún er góð, er það ekki?
Afslættir – Hvar fá Ísalparar afslátt? Er hægt að fjölga þeim stöðum eða jafnvel fækka gegn loforði um meiri afslátt. Útvega afslætti í skálum. T.d. FÍ og Útivistarskálum að vetri ef ekki að sumri. Fá það í gegn hjá íslensku flugfélögunum að klifurbúnaður njóti sömu kjara og gólfsett, stangarstökksstangir, skíði og reiðhjól.
Tryggingar – Hvernig eru Ísalparar tryggðir heima og erlendis. Ísalp ætti að gefa út ráðleggingar. Flottast væri að semja við tryggingafélög eða mynda einhver tengsl við erlenda klúbba sem eru með tryggingar.
Nýliðun – Er hún nóg? Er hægt að auka hana og þá hvernig. Koma okkur meira í fjölmiðla? Fjölmiðlar taka fegnir á móti efni sem er matað ofan í þá.
Leiðarvísar – Hafsjór upplýsinga er í gömlum Ísalpritum. Nokkrir góðir klettaleiðarvísar hafa verið gefnir út. Ættu þessar upplýsingar að vera útgefnar á ensku?
Merkja markaðssetning – Við eigum flott logo. Í fyrra eða einhverntíman fengu allir límmiða. Það var frábært. Meira svoleiðis?
Púlkur – Hvernig púlkur eru bestar? Er hægt að klára þá umræðu?
Mjög góð lausn á FB væðingu Ísalp sem Andri bendir á. Mér leist illa á þegar ég sá að Ísalp setti upp FB síðu. Sá fram á að umræðan færðist þangað sem er verra held ég. En þessi lausn vekur athygli á umræðum hér án þess að stela umræðunum.
Andri Ómarsson wrote:Quote:Ég sæi fyrir mér því tvennt.
Að stofnuð yrði Ísalp síða á FB.
Þar mynd helstu fréttir, dagskrá og sniðugir umræðu þræðir vera póstaðir inn. Það myndi þannig minna fólk á okkur og þennan góða vef.
Þar getum við lokað alfarið fyrir allra umræður þar sem við viljum að þær fari fram á Isalp.isEinnig að bæta við “like” á allar síður Isalp.is. Rétt eins og allir íslenskir fréttavefir hafa gert. Þannig get ég like-að á einhverja skemmtilega umræðu eða frétt og allir mínir vinir á fésbókinni sjá hana.
Þannig fáum við fleirri inná vefinn og um leið mögulega fleirri virka þáttakendur.
Annars væri hægt að bæta isalp.is mikið með lítilli breytingu. Það þarf að lengja listann af umræðuþráðum sem birtast á forsíðunni. Nú sjást 10 þræðir og sá elsti er sjaldan meira en viku gamall. Þetta þýðir að góðar umræður geta dáið út ef nokkrar búnaðarauglýsingar eru settar inn. Það þarf ekkert að hræra í uppsetningunni á búnaðarsölu, bara lengja listann. Ég fer næstum aldrei inn á umræðusíðuna og býst við að fæstir geri það. Ef þráður er dottinn út af forsíðunni er hann horfinn í hafsauga.
Mér finnst alveg óþarfi að síðan reyni að halda uppi myndagalleríi. En það væri gott að safna myndum af leiðum. Tenging við leiðagrunn á Climbing.is gæti vel gengið. Annars hef ég reynt að sanka að mér myndum sem gætu nýst til þess að plana ferðir síðar meir. Slíkar myndir gætu vel átt heima í myndagalleríi hér á síðunni. Það er oft gott að plana ferðir með hjálp ljósmynda og korta. Þá ég við myndir eins og þessa. Ekki endilega flottar eða skemmtilegar myndir, heldur myndir af fjöllum.
Ein spurning. BookBank, hvað er það? Sýndist þetta vera öll Ísalprit niðurhalanleg og leist vel á. En það virðist ekkert virka.
Einhverjir hafa vafalaust átt leið þarna um. Hér er mynd tekin af Þuríðartindi af þessu svæði.
