Forum Replies Created
-
Posts
-
Árni, við höfum þá farist á mis á Eyjafjallajökli því ég lagði af stað frá veginum fyrir ofan Skóga um kl. 11 á laugard. og fór 100 m fyrir neðan skálann. Við vorum uppi á Hámundi rúmlega 14.00 og renndum okkur svo í laugina. Þótt ekki sé mikill snjór á jöklinum sunnanverðum var þó hægt að renna sér langleiðina niður að háa fossinum vestan megin við þar sem maður gengur venjulega upp.
Kv. SMGott að fá fréttir úr Öræfajökli núna fyrir páskana. Heitir hóllinn ekki örugglega Hrútsfjall?
Kv. SMÞakka þér fyrir að gæta stafanna, Jón Marínó; þeir hafa auðvitað talsvert tilfinningalegt gildi. Hef samband við þig síðar.
Næst þegar þegar meðlimum ÍSALP verður meinuð umferð um óbyggt land eða hótað lögsókn af því tilefni ættu þeir að hafa samband við einhvern hinni fjölmennu lögfræðideild klúbbsins. Ég veit að a.m.k. um einhverja lögfræðinga sem myndu glaðir taka til varna í málsókn, eins og þeirri sem Róbert lýsti að sér hafi verið hótað.
Kv. SMVoruð þið bara tveir? Ummerkin bentu til þess að þarna hefði verið haldið ísklifursnámskeið ÍSALP með metþátttöku. Við Jón Þorgrímsson fórum orginalinn á sunnudag. Tek undir að fossinn er í mjög góðum aðstæðum þótt e.t.v. sé minni ís í honum en maður hefði ætlað fyrirfram. Dírekt leit mjög vel út. Fyrir áhugamenn um frístandandi kerti er rétt að taka fram kókostréið (í Kistufelli) var komið niður og leit mjög æsandi út. Hver nennir að klöngrast upp í Múlafjall með þessar aðstæður í heimraðanum?
Jú, ég las lýsinguna. Fannst bara öruggara að stíga varlega til jarðar og hrapa ekki að neinum ályktunum þegar fyrir liggur að Hardcore og önnur stórmenni eiga í hlut. Maður getur semsagt dundað sér við að vísúalisera kertið í sófanum, þökk sé góðri myndatöku.
Virkilega glæsilegar myndir Jón Haukur (þó e.t.v. óþarflega mikið af portrettum). Er stóra kertið í miðjunni ófarið eða gleymdist bara setja það inn á topo-ið?
F.h. sófaklifrara
SMGaman að heyra í þér Einar. Ég fékk Touching the Void í jólgjöf og sat eins og límdur við milli jóla og nýárs. Hann skrifar vel Joe Simpson og gaman væri að fá að sparka í hnéið á honum. Eftir að lestrinum lauk hef reyndar varla þorað að fara út úr húsi af ótta við að láta lífið – svo mögnuð var frásögnin. Veit ekki hvort að svona frásagnir eru til þess fallnar að auka áhuga manna á fjallamennsku – gætu heldur ítt undir þá skoðun almennings að klifur og þ.u.l. sé einskonar rússnesk rúletta. Ívar og Jökull eru e.t.v. ekki beint til þess fallnir að kveða niður slíka fordóma eða stuðla að því að fjallamennska verði almenningsíþrótt.
Tókst ekki opni dagurinn bara vel? Aldurinn 10-14 er alls ekki svo slæmur með hliðsjón af neyslugetu, sbr. t.d. markaðssetningu á poppi, g-strengjum og e-pillum. Annars vildi ég koma því að barnaveggurinn breytir mjög yfirbragði Klifurhússins og gerir það miklu fjsk.vænna. Mikið hrós fyrir það. Ég væri raunar þegar búinn að endurnýja árskortið mitt ef ég væri ekki enn að reyna að finna þessa fjóra eða níu til geta keypt “fimm eða tíu saman”. Hálfgerður óþarfi að vera skattleggja leiðinlegt og vinafátt fólk sérstaklega þótt eflaust sé markmiðið göfugt.
Þakka fyrir að fá að fljóta með í kókópuffspakkanum hjá J.H. Mér finnst líka gott að taka í kókópuffsið á köflum. Þetta er nú einmitt gallinn við leiðarvísis-seringu leiða. Eftir að leiðarvísir er kominn hættir maður að hugsa sjálfstætt um hvert maður er að fara og reiðir sig á uppl. frá öðrum. E-ð sem fornmenn eins og J.H. hafa aldrei lagt í vana sinn. Hvað um það, tilgangurinn með skrifinu var nú bara að tékka af þessa blessuðu leið . Ef ég fer þarna aftur hef ég persónulega nokkuð góða hugmynd um hvað ég geri. Línan sem ég fór er líka fær og reyndar skemmtileg eftir á að hyggja, sbr. það sem áður segir.
