Forum Replies Created
-
Posts
-
Skíðadeild KR og Opnum Skálafell voru að setja upp vefmyndavél í Skálafelli. Myndin uppfærist á mínútu fresti en veðrið á hálftíma fresti. Veðurupplýsingar eru sóttar niður á Mosfellsheiði frekar en á toppinn því þar er oft hvassara og kaldara en á sjálfu svæðinu.
Kíkið á opnumskalafell.is og látið ekki bugast í hlákunni.Við fórum þrjú Bjallana að Heklu á Uppstigningadag. Renndum frekar blint í sjóinn með færðina en eftir festu og mokstur í brekkunni þar sem farið er upp á hraunið úr gilinu er að leiðin að Litlu Heklu orðin Súkkufær upp að snjó. Það er einn langur skafl í hrauninu sem þarf að taka á ferðinni en annars nokkuð greiðfært.
Við lögðum af stað upp fjallið um fimmleytið og lentum í mökksnjókomu. Létum nægja að labba upp á hrygginn og skíðuðum 20 cm nýsnævi beina leið niður í bíl.
Á leiðinni til baka kíktum við á leiðina sem liggur meðfram girðingunni og að Rangárbrúinni. Þar er snjóskafl í gilinu á leiðinni sem við treystum okkur ekki yfir. Einhverjir gætu eflaust þrykkt þarna yfir á öflugri bílum en við snérum við niður í Næfurholt.
Veit einhver hvernig færðin er inn að Heklu þessa dagana. Ég heyrði af hópi sem var þarna sunnudaginn 6. maí. Þá var ekki hægt að keyra að brekkunum út af sköflum í hrauninu. Hefur einhver farið í millitíðinni sem getur gefið nýrri upplýsingar.
Kveðja,
Kári
Við fögnuðum nokkur sumri í austurhvilftinni í Hátindi. Enn fullt af snjó og hægt að skíða niður í dalbotn.
Fyrir áhugafólk um Skálafell þá settum við í loftið heimasíðu um norðurhlíðina um daginn. Þar væri upplagt að koma upp lyftu og lengja skíðatímabilið. Það eru sennilega fáir staðir jafn vænlegir til að stunda utanbrautarskíðun með lyftuívafi og norðurhlíðin sem gamlir skíðamenn kalla, Shangri-La, fyrirheitna landið.
http://www.opnumskalafell.is/shangri_la
Ef einhverjir hafa áhuga á að leggja verkefninu lið með því að senda inn myndir af brekkunni er netfangið shangrilaskalafell@gmail.com.
Ég fór í Ufsilonið í Hátindi í gær. Suddi allt í kring en eins og oft var veðrið vel þolanlegt í gilinu sjálfu. Færið var undurmjúkt og það er enn hægt að skíða alla leið niður að á. Það fer nú samt væntanlega að styttast í þeirri skemmtun. Austari greinin er nánast alveg grjótlaus en sú vestari eflaust óskíðandi.
Ég fór í norðurhlíð Skálafells á laugardaginn. Það er brekka sem leynir á sér með bröttum stöllum sem eru mjög skemmtilegrir í vorfærinu. Það var hægt að skíða alveg niður í dalbotninn. Ég hef heyrt að sumir sleppi því en það er klárlega einn skemmtilegasti parturinn að mínu mati. Á leiðinni til baka er upplagt að fara upp að mastri og koma niður beint fyrir ofan gamla KR skálann.
Er ufsilonið sama gil og það sem sumir hafa kallað s-laga gilið eða er það innar í Grafardalnum?
Þetta eru frábærar fréttir. Nú er bara að láta sjá sig allar helgar í Skálafelli og sýna fram á að það hafi verið mikil eftirspurn eftir þessu. Hafa fjallið allt útskíðað og barnalyftuna stútfulla af brosandi krökkum.
Þetta er náttúrulega gráupplagt. Ég og vinnufélagi minn stofnuðum FB síðu til stuðnings pælingunum. Góð hugmynd að gera like og viðra skoðanir þar líka.
Nokkir unnendur Skálafells hafa komið á fót Facebook-síðu til að sýna stuðning við að svæðið verði opnað í einhverri mynd í vetur. Er ekki sjálfsagt að gera like á það?
http://www.facebook.com/pages/Opnum-Sk%C3%A1lafell/347441925266250
Fór í turninn í gær í fyrsta skipti. Aðstaðan, fyrirkomulagið og aðstæðurnar eru algjörlega til fyrirmyndar. Við vorum líklega þriðji hópurinn þetta kvöldið.
Ég sendi þessum
slatta af skóm í fyrra. Góð þjónusta en það þarf að greiða af þessu virðisaukaskatt þegar skórnir koma til baka. Það gerir aðgerðina nokkuð dýra.
Það er að sjálfsögðu best að fá tilsögn en í neyð má lesa sér til.
Ég lærði sveifluna í þessum bréfaskóla: http://telemarktips.com/Lesson.htm
Við Haraldur Ingvarsson fórum Krókinn í Glymsgili í gær. Leiðin var í blautum en almennt fínum aðstæðum og lítið athugavert við veðrið.
Fórum ekkert lengra inn gilið en sáum á leiðinni að Spönnin nær niður en er þunn, Kelda er ekki búin að myndast en einn af fossunum á brúninni er sennilega fær.Kári
Ég á Nepal Top sem er ófóðraða útgáfan af Nepal extreme. Þeir hafa reynst mér vel í rúm tíu ár. Reyndar svo vel að ég lét sóla þá þegar þeir voru orðnir slitnir hjá http://www.kletterschuhe.de/. Leðrið á mínum var lítið slitið en sólinn mikið slitinn og broddafestingin að framan gjörsamlega farin. Nýr sóli kostaði ekki nema 7 þús. sem er brot af nýjum skóm.
Hef ekki notað venjulega brodda en get ekki ímyndað mér að það sé mikið mál
Ég hef notað http://www.cham3s.com og towerridge.co.uk með ágætum árangri. http://www.needlesport.com í Englandi er líka góð no-nonsense klifurbúð á netinu.
Laumuklifrararnir heita Kári Sævarsson og Haraldur B. Ingvarsson. Ég veit nú ekki hvað leiðin heitir en Harri vinnufélagi minn og klifrari af annarri kynslóð benti mér á hana. Þetta er þrælskemmtileg leið sem við tókum í þremur spönnum. Leiðin er hvergi lóðrétt en ísinn var yfirleitt þunnur og lítið hægt að tryggja.
Ég held að það sé óhætt að mæla með henni ef menn vilja eiga góðan dag á fjöllum, rölta, klifra og enda á toppi.
