Forum Replies Created
-
Posts
-
Slatti af ís hérna fyrir vestan (er á Ísafirði þennan veturinn) en veðrið hefur verið óstabílt og leiðinda umhleypingar. En vonandi fer þetta að koma almennilega. Vel formaðar línur í Naustahvilft til dæmis og fleiri staðir að koma til. Set hér með nokkar myndir. Á þeirri fyrstu sjást línurnar í Hafradal. Það er búið að klifra leiðir þar sem kallast Betanía og Sýndarveruleiki en gömlu kempurnar hér eru enn að reyna muna hvar þær eru. Við Viðar Kristins og Heiða Jóns vorum að leika okkur um daginn í þessari lengst til vinstri á myndinni í ansi blautum aðstæðum en spurningin er hvort hún hafi verið klifruð áður eða ekki.
Næsta mynd er úr Bakkahvilft sem gengur úr Hnífsdal. Það hefur líklega ekki verið klifrað þarna áður. Við Heiða Jóns klifruðum leiðina sem rauða örin bendir á, föstudaginn 29.11.2019. (Purrkur, WI3+/4, 50m). Það eru í raun tvær línur sem liggja þarna upp hlið við hlið og því liggur beinast við að kalla þá hægra megin Pillnikk. Stefnið auðvitað á að klára það dæmi sjálfur. Gangan þarna uppeftir er áhugaverð þegar það er enginn snjór, sórgrýtt mjög svo þetta tekur tíma.
Restin er svo þegar Purrkur var farinn.
Ágúst er lítið betri en júlí í mínu tilfelli, kemst ekki. En það þarf að halda fund og það komast víst aldrei allir.
Ok, ein einingin var þá aldrei seld eins og rætt var um að gera. Gott að vita.
– b
Hæ,
Ég er algerlega sammála því að þetta á að ræða vel og vandlega enda mikilvægt mál. Það er eitt sem hefur strax komið út úr þessu en það er að skálinn hefur fengið athygli eins og sést á umræðunum og það er frábært. Kannski sparkið í rassinn sem þurfti.
Aðallega vil ég fá að vita meira um þetta mál og sama gildir örugglega um miklu fleiri. Svona við fyrstu sýn eða lestur þá er maður skeptískur, í það minnsta þarf ég að fá frekari upplýsingar um málið.
Helgi segir: “en notkunin er slöpp sem sést á því að veltan í gegnum skálann samtals árin 2010-2014 var undir 200.000 kr” Held að hér sé heldur ekki hægt að bera skálana saman. Bratti er miklu nær Reykjavík og bara það mun verða til þess að hann fái mun fleiri heimsóknir. Er líka búið að reikna inn í þessa tölu verðgildi þeirra gistinátta sem voru látnar í skiptum fyrir vinnu? Voru þær ekki allnokkrar?
Förum rólega í þetta og gefum sem félagsmönnum færi á að verða upplýstir. Sumarið er afleitur tími til fundahalda, ég kemst til dæmis alls ekki 20. júlí.
Takk fyrir mig.
Kv. Björgvin
Jahá! Gott að ekki fór verr. Aðeins nánar… hversu hátt var hann kominn yfir skrúfuna, var skrúfan tæp þannig að hún stóð út úr eða var ísinn bara drasl? Einhverjar myndir til af þessu?
Áhugavert. Hægt að skíða “til sjávar” segiru. Hvernig er hallinn þarna neðan Dagverðarhlíðar til dæmis?
Magnað að sjá hvað ja.is kortið er gott (tékkaðu á því), mun betra en LMI þar sem samskeyti sjást óþarflega mikið og upplausnin frekar slöpp.
Karl, þar sem þú er mikið fyrir að nota styttingar þá má ég til með að benda á að þú ert að nota þær alveg kolrangt.
Er nú enginn sérfræðingur í málfræði en þetta er e-ð sem þú vilt örugglega vera með á hreinu þar sem þú notar þetta svo mikið.
Þegar orð á borð við “eitthvað” eru stytt er stuðst við fyrsta og síðasta staf orðsins, ekki fyrstu stafi orðhlutanna. Með því væri erfiðara að greina á milli þeirra, enda byggja flest á myndum “eitt” og “hvað”.
einhver = e-r
eitthvað = e-ð
einhvern = e-n
einhvers = e-s… en ekki e-h í hvert einasta skipti. Það er hreinlega ekki til.
Skiljú?
Áhugavert að skoða þessa skýrslu. Já og merkilegt þetta með að gædinn með belgina hafi grafist mest.
