Forum Replies Created
-
Posts
-
Hef ekki prófað nýja Ortovox S1 eða Pieps DSP og því eru upplýsingarnar kannski ekki mikils virði. Hef verið með Barryvox Pulse í notkun í þrjá vetur og kann mjög vel við hann. Mætti með hann á snjóflóðanámskeið þar sem flestir voru með eldri gerðir af mælum (Pieps 457 eða sambærilega). Það var áberandi miklu fljótlegra að leita með Barryvox mælinum. Þetta er svo til imbaheldur ýlir, allar helstu aðgerðir auðveldar og augljósar. Ýlirinn fer sjálfkrafa af “leit” yfir á “sendi” hef hann er hreyfingarlaus í einhvern tíma, þannig að ef það kemur annað flóð þá skiptir hann yfir á “sendi”, það eru fáir ýlar sem bjóða upp á þetta held ég. Barryvox Pulse hefur hlotið einhverja gagnrýni á að hægt sé að greina púls fórnarlamba (ef þau eru líka með Barryvox Pulse mæli) og forgangsraða greftri sem hugsanlega kemur niður á þeim sem ekki hafa slíkan mæli. Þessi fítus held ég að sé aldrei notaður nema hugsanlega ef allur hópurinn er með svona mæli (kannski gædaður hópur þar sem allir eru með eins ýli). Veit ekki hvar þessir ýlar fást hér, Safalinn er með umboðið. Ef þig langar til að prófa þennan mæli og finnur hann ekki út í búð er þér velkomið að hafa samband (magnusfjalar hja gmail punktur com). Það væri gaman að heyra hvað aðrir eru með.
Kveðja, Magnús
Hef haft þennan búnað með mér á fjöll í nokkur skipti. Keypti hann til að prófa þegar gengið var hagstæðara. Blessunarlega aldrei komið að notum og því hef ég enga reynslu af því hvort þetta virkar þegar á reynir. Ég held að það sé þægilegra að vera með bakpoka með Avalung því það er svona smá vesen að vera með þetta og bakpoka. Það á sérstaklega við ef maður er að ferðast á snjóflóðasvæði og vill t.a.m. geta rennt niður úlpunni, þá er þetta fyrir (Avalung má ekki vera innanundir). Hins vegar skiptir það minna máli ef það á bara að nota þetta á niðurleiðinni. Commentin um færsluna á wildsnow.com eru áhugaverð.
Ég á tvö pör af Scarpa leðurskóm nr. 46. Keypti fjallaskíðaskó í fyrra í mondosize 31, en skv. Telemark-Pyrenees eru Scarpa að færa sig yfir í mondonúmer: http://www.telemark-pyrenees.com/shop/article_info.php?articles_id=21
Samkvæmt þessu á mondosize 31 að vera sambærilegt við skónúmer 47, en mín reynsla er sú að Scarpaleðurskór númer 46 eru sambærilegir við mondosize 31.