Hæsti snætindurinn er Káratindur, klettarnir eru Heljareggin og rétt fyrir neðan það ætti Saumhöggið að koma.
Jæja hér eru komnar myndir: http://www.flickr.com/photos/steinarsig/sets/72157625831344148/
Ferðasagan er í mjög stuttu máli svona.
Heiða, Helga María og Steinar hittust í Ósló eftir flugferðir, strætóferðir eða lestarferðir. Fengum mat hjá frændfólki Heiðu og keyrðum á bílaleigubíl til Rjukan. Fundum þar Smára sem beið og beið. Komum okkur fyrir í Rjukan Caravan og Hyttepark og skipulögðum morgundaginn.
Fyrsti dagurinn byrjaði undir Vemork brúnni. Fórum þar Deuterium í einhverju bríerí áður en við kvöddum Vemork og fórum í Ozimosis. Þar er endalaust af leiðum á pínulitlu svæði í skóginum. Klifruðum ýmislegt þar. Fórum á Climb-Inn barinn.
Annan daginn fór Smári heim. Við hin fórum aftur í Ozimosis og klifruðum til 4. Fórum þá heim í grjónagraut og preppuðum okkur fyrir skíði. Skíðuðum í flóðlýsingunni fram eftir kvöldi.
Dag þrjú fórum við Hvítárfoss. Skv. bókinni er það 9 spanna leið. Við höfum líklega gengið lengra upp hann en gert er ráð fyrir og svo fórum við líka fullar 60m spannir, því við fórum fjórar spannir. Eftir fjórar spannir áttum við líklega eina eftir en það var komið svartamyrkur og því sigum við niður. Enduðum daginn svo í Pub Quiz á Climb-Inn. Stórfínt hótel fyrir klifrara. Gistum þar kannski næst ef við tímum því. Skemmtilegasti dagurinn.
Fjórða daginn skoðuðum við safnið í Vemork og lærðum um það hvernig Norðmenn björguðu heiminum frá tortímingu. Mjög flott safn sem gaman er að skoða. Klifruðum svo leið sem er ca. einni spönn frá inngangi safnsins. Susses Veil. Gerðum við eitthvað meira? Man það ekki.
Síðasta daginn skoðuðum við Krokan. Ótrúlega flott svæði, en allt sem var við okkar hæfi var fullsetið. Keyrðum því að Vemork og fórum í Upper Gorge svæðið. Klifruðum þar Nedre Svingfossen. Hittum fullt af Bretum og keyrðum til Ósló.
Mælum með Rjukan.
Gagnlegir punktar:
Gisting á Rjukan Hytte og Caravan Park – Mjög ódýrt, enda frekar basic. En alveg fínt.
Fórum á barinn í Climb-Inn og værum alveg til í að gista þar. Flott hótel rekið af klifrurum með stórar hugmyndir. Brýningaraðstaða, þurrkaðstaða, matur og alles. Göngufæri í vikuskammt af leiðum. Gæti því verið ódýrara ef bílaleigubíl er sleppt.
Eitthvað fyrir skútukallana þarna á sömu síðu: http://www.petzl.com/us/outdoor/news/events-1/2010/12/22/vertical-sailing-greenland
Það er verst að það er ekki hægt að leita í gamla spjallinu. Einhver allengsti þráðurinn þar var ormagryfjan sem Ívar bendir á.
Gætir leigt parísarpúlku hjá Fjallaleiðsögumönnum ef þú vilt ekki eyða peningum eða geymsluplássi í púlku.
Held að það hafi verið til stök Naja hjá ÍFLM sem var aldrei notuð. Gætir prófað að falast eftir henni.
Það dásamlega við netið er að skrítið fólk um allan heim sameinar krafta sína og býr til skrítna hluti eins og snjókeðjur á reiðhjólsnjókeðjur á reiðhjól. Ekki mikið mál að prófa ef þú ert með diskabremsur eða bremsulaus.
