Forum Replies Created
-
Posts
-
Hurru já, við áttum góða kvöldstund yfir stórgóðu efni fyrir nokkru og því mjög spennandi BANFF framundan. Þú getur séð dagskrána hér hjá Bíóparadís http://bioparadis.is/2011/05/09/banff-fjallamyndahati%c3%b0in-17-18-mai/
Svo erum við alveg að fara að skella PR vinnunni af stað og því væntanlegt efni á heimasíðuna.
BANFF verður í bíó þetta árið, og næstu ár, og því ágætis líkur á góðri mætingu.
Nú vantar Like hnappinn
LIKE
Hvet alla nýgræðinga sem stigu sín fyrstu skref á síðasta ári að koma með innlegg í ársritið. Við viljum heyra þeirra sögur líka.
Takk fyrir þetta Atli… það stefnir í að ég verði mjög svo vandræðalegur næstu helgi…
Þó vantar enn svolítið upp á og eingöngu 2 dagar til stefnu…
Meiri hluti félaga klúbbsins eru með pung og því á þetta að vera öllum hjartans mál. Vonandi getið þið lagt ykkar af mörkum.
Allir aurar, litlir sem stóri eru vel þegnir.
Sælt verið fólkið,
Ég held barasta að mig langi að bætast við þennan flotta hóp sem er búinn að bjóða sig fram til stjórnar og býð mig því fram.
Ég hrífst af flestu sem viðkemur fjallamennsku, þ.e. klettaklifur, ísklifur, fjallgöngur, alpamennsku og fjallaskíðun og hef verið í þessu príli síðan 2004 þó ég hafi ekki komist alvarlega á strik fyrr en 2008 og er svossem hálfgerður amatör á sumum sviðum.
Ég var í stjórn ísalp 2007-2008 og tók þátt í uppbyggingarstarfinu sem hófst þá og hefur staðið yfir síðan. Ég hef mikinn áhuga á starfsemi félagsins og vil endilega taka þátt í og fylgja eftir því góða starfi sem hefur verið í gangi.
Ég hripaði niður nokkrar top of mind áherslur fyrr í þessu spjalli en ég held að mitt helsta áhugamál fyrir félagið sé að unnið verði að enn frekari leiðaskráningu, gerð leiðarvísa, samantekt á þeim og þar með stuðla að öryggi á fjöllum samfara því að gera fjallamennsku á Íslandi aðgengilegri.
Annars tek ég undir með hinum – það er gaman að vera í Ísalp og vonandi getur ný stjórn gert hana enn skemmtilegri
Þetta er glæsilegt – flottur hópur sem er búinn að bjóða sig fram – Ísalp virðist ætla að vera í góðum höndum.
Vil þó vekja athygli á því að rjóminn af þeim sem eru að bjóða sig fram, og eru þegar í stjórn, eru ísklifrarar að grunni til (held ég alla vega). Þannig að ef klifrarar, telemarkarar, fjallaskíðamenn og hugsanlega alpafjallamenn og konur (er ég að gleyma einhverjum?) vilja tryggja sinn talsmann í stjórninni þá er ekki seinna vænna að “sjanghæja” einhvern til þess að bjóða sig fram og tryggja þannig jafnvægi í störfum og áherslum stjórnar.
Þetta er auðvitað bara tær snilld – nú verður maður að fara að drífa sig þangað upp.
Takk fyrir þetta gals
Gott að sjá að þessi umræða er farin af stað – vonandi láta fleiri sjá sig sem frambjóðendur til að fylgja eftir góðu starfi fráfarandi stjórnar.
Varðandi áherslur í starfseminni þá er held ég lykilatriði númer 1 – Keep up the good work, enda hefur stjórnin gert góða hluti síðastliðin ár.
Því til viðbótar hef ég velt því fyrir mér hvort efla mætti mál er snúa að öryggi á fjöllum sem samtvinnast við leiðarvísa og þess háttar. Það er auðvitað hellingur búinn að gerast en í samanburði við útlöndin er hugsanlega sóknartækifæri hér.
