Forum Replies Created
-
Posts
-
Föstudagur 30 nóv.
Talsvert hefur bætt í snjó s.l. sólarhring. Það gerði smá glufu í veðrið um hádegi í dag og sást aðeins upp í Fjall. Allur þessi snjór hefur pakkast í skjólsæla staði, t.d. neðri hluta Kóngsgils, Suðurgil og auðvitað í snjógirðingar. Annars staðar hefur snjó tekið úr brekkunum.
Allir ættu að geta fundið sér brekku við hæfi til að renna sér í. Hvet menn til að kíkja í Bláfjöllin um helgina ef veður leyfir.
Bendi mönnum sérstaklega á að skoða allan þann snjó sem safnast kringum girðingar t..d. í Norðurleiðinni.
Vek athygli á að þessi nýi snjór sest allur ofan á hart lag og verða menn því að huga að snjóflóðahættu.
Kv. Árni Alf.
Það er hægt að skíða frá fjallsbrún og alveg niður stöku mjóa lænu á Suðursvæðinu. Það er þunnt á en þetta er massífur harður grunnur og grjótið sést vel. Fyrir sunnan Suðursvæðið eru ágætis brekkur og talsvert meiri snjór.
Það er spáð viltausu veðri og snjókomu núna seinni partinn. Það eru samt ekki miklar líkur á að sá snjór klæði brekkurnar að einhverju marki því vindurinn er einfaldlega alltof mikill. Nú væri gott að hafa girðingar til að fanga þann snjó.
Kv. Árni Ofsaveður
Ég tek líka undir með Skúla um að taka því rólega og anda með nefinu. Þetta mál ber allt of brátt að til að menn geti tekið yfirvegaða og vel ígrundaða afstöðu.
Kv. Árni Alf.
Heyrði það frá manni sem vel er kunnugur innan ferðaþjónustunnar að Útivist hefði falast eftir Tindafjallaseli (Neðsta skála). Reyndar hafi Árni Johnsen þingmaður og Ísólfur Gylfi frændi minn og fyrrverandi þingmaður boðið betur í hálfbyggt húsið. Hafa þeir í hyggju að rífa fokheldan kofann og ætla að byggja þar skíðahótel. Þarna eru víst stórar upphæðir á ferðinni.
Kv. Árni Alf.
Viðar minnist á einhverjar skuldbindindingar sem fylgja sölunni. Væri hægt að fá að vita hverjar þær eru? (arnialf@vortex.is). Er ekki alveg á hreinu að skálanum verði viðhaldi í núverandi mynd verði af sölu? Ég sé ekki betur en ferðafélögin keppist nú um að kaupa upp alla kofa og skálalóðir sem hægt er að komast yfir á þessum slóðum. Ég vona að FÍ sé ekki bara í þeim hugleiðingum að komast yfir lóð.
Fyrir tæpum þremur áratugum fór ég í mína fyrstu ÍSALP ferð í Tindfjallaskála. Farið var með rútu á föstudeginum frá Grensásveginum og gengið um nóttina upp í skála. Ætli það hafi ekki verði ca. 20 manns í túrnum. Mér er minnistætt að gríðarlegur hiti var á loftinu í skálanum enda þétt legið og mikið kynt.Mikill þorsti sótti að mér. Ég fann vatnspelann minn, að ég hélt, í myrkrinu og tók gúlsopa. Ansi var vatnið orðið rammt því mér svelgdist á. Þarna var á ferð eðalkoníak sem legunautur minn hafði verið að sulla í um kvöldið. Þessar ferðir höfðu heilmikinn ævintýrablæ yfir sér.
Suðurjöklahringur er ein magnaðasta gönguskíðaferð sem í boði er. Tindfjallaskálinn skipar stóran sess í þeim ferðum enda hefst túrinn á að skrölta frá Fljótsdal og upp í skála að kvöldi. Fyrir tíma GPS var oft heilmikið mál bara að finna skálann. Já það var í þá gömlu góðu daga þegar það var ævintýri að komast frá A til B. Að klára svona túra var bara fyrir ofurmenni. Já maður á góðar minningar úr skálanum.