En má maður draga þá ályktun að belgirnir hafi gert illt verra? Held að það sé hæpið. Er það ekki bara eins og að benda á að einhver hafi bjargast úr bíl sem lenti í vatni af því hann var ekki í belti og draga þá ályktun að það sé ekki gott að nota belti almennt?
Eða þá að úthúða bólusetningum (eins og virðist vera í tísku í dag) af því að þær geta haft einhverjar aukaverkanir í för með sér í sumum tilfellum eða hitt einhvern sáralítinn minnihluta illa fyrir þannig að hann hljóti skaða af?
Fyrsta sem mér datt í hug var… vá, djöfull grófst hann mikið. Hversu djúpt hefði hann verið ef hann hefði ekki verið með belgina?
Annars hef ég ekkert pælt í statistík varðandi þessa belgi og veit ekki hvort þeir sé bara hluti af einhverju alsherjar samsæri um að fá skíðamenn til að kaupa eitthvað gagnslaust dót í besta falli sem kostar fullt af monníngum. Efast um það satt að segja.
“Er það ekki nokkuð sjálfgefið að það eru telemarkarar sem mæta á Telemarkfestivalið!” Segir Kalli.
Ég er ekki telemarkari en vona að þú takir mér og öðrum slíkum vitleysingum þó fagnandi
Ég hef aldrei prófað telemarkskíði og mun líklega aldrei gera það. En mér finnst bara flott að kalla þetta telemarkfestival, það vita allir hvað um er að ræða. Ekkert að því að þetta sé öfugmæli þessi misserin, hver veit nema telemark komist aftur í tísku.
Þetta fer allt í hringi.
Ekki fyrir svo löngu síðan var fjallaskíðun álitin nördalegt fyrirbæri. Vitum öll hvernig staðan er á því í dag
Er alveg sammála Sissa um að nota þræði sem fyrir eru í stað þess að gera sífellt nýja. Set því mitt síðasta innlegg inn aftur og þá í þennan þráð. Í grunninn fjallar þessi þráður um ísaðstæður en það skiptir litlu máli að lýsa því núna hvernig þetta var hjá okkur á nýársdag, þetta var á síðasta frostadegi í einhvern tíma og allt sem var þá á hraðri niðurleið.
Við Skabbi paufuðumst upp Grafarfoss og síðan Kókostréð í dag (01.01.2013) í blíðunni, sem er víst á undanhaldi því miður.– b
Fáránlega mikill ís í Tvíburagili, vá! Hef aldrei séð þetta svona.
Við Skabbi paufuðumst upp Grafarfoss og síðan Kókostréð í dag í blíðunni, sem er víst á undanhaldi því miður.
– b
Glæsilegt! Glatað að vera veikur og komast ekki út að leika
Nú bíður maður eftir nánara rappporti um daginn. Hvað var gert og hvernig eru aðstæður? Fleiri myndir líka vel þegnar.
Veit að Ívar var í Villingadal í dag. Vonandi tjáir hann sig eitthvað.
– b
Tölvudrasl!
Ef maður er með netfang með íslensku léni, í mínu tilfelli retro.is (þó í gegnum Goggle) þá leyfir youtube manni ekki að skrá sig inn eða subbskræba. Minn tölvugúru segir að þetta sé líklega vegna þess að það sé ekki samningur við litla ísland, eitthvað út af stefgjöldum eða álíka.
Ef ég ætla að skrá mig þá þyrfti ég að nota t.d. gamlan gmail reikning og stofna mig þannig inni á youtube.
Ef þú (eða t.d. Sissi) ert með góða lausn á þessu þá máttu koma með hana.
– b
Palli, hvort sem það er líf á Ísalpvefnum eða ekki þá finnst mér nú að þú megir alveg setja þessi vídeó inn hér um leið og þau eru til, ekki fyrst á fu**ing Facebook og svo hingað inn eftir kúk og fisk.
Þetta er gott stöff sem á erindi inn á isalp.is . Þumlar upp fyrir þér og þinni kvikmyndagerð !!
Líkt og Árni þá fór maður auðvitað beint í að prófa þetta eftir að hafa séð vídeóið sem Jón Gauti setti inn. Vissulega áhugaverður punktur. En maður þarf samt eiginlega að vanda sig við að klúðra þessu.
Augljóslega getur þetta klikkað, rétt eins og að óvanir gætu þrætt tryggingatól vitlaust og hafið leikinn án þess að uppgötva mistökin. Við erum þó ekki að hætta að nota þau þrátt fyrir þann klúðursmöguleika.
Venjulega gerir maður hnútinn, herðir aðeins að til að sannfærast um að allt liggi rétt og bakþræðir svo. Ég sé ekki hvers vegna menn ættu að vera að losa um bakþræðinguna og bakþræða svo aftur og hætta á að klúðra þá málum eins og hann sýnir í vídeóinu.