Kv. SMMér finnst vafi um aðild að og eðli eignarréttarins ekki breyta miklu um þau vandamál sem að framan greinir. Að því er varðar þau lagalegu atriði sem Guttormur nefnir er rétt að ræða þau á öðrum vettvangi. Einhvern tíma verður auðvitað að fá þau mál á hreint en fyrst er að sjá hvort skálinn lifir nútímann af.
Kv. Skúli Magg
Varðandi þá hugmynd að komið verði fyrir litlu neyðarskýli í Tindfjöllum í stað þess að breyta skálanum, eins og rætt hefur verið um, þá er ég alls ekki að leggja til að ÍSALP komi upp og reki neyðarskýlið. Eitt af verkefnum Slysavarnarfélagsins Landsbjargar er að koma upp og reka neyðarskýli. Ef þörf er á opnu neyðarskýli á þessu svæði myndi ég telja að það stæði þessum samtökum næst að taka það verkefni að sér. Mér fyndist koma til greina að forráðamenn ÍSALP hefðu samband við Slysabjörgu, kynntu þá afstöðu ÍSALP að nauðsynlegt væri að læsa skálanum, og grennsluðust fyrir um hvort samtökin teldu rétt að á staðnum væri opið neyðarskýli. Persónulega tel ég að aðstæður geti verið þannig að mjög gott sé að geta komist í húsaskjól þarna þótt selið sé aðeins í 1,5 km fjarlægð. Ef Slysabjörg er á annarri skoðun er hins vegar spurning að hvaða marki ÍSALP á að bjarga málinu með hálfopnum skála…
Kv. Skúli MaggMér finnst það vera hárrétt athugað hjá Kalla að það er ekki hlutverk ÍSALP að halda uppi neyðarskýli í Tindfjöllum, hvað þá kaffiaðstöðu fyrir sleða- og jeppamenn. Slík starfsemi til almannaheilla stendur öðrum nær (t.a.m. þeim björgunarsveitum sem notað hafa skálann endurgjaldsslaust). Við skulum hafa í huga að sú góða hugsjón að til sé opið neyðarskýli upp í Tindfjöllum má ekki verða til þess að skálinn leggist af, eins og nú stefnir raunar í. Slík niðurstaða væri engun í hag. Er sammála því að lykillinn að málinu sé að læsa skálanum með lykli (það er jú alþekkt hvernig fer með takmörkuð gæði sem enginn á!). Það eina sem ég hef áhyggjur af er skálinn sjálfur, þ.e. útlit skálans með tilliti til þeirra breytinga sem Kalli hefur í huga. Þar þarf að stíga varlega til jarðar. Skálinn er þó ekki í upprunalegri mynd eins og hann er núna, eins og aðrir geta sagt betur frá en ég. Finnst enn spurning hvort staðlað neyðarskýli af minnstu gerð gæti verið betri lausn.
Kv. Skúli Magg.Í stað þess að breyta Tindfjallaskálanum með tilliti til þess að unnt sé að læsa honum myndi ég frekar leggja til að litlu stöðluðu neyðarskýli á la Slysó yrði komið fyrir í nágreinni skálans, t.d. á melnum vestan við hann. Skýlið gæti svo nýst sem konjaksstofa skálagesti. Annað var það ekki…
Kv. Skúli Magg.Er það rétt sem mér heyrist (Kalli)? Er einhver að hugsa um það í alvöru að gefa skálann uppá bátinn og reisa e-s konar appelsínugulan plastdall í staðinn? Minni á að skálinn hefur ríkt varðveislugildi auk þess sem það getur verið talsvert vesen að reisa nýjan skála af ýmsum ástæðum (sbr. t.d. Fimmvörðuhálsmálið skemmtilega). Hvað sem líður hugmyndum björgunarsveitarmanna um endurreisn Tindfjallasels (neðsta skála) þá mun þessi skáli alltaf standa fyrir sínu sem best staðsetti skálinn á svæðinu. Það ættu jafnvel Norðlendingar að vita. Ég get svo bætt því við að ég var þarna síðast um páskana og þá var skálinn þurr og þriflegur (fyrir utan eina dýnu sem Jón Gauti Jónsson bleytti um nóttina), nóg af gasi á kútunum og eldhúsbúnaður á sínum stað. Ég veit ekki betur en að nægilega margar spýtur séu ófúnar í skálanum svo að enn sé hægt að halda honum við (þið leiðréttið það ef rangt reynist) með ófaglærðu vinnuafli. Sting uppá að við hættum þessi svartnættisrausi og söfnun heldur liði í viðhaldsferðina í sumar.
Kv. Skúli Magg.