Kv. Árni Ofurmenni
Einbúi er settur á rangan stað á kortinu. Tindur er ekki til. Ég hef það frá fyrstu hendi frá fólki sem bjó að Fljótsdal, innsta bæ í Fljótshlíð, að sá mjög áberandi klettur sem blasir við frá bænum heiti Einbúi.
Fjallamenn úr Reykjavík komu þarna austur á sínum tíma, uppnefndu þennan klett Tind (sjá árbók Fí 1960) og komu því inn á kort.
Finnst mönnum líklegt að fólk sem hefur eitthvað kennileyti
fyrir augunum á hverjum degi fari með rangt mál?Á umræddu korti (og fleirum) er örnefnið Einbúi einnig settur fyrir ofan Stóru-Mörk. Það er, hefur aldrei verið, né verður neinn Einbúi á þeim slóðum. Og enn síður tindur.
Kv. Árni ættaður frá Stóru-Mörk
Já rétt er að þetta er á kortinu en það er einfaldlega vitlaust. Kannksi það þyrfi að skrifa um þetta stutta laggóða grein í næsta ársrit ÍSALP.
Mig rámar í það að ÍSALP hafi á sínum tíma samþykkt að réttara væri að nota nafnið Einbúi enda væri það eldra og réttara nafn en nýnefnið Tindur. Eitthvað er til um þessa samþykkt í eldri ritum ÍSALP. Hafa skal það er sannara reynist sagði Ari eða Árni fróði.Kv. Árni fróði
Ja þú áttir við Einbúa Siggi minn. Það er hvergi klettur sem ber heitið tindur á þessu svæði en Einbúi er þarna. Ja líklega er bara Lödu færi víða til fjalla þessa dagana.
Kv. Árni Alf.
Já Ágúst hef mikinn áhuga á að næla mér í þessa skó. Smellpassa vonandi. Ekki er verra að það séu nýjar reimar til að halda þeim saman.
Kv. Árni Alf.
Var að spá hvaða litur væri á þessum Scarpa Vega skóm. Fjólubláir (bleikir) er náttúrulega toppurinn.
Kv. Árni Alf.
Létt verk fyrir lipran mann. Fróðlegt verður að heyra nánari lýsingu. Leifur, til hamingju.
Árni Alf.
Ja ég held bara að þetta sé nokkuð rétt lýsing hjá Kalla, nema hvað handarbrotið var í ferð nokkru síðar. Hér kemur þó önnur.
Einhvern tíma fyrir 20 árum var ég vakin snemma á sunnudagsmorgni. Ástæðan var sú að ég átti fortláta neongrænan ´47 model af Willys á 40” dekkjum sem gat nýst til þungaflutninga þennan morgun. Eitt verkefna á samæfingu björgunarsveitanna var nefnilega að ná í mann af botni Þríhnjúkagígsins. Frá Bláfjallabílastæðinu var ekið að gígnum með bílinn fullhlaðinn af björgunardóti og 9 manns úr HSSR, flestir hangandi utan á. Þar af voru fjórir metrar af tvíburum á húddinu (Ævar og Örvar Aðalsteinssynir).
Þegar komið var að gígopinu var tekið fram forláta handknúið spil sem sveitin átti. Spilinu fylgdu tvær 100m vírhankir sem tengja mátti saman. Úr bænum hafði komið með mér Jóhann “Kælir” Viggó Jónsson. Báðir vorum við hæfilega ryðgaðir eins og vera bar á sunnudagsmorgni. Úr varð að Jói, útbúinn hausljósi og talstöð, var settur á vírendann og byrjað að slaka niður. Fljótlega fór vírinn að snúast sitt á hvað. Jókst snúningurinn stöðugt og Jói orðin eins og “diskó ljós” þarna í lausa loftinu. Diskó ljósin voru enn allsráðandi á skemmtistöðum borgarinnar á þeim tíma og því kannski lítil breyting frá kvöldinu áður fyrir Jóa.
Á þessum árum var snúran í mikrafónn talstöðvanna mjög þykk með mjög stífum gormi. Þrátt fyrir þetta varð snúran þráðbein vegna miðflóttaaflsins. Þurfti “Kælirinn” að hafa mjög mikið fyrir því að draga mikrafóninn að sér. Fárveikur af snúningi gat hann “ælt” upp úr sér : “slakið hraðar niður”. Þegar niður kom þurfti hann að leggjast flatur fyrir í langan tíma til að jafna sig. Jafnvægisskynið var horfið og ógleði mikil.