Svo er ég alltaf að velta fyrir mér hvort styrkja mætti tengingu við klifurhúsið og alla elítu klettaklifrarana sem virðast hafa fjarað svolítið frá Ísalp síðastliðin ár og spurning er hvernig “nýliðun” í alpinismann sé í dag sbr. við hvernig það var fyrir 5-10 árum. Er hugsanlega stór hluti efnilegra klifrara að stefna í sportklifrið eingöngu?
Þetta var svona top of mind… En Himmi – hvenær býður þú þig fram til stjórnar?
Takk fyrir upplýsingarnar strákar – þetta er óneitanlega spennandi og vissulega eitthvað sem maður þyrfti að preppa sig vel fyrir ef af yrði.
Gallinn er þó sá að ég verð hugsanlega á þessu svæði í byrjun ágúst og því ekki beinlínis kjörin tímasetning fyrir alvöru klifur – en eins og Siggi bendir á, í versta falli tekur maður bara túristann á þetta – sem yrði þó eflaust hrikalega erfitt… standa og stara og gera ekki neitt – nema þukla á berginu.
Var einhvern tíman fjallað um staðinn í einhverju ársritinu?
Ég sá myndasýninguna þegar hún var á vegum 66°norður. Flott myndasýning og áhugaverð þar sem sýndir eru leyndardómar Noregs í klettaklifri og frásögning hin flottasta. Mæli með þessari myndasýningu fyrir alla sem eru eitthvað að klípa í kletta.
Voðalega hljómar þetta HanWag furðulega… og svo er lógóið eins og á hamborgarabúllu… Skórnir lúkka samt ósköp eðlilega út
Þó ég sé þannig séð sammála öllu sem Maggi segir þá byrjaði ég á að kaupa hræódýra skíðaskó og skíðaði á þeim í einn vetur (var ekkert voðalega oft) og komst þannig að tvennu:
1) Fokk hvað þetta var gaman og ég varð þá betur viss um að ég var tilbúinn að eyða stórum seðlum í þetta frábæra sport
2) Ég vissi upp á hár hvernig skíðaskó ég vildi eftir þessa “aðlögun” inn í sportið.Í ljósi þess að stórfótur (Gummi) er að skoða það að byrja í sportinu þá finnst mér ekkert sjálfgefið að splæsa strax í einhverja glansandi fína skó, sem jafnvel eru ekki það sem hann vill að lokum…
Hitt er síðan að líkurnar á því að Gummi finni notaða skó á Íslandi sem passa á sig eru svo gott sem engar og því endar þetta eflaust á því að kappinn splæsi í eitthvað sem krefst greiðslumats
Væntanlega endurtekin vonbrigði í þessum pósti þar sem ég er gallharður Scarpa maður, á í raun 4 tegundir af scarpa skóm og allir til fyrirmyndar. Ladack klikkar ekki sem alhliða fjallgönguskór en svo er ég virkilega ánægður með Jorasses skóna, sem eru mýksta útgáfan af stífum skóm frá Scarpa (mýkri útgáfan af Freney) og eru góðir í lengri göngur (á jökli, bergi, ís, fjalli, etc.) og fínir í ísklifrið. Helsti gallinn við þá er að þeir eru hlýir og því ekkert voðalega gott að nota að sumri til.
(aðrir scarpa skór sem ég á eru klifurskór og fjallaskíðaskór (þó hundgamlir))
Mér líst vel á tillögur Andra – eitthvað svo augljósar þegar hann nefnir það og munu nánast pottþétt gera isalp.is sýnilegra. (FB paranojan er óþörf þar sem þetta er eingöngu minniháttar viðbót við núverandi síðu, þetta verður aldrei staðgengill en mun líklegast draga úr aðskilnaði.)
Tek jafnframt undir ósk/tillögu um tíðari fréttir.
Kannski ágætt að hafa það í huga að allir sem eru búnir að kommenta á þennan þráð tilheyra 80% þeirra sem eru að tjá sig á reglulegum basis á síðunni. Þó að þessi litli hópur lofi tíðari skrifum held ég að lausnin á þessu vandamáli sé ekki beinlínis í sjónmál… Markmiðið er, held ég, að gera fleiri aktífa í þessum skrifum og að þátttakendum í störfum félagsins.