Það eru ýmsar útgáfur af þessm hnút og frágangi á honum, það væri gaman að bera það allt saman með svona álagsprófunum. Frágangur eins og sést í vídeóinu sem Arnar setti inn er ekki eitthvað sem ég hef séð notað.
Sammála Sigga T að öllum atriðum. Bakþræðing þannig að stutti endinn standi upp (frá manni) en ekki niður og svo tvöfaldur öryggishnútur er málið að mínu mati. Eina vitið að ganga þannig frá þessu. Hefði verið gaman að sjá crossload próf á því.
Við Viðar vorum að koma úr Tvíburagili. Hér er mynd sem sýnir ástandið þar núna. Lítill ís í Ólympíska en alveg óvenjumikið í t.d. HFF.
[attachment=497]IMG_3480.jpg[/attachment]
Svo er önnur sem ég tók á leiðinni til baka og sýnir hvernig 55° eru og dótið þar í kring.
[attachment=498]IMG_3484.jpg[/attachment]
Þið eruð greinilega búin að koma heilavöðvanum vel í gang. Flott hjá ykkur að fara þarna hægra megin. Viðar talaði einmitt um að hann og Ívar hafi farið þessa línu eitt árið.
Þarf ekki eiginlega að tala um þetta sem alveg sér afbrigði og jafnvel gefa þeirri línu sitt eigið nafn? Það er augljóslega ekki alveg það sama að klifra Óríon eða Óríon.
“Fleiri fossar í Flugugili. Man einhver hvað þetta heitir og er gráðað?” Við klifruðum þetta á leiðinni uppeftir. Fín upphitun, ekki erfitt… sirka þriðja gráða plús. En þá er ég að meina upp að skálinni þar sem skeggið nær ekki niður. Vorum ekki með neinn klettagír og gátum því ekki mixað okkur þar upp.
Við Viðar Helga tékkuðum á Óríon á föstudaginn. Fórum fyrri spönnina fyrst við vorum nú komnir á svæðið en ekki séns að við þyrðum í rest. Kertið sem klifað er upp og út úr hellinum náið ekki niður og var í raun samansafn af íspípum sem vísuðu í allar áttir. Það var mjög spes að sjá þessa ísskúlptúra útum allt, sumir hangandi á engu.
Það var rennsli í fossinum sjálfum en annars allt löðrandi í ís. Gefa þessu smá tíma og þá nær kertið niður. Eins og ísinn er þarna núna þá er þetta þokkalega fönkí og fint, þ.e. neðri spönnin og okkur sýndist efri parturinn vera stórfurðulegur.
Lærdómur dagsins var að stóla aldrei á imbavélar. Ef vélin sýnir að rafhlaðan sé full þá gæti hún þess vegna verið tóm. Það var einmitt málið og eina myndin sem við tókum var á iðnaðarsímann minn. Afraksturinn sjáið þið hér.
Var að setja inn nokkrar myndir frá því að Birkitréð var klifrað á sunnudaginn og svo úr mixi í Múlafjalli í gær.
Ættuð að lenda á réttum stað hér.
Af myndunum sem Sissi póstaði fyrir skemmstu að dæma var Múlafjall allt að komast í stand. Ég, Viðar og Ívar fórum í gær (23.10) til að skoða þetta í návígi.
Það var í sjálfu sér nóg af ís, en það er jú betra að hann sé fastur við klettinn. Það var hann ekki. Þetta var allt á leiðinni niður enda hitinn yfir frostmarki. Við fórum upp litlu höftin í Stíganda og þá strax varð ljóst að þetta hékk uppi á lyginni.
Við fyrsta tryggingarhaftið stóðum við og góndum upp á fljótandi ísinn þegar stór hluti þess hrundi og sannfærði okkur endanlega um að þetta væri nóbreiner.
Til að gera þetta að góðum degi á fjöllum héldum við inn í Leikfangaland og mixuðum aðeins. Það var gaman. Auk þess að taka slatta af myndum þá splæsti ég í eitt vídjó líka. Þar sést Viðar taka sitt rönn.
Læt hér líka fylgja eina pano-mynd sem dekkar stærsta hlutann af Múlafjalli.
[attachment=471]Mulafjall_pano.jpg[/attachment]
“We free climbed a the old aid route Hangikjöt (hanging sheep ham) in Fjallastakkanöf.”
Þau sem sagt voru einmitt að fríklifra Hangikjötið. Meira um það hér: http://www.dennisvanhoek.nl/?
Nett…