Uppferðin var enn verri. “Sjúklingurinn” hékk niður úr sjúklingnum Jóa og snúningurinn ekki minni. Statik lína hafði verið sett með til öryggis því menn vissu ekki hvað vírarnir þoldu mikinn þunga og snúning. Allt lenti þetta allt í tómri flækju. Heppni að engin hengdist í þessu ævintýri. Gríðarlegt puð var að snúa spilinu. Það lá skorðað milli steina sem gerði erfitt fyrir menn að leggjast almennilega á sveifarnar. Upp komu mennirnir slappir, óglaðir og ringlaðir eftir tveggja tíma uppferð á “fullum snúningi”. Já þetta voru miklir snúningar fyrir alla.
Kv. Árni Alf.
P.S. Spil þetta sást í notkun fyrir nokkrum dögum við stóra svelginn í Sólheimjökli. Kalli og Palli kunna því kannski betri skil.
Í annað skipti sem varadekksfelgan afa hans Himma og zúkkan hans Kalla var notuð við uppdrátt fór ég fyrstur niður. Notaði áttu og hafði prussikk band sem öryggi. Seig fyrst með línuna í poka en nennti því svo ekki og fleygði henni niður. Þegar leið á sigið fer mig að verkja all svakalega í hægri hendina og gat illa stýrt siginu. Reyndi að vefja línunni um fallegu fjólubláu Scarpa Vega skóna til að hægja á hraðanum án árangurs vegna þyngdar línunnar. Sársaukinn var það mikill að ég neyddist til að sleppa línunni. Sem betur fer virkaði prussikk hnúturinn og ég stoppaði. Þá kom í ljós að það vantaði ca. 20 metra uppá svo línan næði til niður. Fékk senda aðra línu og komst til botns.
Ástæða sársaukans var sú að nokkrum vikum fyrr hafði ég farið í heita pottana í Laugardalnum eftir eitthvað djamm. Við að príla yfir grindverkið hafði ég dottið beint fram fyrir mig og brotið bátsbeinið. Þetta kom hins vegar ekki í ljós fyrr en við sigið. Svona fyrir “recordið” vil ég taka fram að ég fór fyrstur upp á varadekksfelgunni afa hans Himma og zúkkunni hans Kalla. Fer kannski betur að aðrir segi þá sögu, sáu hana kannski í öðru ljósi en ég.
Kv. Árni Alf.
Svona til fróðleiks þá vantar ca. 700m af girðingu til að klára Norðurleiðina. Ég hef heyrt að snjógirðing kosti 1000 – 3000 krónur á metrann. Þarna er verið að tala einhverjar tvær milljónir. Þá væri opið fyrir almenning margfalt fleiri daga (ágiskun tvöfalt til þrefalt). Þessar tvær milljónir eru eitthvað lítið brot af því sem rekstur svæðiðsins kostar árlega. Og fljótar að borga sig til baka.
Kv. Árni Alf.
Enn er nægur skíðasnjór í Bláfjöllum við snjógirðinguna sem nær niður frá stólalyftunni nýju og hálfa leið niður Norðurleiðina. Þar sem snjógirðingunni sleppir er alveg marautt. Af hverju er þessi girðing ekki kláruð alveg niður?
Ef hún væri til staðar væri alveg örugglega ennþá hægt að hafa opið í Bláfjöllum. Ef girt væri niður Kóngsgilið væri sú leið í mjög góðum aðstæðum. Kíkið bara á vefmyndavélina.
Fyrir mér sem skíðamanni er þessi heimska alveg óskiljanleg og hrein og bein svívirða og lítilsvirðing við skíðamenn.Kv. Árni Alf.
Spyr sömu spurningar og ævaforn Ívar. Frá Landnámi til okkar sem ýmist erum sköllóttir eða gráhærðir? (var nú sjálfur hárprúður í árdaga eins og Haraldur Hárfagri)
Skil ekki af hverju Kári hjá ÍE leggur ekki meir upp úr að finna skallagenið eins og fjölmiðlafárið var kringum elligenið sem hann?
Kannski maður verði aldraður að eilífu?Kv. Árni Alf.