Ísalp er fyrir fjallamenn og konur sem heillast af fjallamennsku á jaðrinum. Sem stendur eru ófári sem falla undir þessa skilgreiningu ekki virkir meðlimir í Ísalp. Þá grunar mig jafnvel að rjóminn af nýgræðingum eru að vaxa upp í hjálparsveit eða hjá klifurhúsinu og að líkurnar á því að þeir endi í Ísalp fari dvínandi með hverju árinu – og að jafnvel fari fólki í “mountaineering” fækkandi með árunum… en það er kannski bara eitthvað svartsýnistal í mér.
Þá finnst mér alvegt vert að hafa það í huga að harkaleg skoðanaskipti á síðunni geta alveg hrætt í burtu nýgræðingana og hefur eflaust gerst oftar en einu sinni. Skoðanaskipti eru góð en á sama tíma ágætt að hafa vanda orðavalið ef hægt er.
P.S. Himmi – ég væri meira en til í að heyra meira af klifri þínu í Ástralíu og hvet stjórn til þess að sjanghæja þig í að halda myndasýningu um ferðina. Svo væru greinaskrif í næsta ársrit vel þegin.
Ég tek undir þessar vangaveltur hjá Bjögga… Finnst alltaf jafn leiðinlegt hvað umræða er alla jafna lítil á síðunni og þegar eitthvað er sagt þá er það gjarnan fámennur hópur sem er eitthvað að tjá sig.
Þessi fámenni hópur lætur þetta stundum líta út eins og isalp.is sé í raun enn ein fámenna klíkan og hef ég reyndar heyrt aðra fjallamenn benda á þessa “staðreynd” til að útskýra takmarkaða aðkomu að síðunni og klúbbnum.
Nú veit ég ekki hversu margir eru að fara inn á síðuna en ef það er ágætis fjöldi þá er heimasíðan eflaust að standa undir sínu. Hitt er hve óduglegir menn/konur eru að segja frá sínum ævintýrum og jafnvel enn verra er hve fólk er óduglegt að kommenta á hvað aðrir eru að gera – sem dregur líklegast úr líkum á því að sagt verði frá næsta ævintýri.
Ég er kannski kominn í of djúpar pælingar um orsök og afleiðingu en er kannski að gefa í skyn að hugsanlega hefur einhver bolti farið af stað og það hefur hlaðist á hann jafnt og þétt og engn ein orsök fyrir þessu. Afraksturinn er aftur á móti sá að á ca. 5 árum hefur Ísalp breyst úr því að vera hjartað í fjallamennsku íslands (kannski full jákvæð lýsing) yfir í það að vera einn af mörgum valkostum sem upprennandi fjallakall/kella getur sótt í og tengt sig við. Léleg þáttaka á isalp.is er síðan bara ein birtingarmyndin á þessu vandamáli…
Annars fer ég örugglega 5 sinnum á dag á síðuna og fylgist gaumgæfilega með flestu sem gerist þar… Ómeðvitað er ég, held ég, að stilla mínum kommmentum í hóf einfaldlega af því að þá væri ég eflaust “þessi sem er alltaf að skrifa á síðuna” – af því að skrifin eru það lítil… Yrðu samskiptin virkari myndi ég eflaust láta heyra meira í mér.
Slæmar fréttir. Vonandi stefnir í góðan bata.
Hvernær ætla menn annars að deilda fréttum af herlegheitunum?
Já, Akureyri stóð klárlega fyrir sínu þessa helgina, dúndurgott púður og ekki amalegt að fá að taka fyrstu púðurlínur vetrarins, þó ég hafi neyðst til þess að sleppa Mannshryggnum í þessari ferð.
Þó virtist einhver einn vera þar allra fyrstur – einmitt niður mannshrygginn. Ég sá nú bara skíðaförin en það var allt útlit fyrir að sá hafi verið í brunstellingunni allan tímann, svo stórar voru beygjurnar auk þess sem hluti af brekkunni hafi einfaldlega verið floginn, þar sem löng og væn stökk virtust tekin á óvæntum stöðum…
Einhver hvíslaði því að mér að ofurmenni að nafni Kristinn Magnússon ætti eflaust heiðurinn af þessu – er það svo?