Hef notað Garmin eTrex Vista HCX í líklega 6 ár. Held ég sé með nafnið á hreinu. Klikkaði aldrei, batteríin endast og endast. Það er nógu öflugt til þess að keyra Íslandskortið, en er samt með léttari tækjum.
Fékk svo fyrir um ári að gjöf Garmin Colorado 300 og er ekki sáttur við það. Fyrir það fyrsta vegur það um það bil þrisvar sinnum meira en gamla og eyðir batteríum á skotstundu. Það frýs einstaka sinnum og þá þarf að kippa batteríunum úr og setja aftur í. Stóri skjárinn og þægilegu takkarnir eru góðir, en þyngdin og batteríeyðslan fara alveg með það.
Ég tek ennþá frekar Vista tækið með mér þó skelin sé brotin og það er því ekki vel vatnshelt auk þess sem skjárinn er svo rispaður að ég þarf alltaf að sleikja hann fyrst og bleyta til þess að sjá á hann. Mæli með öllum eTrex tækjunum.
Flott hjá ykkur og forvitnilegt með línuna, efast ekki um að einhver eigi eftir að kanna hana nánar.
Hvað á ykkar lína annars að heita?
Þetta er magnaður tími. Ætla rétt að vona að hann hafi tekið 2,5 tíma ferð eftir hádegi úr því hann tók bara svona 4 tíma ferð um morguninn.
Legg til að Geiri fái þessa rauðhærðu fígúru sem límmiða á hjálminn sinn.
Keypti þennan RockSnake poka á síðasta búnaðarbasar: [url=http://http://fjallakofinn.is/?webID=1&p=23&item=352]Fjallakofinn: Rock Snake[/url]
Hann er fisléttur, ber ágæta þyngd og það er auðvelt að taka mittisólina af. Það er hægt að renna niður eftir endilöngum pokanum til þess að opna hann, stundum praktískt, en nota það lítið. Þessi poki er samt ekki lífstíðareign. Hann slitnar hratt og hvassir hlutir stinga gat á hann eins og ekkert sé. Ég skil ekki alveg ísaxarfestingarnar, ég gat ómögulega sett par á hann með orginal ólunum, en lítið mál að bæta úr því.
Skemmtilega litríkur fyrir fjallaljósmyndir.
Frábærar loftmyndir. Við hefðum múnað úr Skessuhorninu ef það hefði ekki verið svona seinlegt að losa klifurbeltin.
Steinar
Ef þig vantar bindingar á þetta á ég þessar [url=http://http://www.voile-usa.com/Merchant2/merchant.mvc?Screen=PROD&Product_Code=202HD&Category_Code=]Voile þriggja pinna bindingar[/url].
Man vel eftir þessari mynd.
Þetta er nú ekki sama myndband, en líklega sami klifrari. Ég man að í Banff myndbandinu átti hann erfiðast með að ganga í snjónum upp að leiðinni.
Óli Magg og ég tókum ráðleggingum Guðjóns og klifum Spora í dag. Flottar aðstæður. Vorum hissa að sjá allnokkuð klifurteymi stilla sér upp við leiðina aðeins nokkrum mínútum á undan okkur. Þar voru Einar Torfi, Jón Gauti, Leifur, Jón Þorgríms og tveir aðrir sem við náðum ekki hverjir voru.
Góður dagur þrátt fyrir ansi mikið hvassviðri.
Það er fátt um fína drætti í Sólheimajökli fyrir klifur þessa dagana. En við fórum nokkrir Flubbar tvær helgar nýlega í Gígjökul og þar má alveg æfa gott klifur. Háir og fínir veggir allt upp í yfirhangandi.
Stel þessum þræði með nákvæmari beiðni.
Óska eftir góðu klifuraxapari, ekkert eighties dót. Helst eiga þær að vera fetlalausar eða vel nýtanlegar án fetla.
Ef ég finn eitthvað er Grivel Alp Wing par falt.
kv.
Steinar
steinarsig@mountainguides.isFrábært ársrit. Ég las það næstum því spjaldana á milli fyrsta kvöldið eftir að ég fékk það.
kv.
Steinar