Sammála Ívari, ég veitti þessu nú litla athygli í fyrstu en nú er orðið spennandi að fylgjast með þessu (sjá útiveruvefinn). Það sem gerir þetta líka heillandi að mínu viti er að þarna koma flestar hliðar fjallamennsku við sögu. Þetta er bæði klifur, sígildar fjallgöngur og síðast en ekki síst (og alltof sjaldséð), góður gönguskíðaleiðangur eins og Olli er nú að klára um vestanverðan Vatnajökul. Flott framtak.
Kv. Árni Alf.
Verð að taka undir með Sissa og Olla. Lexía þessarar helgi og reyndar þeirrar þar á undan er að sprungur eru meirháttar vandamál á öllum leiðum á Hnjúkinn.
Kv. Árni Alf.
Gleðilegt sumar. Ekki ónýtur dagur í aðsigi. Logn, heiðríkja og fimm stiga frost. Fyrir þá sem nú þegar eru ekki farnir annað þá er tilvalið að bregða sér í Fjöllin og flatmaga um hádegisbil í sólbráðinni, éta pizzur og hlutsa á Jónsa í svörtum fötum hér við skálann. Tilvalið fyrir barnafólk. Ef menn nenna geta þeir brugðið sér á skíði. Örugglega engar raðir.
Kv. Árni Alf.
Hér hefur éljað í nótt og Fjallið lítur vel út. Frábært veður með þokuslæðingi sem gerir þetta allt ævintýralegra. Sannir skíðamenn mega ekki missa af svona dögum. Mæli með að menn mæti snemma svo eitthvað verði eftir af ósnertri mjöll. Tekið skal fram að grjót er varla hægt að finna í öllu Fjallinu og því af nógu að taka.
Kv. Árni Alf.
Veit vel uppá mig skömmina. Enda ekki sofið illa og dreymt illa nú um helgina. Líklega á maður ekki skilið að frétta neitt.
Kv. Árni Alf.
Reyndar var nú opið í Bláfjöllum í dag. A.m.k. rúllaði Kóngsi ásamt fleiri lyftum frá í morgun til að ganga fimm. Ansi kalt, vægast sagt. Hér hefur verið gríðarlegur lágarenningur þarmeð þannig að stókarnir hafa staðið austur af Fjallinu (stundum fólk með). Ekki ónýtt ef maður hefði girðingar til að fanga allt þetta efni. Virkilega fallegt í síðdegissólinni. Þetta er bara alvöru vetur. Hvernig er þetta, fær maður ekkert að heyra af viðburði ársins fyrir norðan?
Kv. Árni Alf.
Tek undir með kollega Lamba. Góða skemmtun allir. Ekkert lát á ofankomu hér sunnan fjalla í allan dag. Þessi mikli nýi snjór leggst ofan á glerhált lag sem myndaðist s.l. fimmtudag. Hvet menn til að fara gætilega sérstaklega í austurhlíðum fjalla hér sunnanlands. Verð líklega í barnapössun á “Skíðasvæðinu” á Suðurlandi.
Kv. Árni Alf.
Lýðurinn er einfaldur. Áróðurinn þarf því að vera einfaldur. Ef hann er endurtekinn nógu oft verður hann sannleikur !
Þetta sagði Göbbells áróðursmála ráðherra Þjóðverja í seinni heimstyrjöldinni. Virkaði vel þá og virkar vel ennþá. A.m.k. trúir enginn á snjó í Bláfjöllum.
(Tekið skal fram að ég er ekki vel að mér í mannkynssögu).
Kv. Árni Alf.
Fæst orð bera minnsta ábyrgð sagði einhver. Verð samt að þakka fólki góð viðbrögð við þessari löngu tímabæru grein. Hér eru reyndar engin ný sanndindi á ferðinni. Mig grunar samt að í aðsigi séu rangar ákvarðanir. Hef heyrt að tölur á bilinu 100-200 milljónir í start kostnað fyrir snjóframleiðslu í einni brekku. Tel skynsamlegra að eyða 20-30 milljónum í landmótun og snjógirðingar fyrir allt svæðið. Það gæti dugað til að opið væri a.m.k. 4-6 mán. á ári. Ég óttast að Björn Ingi og Borgarstjóri séu ekki vel upplýstir um málið. Hver fær að skíða í þessari einu brekku?
Kv. Árni Alf.
